الحقوووني.. لبست 5000 جنيه..
السلام عليكم جميعا".. وكل سنه وانتم طيبين..
الحقيقه انا محتاج مساعده حد حصل معاه اللي حصلي يقولي عمل ايه؟؟ او حد عنده خبره يقدر يفيدنا..
انا معايا كليو 2004 والعربيه كانت ماشيه الحمدلله كويس.. وفجاءه لقيت التكيف بيضعف شويه شويه..انا قولت عادي اكيد فيه تسريب او خرم في اي خرطوم او في السربنتينا الخارجيه وهيتلحم ويتلم الموضوع..
المهم رحت لمركز خدمه معتمد هنا في شرم الشيخ..ا لمهم راح ضاغط ولقي ان الضغط بينزل جامد جدا" وملقاش اي اخرام في اي حته.. يمين شمال ولا الهوا.. وعلي هذا الاساس قرر المهندس ان الخرم في السربنتينا الداخليه اللي هي تحت التابلوه..واللي هي للاسف مبتتلحمش ولازم تتغير.. والمفاجاءه اني لما سالت عليها في التوكيل لقيتها ب 3995 جنيه+ 10% ضريبه مبيعات+ شحن الفريون حوالي 180ج + المصنعيات..يعني حوالي كده 5 الاف جنيه..( الحمدلله علي اي حال)
االحقيقه انا مش عارف اعمل ايه؟؟ انا قولت اساءل الناس يمكن حد يكون عنده حل... ولو حد يعرف تمنها استيراد كام ياريت يفيدني ويقولي ويقولي برده اجيبها منين... وجزاكم الله كل خير..
وكل سنه انتم طيبين..