الموضوع: موضوع محيرني

المشكله إن المرأه هى العدو الأول للمرأه
والكلام ده عن تجربه وواقع مشابه بالضبط لدرجه إن الحماه بتوقع ما بين إبنها ومراته بالكدب واللى معقد الموضوع أكتر هو إن الإبن ده هو وحيد الأم
بس ايه الحل مفيش حل
مينفعش ان الزوج برمى امه عشان مراته
وللأسف الأم المفروض تخللى عندها دم وتعرف ان دى سنه الحياه ولازم توسع المجال شويه للزوجه الجديده
والزوجه برضه لازم تتعايش مع الوضع على انه موجود وإن إكرامها لأم زوجها فيه ثواب كبير من ربنا وتستحمل شويه وعامة الأمور بتتحسن مع الوقت وخصوصا مع الأحفاد اللى بيشغلوا الأم والجده كتيير
وأحب أطمنك إن من أتكلم عنها بسم الله ما شاء الله بقالها 10 سنين متجوزه ومستحمله وربنا معوضها خير عن صبرها
يبقى التحمل هو الحل

الموضوع ده بالذات معقد شويتين وفيه أكتر من رأى باختلاف وجهات النظر... وجهة نظر الزوج أو الزوجة أو والدة الزوج...
لكن أنا عايز أقول وأنبه على حاجة...
حتى لو البنت اللى جالها عريس متقدملها وظروفه شبيهة بظروف زوج صديقتك... وهى لاقته بايع والدته عشان خاطر عيونها ولا فارق معاه الست اللى ربته وسهرت عليه ليالى ... وسابها تعيش لوحدها وهى أصلا بتكبر فى السن وعايزة اللى يرعاها.. فضلا عن اللى كلنا عارفينه من أن الجنة تحت قدميها... البنت ديه المفروض ساعتها تتوجس منه شرا... لأن اللى باع أقرب واحدة له من دمه.. سهل قوى انه يبيع أخواته وبقية قرايبه حتى لو كان متربى معاهم.. فما بالنا بالزوجة اللى رابطه بيها كلمة وورقة - آسف دى مش نظرتى أنا للزواج أو الزوجة ولكنها بالطبع سوف تكون نظرة مثل هذا الشاب - ممكن يعمل فيها ايه بعد كده لو شافله شوفه تانية..... لكن أنا برده مش حاجى على طول الخط على طرف لحساب طرف ثانى.... زى ما قولت هى مسألة معقدة ... وتتطلب حنكة عالية ودبلوماسية من الزوج فى التعامل مع الزوجة والوالدة .... تعامل من شأنه الحفاظ على كرامة الأم ومحاولة رد جزء من جميلها على ولدها.... ومن شأنه فى ذات الوقت حفظ حقوق الزوجة بما لا يمس كرامة أو حقوق الوالدة.... لأنه من المقرر شرعا أن حق الأم على ولدها الذكر مقدم على حق الزوجة....
وبعدين يعنى البنت اللى فى الموقف ده توسع أفقها شوية وتبص لقدام مش بس تحت رجليها.... هى ضمنت كمان 20 أو 30 سنة حتبقى ظروفها ازاى؟؟
مش يمكن تبقى مكان هذه الأم مع مرات ابنها؟!!
ساعتها هى تحب مرات ابنها تعاملها ازاى؟

البيت الزوجي حق للزوجة وليس الأم
كما كان حق الأم وقتما كانت زوجة

و هذا لا يتعارض مع بر الأم نهائيا يمكنه ان يبر امه في بيتها
و ان كان طامعا في ثواب البقاء تحت قدميها -وهذا حقه و حقها عليه بلا مناقشه- فلا يجب ان يجبر امرأة أخرى ليس حقا عليها ان تفعل ,ان تفعل هذا معه يعني باختصار ما يتجوزش ....

ولكن الحالة المطروحة الزوج براءة ...الراجل جاب من الآخر و الزوجة جابته لنفسها برضاها ...تشرب وهي ساكته

هي اللي غلطانه انها وافقت من الاول



مش عقوق لا سمح الله

لكن لأن ده مخل لموازين الطبيعه

اي بيت بيتكون من زوج وزوجه

هم لو عايزين مايكونوش عاق لها ويكون بيبرها
ممكن يعدي عليها كل يوم
معلش يتعب شويه ولبي طلباتها
وممكن مراته عن تسامح تساعدها شويه في شغل بيتها (وكله بثوابه)
ممكن يروح يبيت معاها مرتين في الاسبوع مثلا

وده احسن كتير من انها تعيش معاه


يا جدعان الواحد في بيته اللي بيتجوز فيه بيعمل الحاجات اللي مش قادر يعملها وهو في بيت اهله

ودي سنة الحياه
لأن من الطبيعي ومن حق الراجل
انه يكون ليه بيته
ويستقل بحياته
وهو ماعملش حاجه غلط لو سكن لوحده من غير امه
لأنه ده الطبيعي
وده المفروض يحصل

يعني مثلا عايز اخد راحتي انا ومراتي
عايز البس اللبس اللي يعجبني

مراتي تكون حره في بيتها