الفيرنا مع الغاز والبنزين 92 ،،،
السلام عليكم ورحمه الله وبركاتة
عندي العربية فيرنا 2013 ماشية حوالي 14500 كيلو وهي شغاله تاكسي
المهم العربية لما تكون شغاله غاز بتكون ماشاء الله كويسة جدا وسرعه وتجميع وشد فوق الوصف
لما اجي احول بنزين خصوصا علي النقلة التانية والثالثة مش بتجمع ولا بتشد بنفس سرعه الغاز ، مع ان المفروض يكون العكس ،،،
يعني بلاقي عربيات قديمة ومركبة غاز بتسبقني لما بحول لبنزين 92
طبعا قبل ما احط 92 كنت شغال ب 80 قبل موضوع الغاز برضه وكانت بتجمع وتشد كووويس جدا بس الطلمبة باظت وبعدها قولت مفيش غير 92
هي المشكلة كلها في النقلة الثانية والثالثة
هحاول اوصف علي قدي
الثاني يبدأ من 20 الي 40
لو بالغاز مفيش ثانيتين او ثلاثة تجيب الثالث علي طول
انما البنزين تسمع كأن مدافع من الشكمان ومكتومة وترجرج عند ال 30 وبعد كدا تحس انك ضغطت علي زرار كيك داون ، بحس انها هتطير
وهكذا النقلة الثالثة
قولت اما اشوف الفلتر يمكن يكون مش نظيف
وطلعته ونظفتة وطلع مفهوش شئ
ياتري ايه السبب خصوصا الثاني والثالث
وجزاكم الله خيرا