مشكلة كبيرة ومحتاج رأيكم فيها والموقف القانوني
السلام عليكم
ارجوا قراءه الموضوع كامل لان الموضوع خطير وانا مش عارف اتصرف ازاي
انا شغال في مجال ( الجملة للمواد الغذائية ) حصلي مشكلة وهي كالاتي
واحد صاحبي وصديقي من زمان جدا عرض علي منتج غذائي معين لشركة معروفة انه يدهوني بسع مغري وهيكون في مكسب كويس ولما سالتة عن ايه السبب في انخفاض السعر كدا قالي انه بيجيبة من الشركة لكن بيبقى فرز تاني فعلشان كدا سعرة نازل
المهم انا اخدت منه وكنت بدي لمندوب علشان يوزعة في المحافظات وفعلا المندوب دا كان بيوزع لحسابة وكان بياخد كميات كبيرة جدا .. لحد ما في تاجر كبير في محافظة ما شك في المنتج وقالة المنتج دا مغشوش فالمندوب قالة لاء مش مغشوش وكان وخدلوا بضاعة معاه فراح التاجر بلغ بتوع التموين وجاب مندوبين تبع الشركة وقالوا الشغل دا مش تبع الشركة وراح التموين عمل قضية واتحبس فيها المندوب يوم في القسم لحد ما خرج بضمان محل اقامتة وبقت قضية
طبعا انا قلت لصاحبي ايه الموضوع دا انا عايز فواتير تثبت ان الشغل من الشركة وهو مجبليش لحد دلوقتي وعمال يماطل ويقولي انا بخرجة من غير فواتير
دلوقتي انا اسمي ذكر في المحضر ان المندوب دا واخد البضاعة دي مني وميعرفش عنها حاجة غير انها من عندي وانا طبعا مش هقدر انكر وابيعة الموضوع دا بقالة شهر لحد دلقوتي ومجليش حتى استدعى اني اتسئل
1- انا بقى اتصرف ازاي في موقف زي دا وصديقي انا واثق في دينة واخلاقة انه عمرة ما يشتغل في حاجة غلط لكن هو بيحلفلي انه من الشركة وبعلم الشركة بس مش معاه فواتير
2- ايه موقفي القانوني في الحالة دي لحد دلوقتي محدش استدعاني حتى لسؤال ودي مستغربها
3- لو سؤلت وقلت انا الي بايع للمندوب وايه الضرر الي هيقع علي وانا تاجر مش مصنع ولا اي حاجة تاجر عادي مواد غذائية
4- هل في محامي شركات ممكن استشيرة في الموضوع دا حد هنا يعرفة
دلوني بالله عليكم لان الموضوع مقلقني جدا ومعيش اهلي كلهم في قلق
