الموضوع: مشكلة بسيارة 300m

المشاركة الأصلية كتبت بواسطة dr.hazem

موديل كام وماشية قد ايه؟؟
تحياتي

sent from my xperia arc s using forum runner

موديل 2000 80 الف كيلو ..

المشاركة الأصلية كتبت بواسطة chrysle

لو سمحتو . عربية 300m

فيها مشكلة , العربية الموتور بيدور عادي جدآ .. لكن العربية متتحركش !!

اعتقد انة المشكلة في الجوربكس . بس اية في الجوربكس انا مش عارف .. ممكن يكون اية العيب ؟؟ وكم تكلفتة !!

صديقي المواطن
أنا عاوز تفاصيل لما قبل المشكلة هل جت فجأة ولا كان الفتبس أو الجير بيأخر عندك في التقلات أو حصل خرم في الخراطيم تبع الفتيس ومشيت عليه من غير فتيس وهل بتسمع صوت العصاية وإنت بتنقل ولا ﻷ
ﻷنه العطل عندك لو العصاية بتتحرك فوق وتحت وبتسمع الطقه بتاعت تعشيق النقلات يبقه عندك يا إما الزيت خلص أو الفلتر إتسد ولو لقيت فيها زيت فتيس فده معناه إن الكلتشات إتحرقت وحتعوز طقم إصلاح فتيس وطقم اﻹصلاح بحوالي 1250 جنيه والفلتر بحوالي 200 جنيه والمصنعيه بحوالي 500 والزيت الراقي لن يقل عن 300 إلى 500 جنيه حسب اﻷنواع الفخيمة سيبك من الفشل المستديم في موبيل وشل وإياك تركب فتيس إستيراد أبو 4500 جنيه ده بطيخة وبتاعك يتصلح أحسن
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

هيا غالبا جابت فتيس
ولازم يتغير عشان تصليح الفتيس مش مجدي ومش حايمشي كتير ده لو اتصلح اصلا
وعن تجربة جبت طقم الاصلاح والفتيس مقعدش معايا 5 ايام واطريت اني اجيب استيراد في الاخر ومانابني غير المصاريف اللي على الفاضي وربنا ياخده الميكانيكي اللي خلاني اصلحه ومخلانيش اغيرة من الاول
فا نصيحتي ليك بجد انك تجيب فتيس استيراد وتريح دماغك وكمان هوا بيكون على التجربة

مومكن تتصل بيه انا المهندس ايهاب متخصص وممكن تكلمني علي رقم التليفون 01003331310

انافي انتظار اتصالك على رقم***************

المشاركة الأصلية كتبت بواسطة ايهاب المنياوي

ممكن تتصل بيه انا المهندس ايهاب متخصص وممكن تكلمني علي رقم التليفون ****************