نصائح عند شرائك BMW e90

**novo** · 18-01-2015 09:08 AM

المشاركة الأصلية كتبت بواسطة zatalaat

انا محتاج النصيحه فعلا..عشان طلع عبن اهلى..انا معايا ال318 2009 ماشيه 146 الف,
1- من حوالى 10000 طلعلى ان زيت الموتور ناقص ومحتاج تزويد 1 لتر..رحت التوكيل وزودت اللتر وقالولى امشى كدا وشوف ايه النظام
2- مشيت حواى الف كمان نورت تانى ونفس الحوار..روحت التوكيل تانى رفعوا العربيه..غالبا اى كلام وزودو اللتر وقالولى العربيه مفيهاش حاجه..مفيش تسريب..
3- طبعا تالت مره روحت..قالولى سيبهالنا يوميين..كلمونى انهم فكوا التصفيخه اللى تحت ولاقين جوان كارتيره الزيت فيه تسريب وهوا دا السبب وهنصلحه..كعيت اللى فيه النصيب وحمدت ربنا.
4-طبعا نقصت تانى والا ايه اللى جابنى اعيط هنا..روحت تانى الزفت التوكيل..قالولى اخر كلام بقى..احنا هنزودها وننزل الزيت كله نوزنه بميزان بالجرام..وتمشى الف كيلو متر وترجع تانى ننزل الزيت ونوزنه ونحسب معدل الحرق كام, العربيه مش بتدخن الصبح ولا بليل..
5- مشيت الألف..العربيه نقصت طبعا..نزلو الزيت..وزنوه...معدل الحرق 0.68 لتر لكل الف كيلو..طب الحل ؟ لا مفيش حل..دا كدا طبيعى...نعم ياختى ؟ طبيعى ايه ؟ قالولى دا اللى بى ام برا قالتوا..معدل نقص الزيت الطبيعى هو 0.7 لتر لكل الف كيلو..طيب ازاى ياخواننا ؟ انا المفروض اغير الزيت كل 10 الاف...والعربيه فيها 4.5 لتر..يعنى لو استنين على صيانه ال 10 هحيلك بالعربيه مفوته على ونش من غير ولا نقطه زيت بالكتير كمان 7 الاف كيلو..
6- الخلاصه : انا بحط للعربيه زيت زى بمحطلها بنزين بالضبط..ميزانيه تانيه ووجع دماغ مش بتاع واحد بيريح نفسه بعربيه تدلعه..

ابعت ايميل لbmw ألمانيا بتفاصيل الشكوي....هتلاقيهم بيتنططوا هنا.....فى حل تاني بس للأسف مكلف....تشتري شورت لوك من الحرفيين فى حدود 6000....

**haderkhalaf** · 02-03-2015 12:29 AM

مساء الفل علي اجدع رجالة
انا بفكر اشتري سيارة bmw من موديل 2007 الي 2009
مش عارف اجيب 320 او 316
انا عايز اعرف افضل موديل سنة كام وانهي فئة ويعمل كام مستعمل

( وايه هي افضل معرض المستعمل للbmw )
وشكرااااااااااااااااااا لحضراتكم

**mbx4e** · 02-03-2015 05:36 AM

تسلم ياكبير موضوعك مفيد بجد

**tarek zedan** · 23-03-2015 03:27 AM

وانا متابع اكتر منك فى سوءالك يا كبير لخصوص الشراء

**abdelrahman231** · 18-04-2015 05:08 PM

انا عايز اخد رايك في حاجه انا عايز اركب 320i 2009 face lift انتا لو مكاني هتجبها ولا هتخاف بعد متجبها يظهر فيها مشاكل و تصرف كتير

**شريف حجازي** · 11-05-2015 12:54 PM

تصدق عندي نفس المشكلة خايف اجيب عربية وتظهر فيها مشاكل علشان كدة هل الزيرو مثلا في التيوتا افضل ولا البي ام وهل التوكيل او اي مركز يقدر يعرف كل الاعطال المستخبية بالجهاز من زيوت وفلاتر وكلاتشات وتفويت نقلات وماشية كام كيلو لو صاحبها مغير العداد ولا الواحد ممكن ياخد مقلب كبير
http://www.nilemotors.net/Nile/images/smilies/dumb.png