اول تجربة تأمين فى حياتى وشكلى غلطت انى فكرت فى التأمين

انا طول عمرى مش مقتنع بالتأمين وخصوصا بعد ما عرفت الاخطاء الشرعية للتأمين التجارى
فرحت جدا لما عرفت ان فى شركات تأمين تعاونى فتحت فى مصر ونويت انى لما اجيب عربية جديدة اروح أئمن
لما اشتريت الشارك قررت انى ائمن عليها فى بيت التأمين المصرى السعودى وبسبب انهم قالولى انى لازم اروح بالعربية >مش عارف ليه < قعدت مكسل وقبل الحادثة بايام قررت انى اروح لكن قدر الله غالب وطبعا بيعت العربية حادثة وخسرت اكتر من اربعين الف -قدر اله وما شاء فعل
قررت بعد كده تانى اءمن على اى عربية اشتريها وفعلا لما جبت الكروز اتصلت ببيت التأمين المصرى السعودى وعملت معاينة عند الشغل عندى وكان المبلغ المطلوب كبير جدا والنسبة عالية واشار على احد الزملاء هنا بشركة وثاق وفعلا لقيتها تأمين تكافلى بنفس الشروط تقريبا الا بعض الحاجات البسيطة وكانت نسبتهم اقل وفعلا تعاقدت معاها
بعد ايام بسيطة ابتلانى ربنا بواحد راكب بروتون خيش فيا من ورا وكسر الاكصدام وعوج الجسر وطبعا بدأت اجراءات التصليح
زيارة لمركز الخدمة علشان مقايسة
زيارة لشركة التأمين علشان معاينة وموافقة على المقايسة
زيارة لمركز الخدمة علشان نبتدى نصلح
زيارة لمركز الخدمة علشان اركب -أخ ده الاكصدام مش هوا
زيارة لمركز الخدمة علشان نركب الصح -اخ اللون مش مظبوط واقعد معانا 6 ساعات لحد مركبت الحاجه وطبعا فى عيوب ومحتاج اروح تانى وبصراحة مش فاضى -المهم خدت الفاتورة ودفعت 3206
زيارة لشركة التأمين علشان اسلم الفاتورة واعاين الخلع
تليفونات طوال 10 ايام
الشيك طلع انهارده الحمد لله بس مخصوم من الفاتورة الاتى :
1- 100 جنيه فتح ملف
2- 290 جنيه قيمة 10% لانى صلحت فى التوكيل مش تحت السلم -مع انى صلحت فى العوض جروب وبدهانات كابسى!!!!!
3- 126 جنيه 5% مستنق يعنى تمن قطع الغيار اللى اتفكت ولما اعترضت قالولى روح سلمها فى البراجيل يعنى علشان 126 جنيه اروح لحد البراجيل !!!!
ولما اعترضت وطلبت المنتج (الوسيط بينى وبينهم) قالى انه هيجيبلى 100 جنيه كاش واسلمه الحاجه -طبعا حاجه تنقط وانا مش عايز ال 100 جنيه دى وربنا يعوضنى خير
4- حوالى 35 جنيه ضرايب ومصاريف ادارية
يعنى بالبلدى الشيك طالع ب 2650 ومخصوم من الفاتورة 556 جنيه يعنى 17% من قيمتها
طب انا ليه مأمن على العربية ب 4650 جنيه ومن غير نسبة تحمل
علشان الاقى نفسى مصلح خبطة مليش ذنب فيها ودافع المبلغ ده
دا انا لو صلحتها كانت هتكلف 150 جنيه لحام الشرخ و250 دهان سكينز واشتريت دماغى من التليفونات والمشاوير وحرقة الدم تلات اسابيع (اسبوع اصلاح واسبوعين الشيك)
نفسى افهم ليه مفيش حاجه فيكى يا مصر بتمشى عدل ومن غير فهلوة علشان نبخس الناس حقهم
هل مطلوب منى انى ادفع لشركة بتكسب ضرايبها ومصاريفها
لأ وايه عاملين معايا واجب ومخصموش منى 5% استهلاك لانى موديل السنة رغم ان الحادثة حصلت والعربية عاملة 1500 كيلو ولسه باكياسها
يعنى ايه يخصموا منى مستنقذ امال هما فايدتهم ايه مش انهم يجيبولى بدل اللى باظ ولا بيجيبوه وعينهم فى 5% منه
بجد انا دمى محروق من الظهر ومش عارف ايه فى بلدنا بيمشى صح من غير حرقة دم

