الموضوع: عاوز أعرف مميزات وعيوب الريو

المشاركة الأصلية كتبت بواسطة mhkorayem

أنا بفكر في الريو أول فئه اوتوماتيك
عاوز أعرف من ملاك الكيا ريو أيه هي مميزات وعيوب العربيه دي بكل أمانه
وجازاكم الله عني خير

فين يا جماعه الردود هي العربيه دي محدش أشتراها قبل كده ولا إيه
أي عربيه لها مزايا ولها عيوب أنا عاوز أعرفها بقى من ملاكها (أفيدوني أفادكم الله)

أولاً شكرأ لرد حضرتك
وأتمنى من ملاك العربيه أنهم يفيدوني بالنصيحه بما يرضي الله
أنا فعلاً قالقني أستهلاك البنزين العالي عشان في مهندس شغال في كيا وكان شغال في شيفورليه قال لي أن أستهلاك الريو في البنزين أعلى من من الأوبترا ومن الماتريكس اللي معايا رغم أنها 1400 مش 1600
لو هي بقى هتبقى بطه تبقى الموضوع مش تمام خالص ما هو ميبقاش سحب بنزين قد كده والأداء مش تمام فياريت ملاك العربيه يفيدونا في الموضوع ده بأمانه
بالنسبه للباقي تمام وهي عربيه حلوه مفيش كلام وكفايه شكلها والتابلوه الجميل جداً بتاعها بس هي الفكره بقى هل الموضوع يستحق أن أنا أدفع 10.000 جنيه زياده عن الأوبترا وأخد أوبشنز أقل زي الفوج لايت والوسع الداخلي ومسند اليد والدرج اللي بين الكراسي الاماميه والسنتر لوك والانزار والمفتاح الريموت عشان خاطر الشكل ولا مش مستاهله (طبعاً أنا بقارن بأول فئه في الريو عشان هي دي اللي على قد ظروفي ومش هقدر أزود لتاني فئه) مع ملاحظه أن الريو في الاوبشنز ممكن تزيد عن الاوبترا الايرباج للسائق بس هخسر الضمان
بخصوص البيجو أكيد جت في بالي بس الوكيل مش عاوز يقسط مع بنك ناصر ولو جبتها من المعارض سعرها هيوصل 128.000 جنيه على الأقل وكده السعر زاد عليا ومش هيبقى مناسب بالنسبه ليا وضيف على ده أني لقيت أول فئه مفيهاش مرايات كهربا وده عيب كبير بالنسبه ليا عشان أنا بستخدمها كتير جداً وأنا بركن
نفس المشكله دي في الستروين السي إيليزيه يضاف عليها وكيل مش جيد وأعاده بيع في الأرض

أتمنى بقى أصحاب الريو يدخلوا يشاركوا معانا في الموضوع وياريت يكونوا موضوعيين عشان كلامهم هيكون مأثر في أختياري بجد

المشاركة الأصلية كتبت بواسطة toty_305

-غريبة قوي هي الريو اول فئة مفيهاش ريموت ولا انذار و لا سنتر

-الاوبترا الصراحة مش داخلة دماغي كعربية تشتريها في 2014 بس هي من جوة ممتازة بس موتورها بردو مش حاسه قوي

-الصني كويسة بس حتة قطع استهلاكية زي تيل و طنابير فيهم عيب صناعة حكاية فصيلة جدا جدا و خلتها معيوبة

للاسف الريو أول فئه مفيهاش ريموت ولاسنتر لوك ولا انذار
أما الاوبترا انا بردوا مش مقتنع اني اشتريها في 2014 كان ممكن اجبها 2008 بدل الماتريكس لكن في 2014 الموضوع صعب شويه بس مش لاقي البديل المرضي ومش عارف أعمل ايه عشان كده بسأل على الريو
أما الصني أنا كنت قلت هشتري السوبر صالون على الرغم من تحفظي على شكلها اللي أنا مش متقبله أطلاقاً وعلى الرغم من خامات التابلوه ومستوي التقفيل الغير مرضي بالنسبه ليا خالص بس قلت أهو على الأقل واخد أوبشنز بالعبيط بس كل لما أسأل أي حد شغال في مجال السيارات سواء تجار أو مهندسين صيانه أو حتى منادي سيارات يقول لي أبعد عنها عربيه كلها مشاكل وأنا بصراحه مش كل يوم هشتري عربيه ومش عاوز ألبس في حيطه وخصوصاً انها لو طلعت مشاكلها كتير مش هقدر أغيرها
بصراحه حاجه تجنن مش عارف أعمل أيه ده الواحد في لحظات بيفكر أنه طالما كده كده مش لاقي حاجه يبقى مقتنع بيها يوفر فلوسه ويجيب فيرنا

المشاركة الأصلية كتبت بواسطة toty_305

-الفيرنا الاوتو داخله في 90 الف دلوقتي :b4_611:

للأسف حاجه تجيب أحباط