الموضوع: باب العربيه اتخبط برجاء النصيحه

المشاركة الأصلية كتبت بواسطة fast_driver

معايا كيا سيراتو ٢٠١٤ مبقلهاش اسبوعين. نزلت من البيت لقيت باب العربيه مخبوط جامد و متطبق كله!!! قدر الله و ما شاء فعل
رحت لاتنين سمكريا اسالهم ينفع اعمله علي البارد علشان العربيه لسه زيرو قالولي مينفعش رحت لواحد اسمه البوشي ورا سمير ريان قالي حتتعمل بنسبه ٨٠%

انا مامن علي العربيه فهل اصلحها في التوكيل و ارش الباب هناك ولا اصلحها علي البارد بنسبه ٨٠٪. و هل رش الباب ياثر علي سعر اعاده البيع؟؟

و هل لو اشتريت باب جديد خالص و رشيته ياثر في سعر اعاده البيع؟؟

يا راجل مأمن على العربيه ورايح تسأل سمكريه بره
وديه التوكيل طبعاً وغالباً الباب هيتغير
تانى حاجه الباب يترش او ميترشش عادى انا مش هركب عربيه متخبطه علشان اللى هيشتريها بعدى وياعالم ممكن تبيعها مش قبل 5 سنين يبقى انت عمال تحافظ عليها للى بعدك

غالباً الموضوع مش بيفرق فى اعدة البيع حاجه إن فرق 5000 يبقى كويس ده ان فرق

انت خايف على سعر اعادة البيع قبل ما تركب العربية اصلا؟

شيل وركب يا باشا .. فكك من اي حاجة تانية واللى بيقولك هتترد ع البارد كداب وبيشتغلك طالما زي ما بتقول خبطة جامدة مطبقاه كله

ومعلش قدر الله وما شاء فعل ، خلى بالك وانت في التوكيل لان الموضة انهم بقوا يخبطوا العربيات جوة التوكيل دلوقتى (حصلت معايا شخصيا)

متشكر ليكم يا رجاله
هى الخبطة طبقت الباب كله بس من بطنه مش اطرافة و مفيش اى حاجة فى البويا حصلت و كمان بيقفل و يفتح عادى علشان كده فكرت اعمها على البارد

طيب هو انا لو رحت التوكيل بيخيرونى اغير الباب ولا اصلحه؟؟ ولا لو بيتصلح بيتفرض عليا اصلاحه من التامين لانى عرفت ان مندوب شركة التامين بيكون هناك؟؟ يعنى انا ممكن اطلب تغيره حتى لو حيتصلح؟؟

و هل الافضل اصلاحه ام تغيره من ناحية سعر اعاده البيع؟؟ معلش انا بفكر فى سعر اعاده البيع لانى ببيع بسرعة.

توكيل علي طول مفيش حاجه جوه التوكيل اسمها سمكره شيل القديم ركب جديد والضمان موجود متشلش هم اعاده البيع استمتع بلعربيه دا انت في مصر وشوارع مصر وربنا يسترها