ربنا يعوضك خير يارب ويكفيك شرها وتكون عربية مليئة بالخير
اما عن مصر مفيهاش حاجة ماشية صح ومش هيبقا فيها

ربنا سبحانه وتعالي هو الحافظ
انااشتريت عربيتن زيرو
مافكرتش اني ائمن نهائي

ربنا يعوض عليك
لكن ده قانون تامين فى جميع الشركات
واديك خسرت فى الشارك حوالى اربعين الف جنيه
ولو لا قدر الله حادثه كبيره التامين هيشيلك برضو

كان الله بالعون......... التأمين في مصر سيء للغاية بعكس دول الخليج و ارخص من مصر بمسافات

مصر ليست بلد قانون ..مصر بلد روتين...و مشلوله التطوير

المشكله ان الحاجات ديه مش بتتذكر فى وثائق التأمين
المفروض طالما من غير نسبة تحمل يبقى مدفعش مليم

شكرا لكل من شارك بس تعالوات اضحكوا شوية على بقية الفيلم الدرامى الكوميدى فى نفس الوقت
انا نسيت اكتب فوق انى لما جاتلى الوثيقة لقيت الموديل مكتوب 2014 وانا عربيتى 2013 ومفيش اصلا كروز 2014 وملقتش اللون مكتوب وملقتش مكتوب انها توب لاين
المهم كلمت المنتج قالى هعملك ملح وطبعا فضلت ورا الملجق اسبوعين او تلاته لحد ما جه ولقيت المندوبة عايزة 15 جنيه رسوم الملحق -طبعا دفعت رغم انها غلطتهم مش غلطتى لانهم صوروا الرخصة وصوروا العربية وكتبوا كل التفاصيل فى استمارة المعاينة -معلش اه عدت وحاجه بسيطة
امبارح اتفقت مع المنتج انى اقابله علشان اخد الشيك وياخد هوا الاكصدام ب 100 جنيه بس وهيدوهملى كاش علشان ال 26 رسوم نقل وحاجات كده وان الشركة هتدفع 100 "طبعا مش فاهم "
المهم المعاد كان فى م.نصر علشان كان وراه مشاوير وكان هيقابلنى قريب من طريقة لبيته وفضل المعاد يتأخر لحد ما بقى 10:30 بالليل عند انبى -رحت طبعا والشوارع عايمة وكنت لسه غاسل العربية وبسبب بحر فى محور الشهيد العربية بقت طينة
خدت الشيك وما اديتلوش الاكصدام لانى لقيت الموضوع بقى تهريج اخصم 126 وبعدين اخد اكصدام اقلها هيتباع ب 250 واخد 100
رحت الصبح البنك فى المعادى قالى التوقيع على الشيك مش مظبوط -ازاى يا عم والحكاية والرواية اتصلت بالمنتج واديت التليفوت للموظف اللى جاب مديره ووراه الفرق بين التوقيع على الشاشة وعلى الشيك
طلبت من المنتج انى يبعتلى حد بشيك تانى قالى مش هينفع ولازم انا اروح الدقى اغير الشيك
طب ازاى اسيب شغلى علشان اروح اصلح غلطة واحد مفروض انه مدير مالى او مفوض منه مش عارف يمضى على شيك
المهم بعد شد وجذب
انا فهمت يعنى ايه الشركة تبعت مندوب مرة واتنين علشان تاخد فلوس لاكن بعد كده العميل يطلع عينه علشان يحل مشاكل واخطاء موظف مش عارف يمضى بتوقيعه المعتمد
طبعا علشان اروح من المعادى للدقى خدت ساعة وربع منهم ساعة فى المسافة بين كوبرى عباس وكوبرى الجلاء وبعدها دخلت البطل احمد عبد العزيز وقفت 5 دقايق حسبتها لقينى علشان الف من اليوترن وادخل المساخة فيها ساعة كمان دورت على اول يمين ودخلت ركنت واتمشيت لحد الشركة
