شارد vs نيفا

**Hosam_fouad** · 17-11-2013 02:18 PM

انا عايز اشتري عربيه اركبها لوحدي اروح بيها الشغل . . . . انا شغال مهندس صيانه فالشغل عايز كل يوم مشوار من 20 ل 100 او 200 كم حسب مكان الشغل .

قولت اشتري لانوس قسط .... لقيت القسط كتير ومع تامين وجراج
بعدين قولت طيب ماروتي قسط ... بس مش عمليه

قولت خليها في العربيات القديمه احسن

دلوقتي محتار بين لادا نيفا و ديهاتسو شاريد (الاتنين موديل 90 تقريبا)

[shr71=http://oi40.tinypic.com/2ihmik7.jpg]لادا نيفا VS ديهاتسو شاريد[/shr71]

النيفا ميزتها انها عربيه قويه جدا وعاليه جدا عن الأرض هتستحمل الأماكن المكسره اللي هروحها وتقبل كل الكمليات باور وتكييف و كفايه انها الدب الروسي .
عيوبها اعاده البيع سيئه جدا جدا جدا جدا جدا

الشاريد ميزيتها شكلها حلو شبابي ومكيفه وكفايه انها يباني .
عيوبها ان متورها 3 سلندر 1000 سي سي + العربيه واطيه مش عمليه في الأماكن المكسره + العربيه صغيره اوي فاي لمسه ليها علي طريق السفر العربيه بتضيع هي واللي جواها

معلش انا طولت عليكم بس محتار والله وبقالي كتير بدور وموصلتش لنتيجه .

**ahmedalaahosny** · 17-11-2013 02:35 PM

هو من كلام حضرتك انك عايز عربية قوية يبقي سيبك من ال ٣ سلندر خالص النيفا هتبقي كويسة ع الاقل هتشتريها رخيصة وبالباقي روشها وضبطها ومواضيع تظبيط النيفا ف الشكل ولا الميكانيكا موجودة ف المنتدي خدلك فكرة برده

**J A G U A R** · 17-11-2013 03:22 PM

النيفا مناسبه لحضرتك اكتر

**ahmedalaahosny** · 18-11-2013 11:18 AM

علي فكرة بتتباع عادي اينعم تقيلة شوية بس ليها زبونها اللي بيمشي معظم طريقة مكسر كمان ال ٣ سلندر بتوع الشارد ضعاف بالنسبه لعربية زي النيفا مش ع الموتور وبس ع العفشه كمان يعني عفشة ال ١٠٠٠ سي سي يادوب اخرها جوا البلد وسفر ف طريق معقول انما النيفا كارونة وفتيس غرز تفوت ف الحديد

**Hosam_fouad** · 18-11-2013 10:09 PM

المشاركة الأصلية كتبت بواسطة ahmedalaahosny

علي فكرة بتتباع عادي اينعم تقيلة شوية بس ليها زبونها اللي بيمشي معظم طريقة مكسر كمان ال ٣ سلندر بتوع الشارد ضعاف بالنسبه لعربية زي النيفا مش ع الموتور وبس ع العفشه كمان يعني عفشة ال ١٠٠٠ سي سي يادوب اخرها جوا البلد وسفر ف طريق معقول انما النيفا كارونة وفتيس غرز تفوت ف الحديد

الف شكر يا باشا