الموضوع: كيا ريو الجديده هاتش باك

انا معايا وكيل جنط 15

بصراحة يا ياسر .. العربية ناشفة قوي كمان .. انا بحس بالترزيع جامد جدا فى العربية من اقل حاجة

بص ده احتمال يكون في عربيتي بس .. عيب فى العربية يعنى .. فانا عايزك تيجي تجربها وتقولي هل دي مشكلة عندي بس ولا ده طبيعي

المشاركة الأصلية كتبت بواسطة yasserelsayad

بصراحة موضوع عفشة ناشفة دى وان العربية واطية محسسنى انكم بتتكلموا على عربية تانية

العربية عمرها ما حكت معايا وبمشى فى كل انواع الطرق والعفشة مش نشفة خالص بالنسبالى دى اطرى عربية عندنا

لا العربية كانت معايا جنط 17 كان والدى بيركب معايا قدام وزنه تقريبا 110 ومعانا واحد ورا كمان وزنه 90 العربية مقضياها حك ولو خدت مطب بسرعة شوية نص العربية من تحت فاضل شويه واحس انه لمس السقف مع انى كنت بحب العربية دى جدا بس بعتها للسبب دا وجبت النترا بردوا فيها نفس المشكلة بس بس بالافورة بتاعت الريو الصراحة :)

المشاركة الأصلية كتبت بواسطة yasserelsayad

المفروض العكس الريو حتى لو نفس ارتفاع الالنترا ودا مش مظبوط .. تكون احسن فى المطبات لان الشاسيه بتاعها اقصر من الالنترا فا العجل قريب من بعض

انا بقلك الكلام دا عن تجربة لان بمشى فى طريق يوميا فيه 31 مطب فى مسافة 12 كيلو فالكلام دا انا مش بقوله وخلاص اكتر عربيتين زعلونى فى المطبات الريو والنوبيرا لانسر بومة بومة كانت جميلة جدا احسنهم الصراحة فى المطبات وبعدها الانترا وبعدها الريو وبعدها النوبيرا بس اكتر واحدة كانت بتحرق دم الواحد الريو لان العربية وهى بتخبط من تحت كنت بحسها بتتقسم اتنين وزهقت منها عشان كدا