اتصلت بالمنتج بعتلى السكرتيره خدت الشيك وقالتلى هيطبعوا الجديد
عشر دقايق وطلع الشيك القديم وعليه نفس التوقيع بس الدايرة "اوسع سنه" هههههههه
طبعا اتحرق دمى وقلت انا مش فاضى افضل رايح جاى طلع لى مدير وقالى روح على فرع مصدق هيصرفوه على طول واعتذر لى على الخطأ ووصف لى الطريق
المهم رحت وخدت دور وطبعا البنك نضيف كمكان لكن الموظفين ابتداء من شحاتين الداخلية "الصولات اللى علىلا الباب" انتهاء بمدير الصرف اللى بيوقع على الشيك شكلهم كاره نفسهم
خدت دورى واستنين رقمى وكان المبلغ فيه 58.88 جنيه فطلعت جنيه على اساس ان الموظفة تدينى 60 جنيه فاذا بها بتلغى ال 88 قرش ولما لفت نظرها طلعتلى 75 قرش منهم ربع ورق
طبعا الحركة كانت بايخة وقمة فى ال ..... فكان ردى انا معايا 15 قرش فى العربية خديهم وهاتى جنيه وكان ردها ليه انا هديك 75 قرش ومش مشكله الباقى "طبعا الصرافين كلهم بياخدوا بدل يومى اسمه بدل خزانة علشان يعوض بيه فرق القروش اللى المفروض بيبقى لصالح العميل مش العكس" ده اللى بشوفه فى فيصل وفى hsbc
المهم اتغاظت اكتر وقولتلها الربع الورق مش بيمشى معايا
معلش اصل كده كده اتأخرت والموضوع نزل لمستوى مش لطيف فلازم اتعايش
الاخت الكريمة تعبت وبزلت مجهود لحد ما لقت ربع فضة (فى كارفور وفى التوحيد والنور بتاخد فلوسك بالشلن)
وطبعا مش هتكلم عن انجلترا وامريكا لان الموضوع مختلف تماما لدرجة تكرهك فى نفسك
وانا خارج بعد موقعة الربع جنيه واذا بمتسول الداخلية المصظلح تمسيته بصول يقولى ايوا يا باشا مفيش شاىىىىىى!!!!
فكان ردى طبيعى وكمان عايز شاى -خرجت واتجهت يمين وبعد كام خطوة افتكرت انى المفروض اخش شمال لحد العربية فرجعت واذا بالصول المتسول بيكلم صول تانى (شوفت يا على بيقولى وكمان شاى) طبعا الراجل صعق لما طلعتله زى عفريت العلبة وكان ردى -اه وكمان شاى.
الراجل قالى نهارك ابيض يا باشا
وطبعا على ما وصلت لشغلى كانت الساعة 12:00 الظهر
يعنى من 9 الى 12 علشان توقيع موظف غلط وعلشان اخد جزء من حقى
عربيتى تتخبط من ورا ويطلع عينى تلات اسابيع وادفع بنزين وتليفونات قد كده وكام مشوار وفى الاخر يتخصم منى 17 % من التكلفة ويطلع عينى علشان اخدهم كمان

بالله عليكو دى بلد يتقعد فيها -اللهم اخرجنا من هذه القرية الظالم اهلها

اقتباس:

---

المشاركة الأصلية كتبت بواسطة mervatadel

دى قانون تامين فى جميع الشركات وبيلتزمو بيهاكلية التمريض ببنها

---

ممكن اعرف كل ماحضرتك بتعلقى بيكون مكتوب كليه التمريض ببنها ليه ؟

الحمد لله انك خت فلوسك
ثانيا دى اجراءات فى جميع الشركات
ثالثا مفيش شركه بتكتب السياره توب لاين فى الوثيقه
وبالنسبه الي ملحق التعديل من حقق متدفعوش
لو انت مش الغلطان

