جيلى ايمجراند 7 الجزأ الاول
اهلا وسهلا بأعضاء المنتدى الكرام الحمد لله انا كملت ال1000 كيلو فى السيارة الايميجراند النهاردة السيارة حلوة لحد دلوقتى ما ظهرتش معايا اى مشاكل الحمد لله بس هى ما فيهاش غير عيب واحد وهو الدردرة اللى بحس بيها فى الطلعة على الاولانى بحس بدردرة بسيطة يعنى المهم روحت توكيل غبور اللى فى سموحة ونصيحة اللى عايز يعمل صيانة فى التوكيل ده يكون هناك الساعة 9 الصبح بصراحة حاجة فى الانجاز الساعة 10 كنت مستلمها بس بصراحة العربية بقالها شهر معايا زى الفل وبالنسبة للفلوس بتاعتها تعتبر احسن من موديلات كتير واغلى منها فيها ابشنز كتير جدا بصراحة والحمد لله كل حاجة فيها شغالة زى الفل وكان عندى عيب صغيور كده ان الاسبويلر اللى ورا ما بينورش الا لما تدوس فرامل على الاخر بس الحمد لله زبطهولى فى التوكيل والعربية بعد ما غيرولها الزيت بقيت عاملة زى الوحش الاول كنت بحس انها مخنوقة بس بصراحة بعد ما غيرولها الزيت بقيت حاجة تانية وطلعت بيها على الطريق الدولى بتاع برج العرب وجابت معايا 180 مرتاح بس انا بصراحة خوفت اكبس عليها اكتر من كده
