الحقونى يا جدعان .. النهاردة بادور العربية لقيتها مش راضية تدور .. محاولة فى التانية فى التالتة فى الرابعة العربية دارت و الحمد لله .. بس طول ماهى دايرة سامع صوت خبط و دربكة جاى من الموتور .. مش عارف ايه السبب فى كده .. مع العلم ان كبس الموتور عندى كان 70% من شهرين بالظبط .. و كمان عمر ما الموتور عندى طلع دخنة اطلاقا؟؟ ... افيدونى افادكم الله احسن المفروض كنت هسافر بكرة بالعربية و مش عارف اعمل ايه
شوف قاعده الماتور
سير الكاتينه وماتدورهاش تانى علشان ماتجبش معاك صبابات ووش سلندر
وهاتلها اقرب ميكانيكى
هو لو سير الكاتينة مقطوع هتدور اصلا؟؟اقتباس:
المشاركة الأصلية كتبت بواسطة eleanor
لو صوت الدربكة بيزيد مع تزويد البنزين أو مع تعشيق غيار أكشف علي قواعد الموتور والفتيس,
دربكة ولا تكتكة ؟
لو تكتكة يبقي كوستبانات
كشفت على الزيت لقيت المؤشر مفيهوش نقطة .. و انا اصلا كان عندى نشع فى الزيت من ناحية الفتيس و الميكانيكى قاللى لازم نحل الفتيس عشان نعمله و اجلناها شوية
المهم جبت جركن زيت و حطيت 3 لتر .. بس الصوت زى ماهو طبعا .. و لما جيت اطلع من الجراج (عشان اعرف اقطرها للميكانيكى .. سمعت ترزيع و تكسير من هنا لبكرة) .. بس العربية طلعت فى النهاية الحمد لله
كده الموتور راح خالص (يعنى اغير و ارمى) .. ولا محتاج نص عمرة و لا عمرة و لا ايه بالضبط؟؟
الحمد لله على كل شئ و قدر الله و ماشاء فعل
لازم تقولنا مصدر الصوت اية وجاى منين عشان نعرف نفيدك
كشفت على الزيت لقيت المؤشر مفيهوش نقطة .. و انا اصلا كان عندى نشع فى الزيت من ناحية الفتيس و الميكانيكى قاللى لازم نحل الفتيس عشان نعمله و اجلناها شويةاقتباس:
المشاركة الأصلية كتبت بواسطة ahmed nasser
المهم جبت جركن زيت و حطيت 3 لتر .. بس الصوت زى ماهو طبعا .. و لما جيت اطلع من الجراج (عشان اعرف اقطرها للميكانيكى .. سمعت ترزيع و تكسير من هنا لبكرة) .. بس العربية طلعت فى النهاية الحمد لله
كده الموتور راح خالص (يعنى اغير و ارمى) .. ولا محتاج نص عمرة و لا عمرة و لا ايه بالضبط؟؟
الحمد لله على كل شئ و قدر الله و ماشاء فعل
بص حجات كتير بتعمل ترزيعة
الكستبانات
والكامات
والكرنك بالبيلات
وكمان الصبابات لو الكاتنية خالفة
بتخبط فى البستم وتعمل ترزيع
اما بقى اللى انا فهمتة
ان انت لما جيت تدور اول مرة ومدرتش غير بصعوبة وعدين صمعت صوت ترزيع
دة كان الكستبانات (الهدرولك بلف)
ودة بسبب ان مافيش زيت اساسا
اما بقى الترزيع اللى حصل بعدين وانت بطلع العربية من الجراج
دة غالبا الكرنك
بص لازم تفك الاول وتعرف اية اللى كان بيرزع
لان سعات الكستبانات
بترزع وتفضح الدنيا واللى يسمعها يقول دا الموتور كلة بيرزع
ودى حصلت معايا قبل كدة
هل الافضل اقطرها و لا احطها على و نش و لا اسوقها عادى لحد الميكانيكى؟؟اقتباس:
المشاركة الأصلية كتبت بواسطة ahmed nasser
معلش دوشتك
انا اسف ماخدتش بالى انها دارت سقطت منى دى
يفضل طبعا انك ماتمشيش بيها علشان تقلل الضرر على الموتور وقدر الله وماشاء فعل والحمد لله على كده
بص ياباشا انا رأيي اول حاجة متمشيش بيها عشان لو فيها حاجة بايظة متكملش عليها او ممكن تبوظ حاجة تانية..حاول تشوف حد يقطرك لحد الميكانيكي او وقف ونش.
تاني حاجة متستعجلش على الماتور وترميه..فكه الأول وشوف لو لقيت فيه حاجات بسيطه اعملها..لكن لو لقيته متدمر خالص من جوا يبقى ارميه وهات لك واحد استيراد.
وربنا يعوضك خير.