الحمد لله وبالنسبة للملحق اتكسفت بصراحة -يعنى هقعد افاصلها عندى فى المكتب على 15 جنيه هيا صحيح علطتهم بس مين فى البلد دى بيشيل غلطته
ربنا يسترها علينا

معلش ربنا يعوض عليك وقدر الله وما شاء فعل
وكويس انها جت فى السيارة وخسرت حجات بسيطه
الحمد لله على كل شىء

اقتباس:

---

المشاركة الأصلية كتبت بواسطة insurancebroke

معلش ربنا يعوض عليك وقدر الله وما شاء فعل
وكويس انها جت فى السيارة وخسرت حجات بسيطه
الحمد لله على كل شىء

---

الحمد لله ويسلم ذوقك

على فكره شركه وثاق شركه كويسه جدا فى التعويضات بتاعتها
انت لو كنت مأمن فى مصر للتامين كنت قلت ايه او عملت ايه
ودى شروط فى جميع الشركات
والوثيقه مكتوب فيها
100 ج تحمل اجبارى
ومكتوب فيها بردو 10% اصلاح توكيل او مركز خدمه معتمد
والاستهلاك والتالف في جميع الشركات
المفروض الواحد بيقرأ الوثيقه اللي معاه
الشروط العامه والخاصه
ومن حق حضرتك تقرأ شروط الوثيقه فى اى شركه تأمين قبل متأمن
عشان تعرف كل حاجه
وشكرا

انا كنت ناوى اامن على عربيتى بس بعد التجربة بتاع حضرتك خلاص مش ح امن وربنا هو الستار بصراحة عشت ٢٠سنة فى الخليج التامين هناك محترم وواضح بل احيانا بيغطى حاجات اكثر من حقك ومعاملة فى منتهى الرقى لكن احنا فى مصر بلد الفهلوة وقلة الضمير

اقتباس:

---

المشاركة الأصلية كتبت بواسطة insurancebroke

على فكره شركه وثاق شركه كويسه جدا فى التعويضات بتاعتها
انت لو كنت مأمن فى مصر للتامين كنت قلت ايه او عملت ايه
ودى شروط فى جميع الشركات
والوثيقه مكتوب فيها
100 ج تحمل اجبارى
ومكتوب فيها بردو 10% اصلاح توكيل او مركز خدمه معتمد
والاستهلاك والتالف في جميع الشركات
المفروض الواحد بيقرأ الوثيقه اللي معاه
الشروط العامه والخاصه
ومن حق حضرتك تقرأ شروط الوثيقه فى اى شركه تأمين قبل متأمن
عشان تعرف كل حاجه
وشكرا

---

حضرتك الوثيقة مفيهاش حاجه اسمها مستنقذ ومفيهاش حاجه اسمها ضرايب ومفيهاش حاجه اسمها شيك غلط واروح مشوارين علشان اصلح غلطه موظف اضعف الايمان انى الشيك يجيلى لحد عندى اويوافقو على ترانسفير لحسابى وتكلفة التحويل عليا مش مشكلة
الوثيقة مفيهاش ان العميل يطلع عينه علشان فى الاخر يتخصم منه 17% من الميلغ ويضيع كام يوم علشان يسوى حادثة

اقتباس:

---

المشاركة الأصلية كتبت بواسطة eng_hatemfathy

انا طول عمرى مش مقتنع بالتأمين وخصوصا بعد ما عرفت الاخطاء الشرعية للتأمين التجارى
فرحت جدا لما عرفت ان فى شركات تأمين تعاونى فتحت فى مصر ونويت انى لما اجيب عربية جديدة اروح أئمن
لما اشتريت الشارك قررت انى ائمن عليها فى بيت التأمين المصرى السعودى وبسبب انهم قالولى انى لازم اروح بالعربية >مش عارف ليه < قعدت مكسل وقبل الحادثة بايام قررت انى اروح لكن قدر الله غالب وطبعا بيعت العربية حادثة وخسرت اكتر من اربعين الف -قدر اله وما شاء فعل
قررت بعد كده تانى اءمن على اى عربية اشتريها وفعلا لما جبت الكروز اتصلت ببيت التأمين المصرى السعودى وعملت معاينة عند الشغل عندى وكان المبلغ المطلوب كبير جدا والنسبة عالية واشار على احد الزملاء هنا بشركة وثاق وفعلا لقيتها تأمين تكافلى بنفس الشروط تقريبا الا بعض الحاجات البسيطة وكانت نسبتهم اقل وفعلا تعاقدت معاها
بعد ايام بسيطة ابتلانى ربنا بواحد راكب بروتون خيش فيا من ورا وكسر الاكصدام وعوج الجسر وطبعا بدأت اجراءات التصليح
زيارة لمركز الخدمة علشان مقايسة
زيارة لشركة التأمين علشان معاينة وموافقة على المقايسة
زيارة لمركز الخدمة علشان نبتدى نصلح
زيارة لمركز الخدمة علشان اركب -أخ ده الاكصدام مش هوا
زيارة لمركز الخدمة علشان نركب الصح -اخ اللون مش مظبوط واقعد معانا 6 ساعات لحد مركبت الحاجه وطبعا فى عيوب ومحتاج اروح تانى وبصراحة مش فاضى -المهم خدت الفاتورة ودفعت 3206
زيارة لشركة التأمين علشان اسلم الفاتورة واعاين الخلع
تليفونات طوال 10 ايام
الشيك طلع انهارده الحمد لله بس مخصوم من الفاتورة الاتى :
1- 100 جنيه فتح ملف
2- 290 جنيه قيمة 10% لانى صلحت فى التوكيل مش تحت السلم -مع انى صلحت فى العوض جروب وبدهانات كابسى!!!!!
3- 126 جنيه 5% مستنق يعنى تمن قطع الغيار اللى اتفكت ولما اعترضت قالولى روح سلمها فى البراجيل يعنى علشان 126 جنيه اروح لحد البراجيل !!!!
ولما اعترضت وطلبت المنتج (الوسيط بينى وبينهم) قالى انه هيجيبلى 100 جنيه كاش واسلمه الحاجه -طبعا حاجه تنقط وانا مش عايز ال 100 جنيه دى وربنا يعوضنى خير
4- حوالى 35 جنيه ضرايب ومصاريف ادارية
يعنى بالبلدى الشيك طالع ب 2650 ومخصوم من الفاتورة 556 جنيه يعنى 17% من قيمتها
طب انا ليه مأمن على العربية ب 4650 جنيه ومن غير نسبة تحمل
علشان الاقى نفسى مصلح خبطة مليش ذنب فيها ودافع المبلغ ده
دا انا لو صلحتها كانت هتكلف 150 جنيه لحام الشرخ و250 دهان سكينز واشتريت دماغى من التليفونات والمشاوير وحرقة الدم تلات اسابيع (اسبوع اصلاح واسبوعين الشيك)
نفسى افهم ليه مفيش حاجه فيكى يا مصر بتمشى عدل ومن غير فهلوة علشان نبخس الناس حقهم
هل مطلوب منى انى ادفع لشركة بتكسب ضرايبها ومصاريفها
لأ وايه عاملين معايا واجب ومخصموش منى 5% استهلاك لانى موديل السنة رغم ان الحادثة حصلت والعربية عاملة 1500 كيلو ولسه باكياسها
يعنى ايه يخصموا منى مستنقذ امال هما فايدتهم ايه مش انهم يجيبولى بدل اللى باظ ولا بيجيبوه وعينهم فى 5% منه
بجد انا دمى محروق من الظهر ومش عارف ايه فى بلدنا بيمشى صح من غير حرقة دم

---

على فكرة 10% التوكيل دي في كل الشركات
وقيمة قطغ الغيار المتهالكة من حق شركة التامين المطالبة بها لانه ستعوض قيمتها كاملا للعميل

انت معاك حق بس الشركات كلها فيها استهلاك ومستنقذ او تسليمه
اما غلطه الشيك انت صح فيها وبردو ممكن تحصل فى اي شركه تأمين او شركه غير شركه تأمين احنا في مصر
وكان ممكن المنتج يجبلك الشيك وى مجبلك التعديل برضو
عموما لو فكرت تأمن تانى خليك فى الشركات المالتى ناشونال
aig
اليانز
وشكرا ليك

شكرا ليكو كلكو ولكل من اهتم
الموضوع جزء منه حرقة دم بسبب اخطاء اخرين
وجزء منه لا مبالاة من ناس وطلبات سخيفة زى روح سلم القطع القديمة فى البراجيل "على اساس انى مجنون وهروح مشوار زى ده علشان 126 جنيه"
وعلى اساس ان المأمن على عربية المفروض يتحمل ضرايب شركة بتكسب وعقوبة لانه صلح فى التوكيل بالرغم من فصال الشركة مع التوكيل واستخدام التوكيل لخامات رديئة تماشيا مع اسعار الشركة زى الدهانات مثلا
يعنى ورشة نايل موتورز بترش القطعة ب 300 جنية فازاى توكيل يرش ب 250 جنيه وكما يتخصم منى جزء
بجد تهريج حتى لو الشركات كلها بتعمل كده يبقى نصب جماعى والزبون الضحية

فعلا بجد حاجه زباله وتحرق الدم بس ربنا يعوض عليك ويكفيك شرها

ياريت تحدد البنود الاتية شروطها ايه فى الوثيقة
الابلاغ عن الحادث هل له رسوم ولا لا : دى اللى هيا فتح الملف
المفروض الاصلاح مش يتم بكابسى ، دهان من الشركة الام او ما يماثله وده طبعا يعنى سكينز مش كابسى
المعاينة ا بتبعته فى المركز اللى فيه العربية او بيكون فيه معاين فى مقر الشركة
الشيك ممكن باخطار منهم للبنك يتعزز صرفه والتوقيع عليه وانت جوة البنك كمان

اقتباس:

---

المشاركة الأصلية كتبت بواسطة A.Saad

ياريت تحدد البنود الاتية شروطها ايه فى الوثيقة
الابلاغ عن الحادث هل له رسوم ولا لا : دى اللى هيا فتح الملف
المفروض الاصلاح مش يتم بكابسى ، دهان من الشركة الام او ما يماثله وده طبعا يعنى سكينز مش كابسى
المعاينة ا بتبعته فى المركز اللى فيه العربية او بيكون فيه معاين فى مقر الشركة
الشيك ممكن باخطار منهم للبنك يتعزز صرفه والتوقيع عليه وانت جوة البنك كمان

---

فتح الملف ب 100 جنيه
اتكلمت مع مدير المركز فى موضوع الكابسى فقالى يعنى ينفع نجيب اسكينز وب 250 جنيه فطبعا عنده حق
المعاينه وافقوا بالعافية على انى اعملها قدام الشركة علشان اخلص فعملت معاينة ومكالمة لمهندس التوكيل من تليفونى علشان يتم الفصال فى المقايسة وتحديد الاسعار النهائية وقتى من غير ما اعمل زيارة تانية او ارمى العربية يومين فى التوكيل مستنية المعاينة وكل ده علشان حته اكصدام
اما بالنسبة للشيك فبصراحة كان موقف مش لطيف منهم وكان لازم يبعتولى الشيك على شغلى او بيتى بدل ما اطخ مشوار لحد الدقى علشان اصلح غلطتهم او يوافقوا يحولوا المبلغ لحسابى فى البنك ولو بخصم 10 جنيه بتاعة التويل ونخلص
للاسف مفيش فى مصر ثقافة خدمة ما بعد البيع او مفهوم customer satisfaction
وللاسف الواحد لما بيسافر برا بيشوف خدمة وزوق وتصرفات تخلى الواحد يكره البلد دى باللى فيها