سؤال بخصوص تجديد الرخص فى حالة تغيير الموتور

**mtc_46** · 18-11-2013 12:15 AM

دلوقتى انا المفروض هجدد الرخص باذن الله قريب .. و شكلى كده هغير موتور اليومين دول .. بس التجديد الجاى من غير فحص .. فهل فى المرور لو كان ورق الافراج بتوع المتور الجديد راحلهم و دخل الدوسيه هيشترطوا الفحص و اثبات الموتور ولا هينفع اجدد عادى و نبقى نثبت الموتور عند الفحص ان شاء الله؟؟
اسف للازعاج

**saddam** · 18-11-2013 02:07 AM

صديقي المواطن
قولا واحدا مفيش ورق مكنة يخش ملف العربية من غير ما تروح إنت بنفسك وتخلي موظف إستلام ورق إفراج المكن يدور عليه ويطلعهولك أنا ليا ورق مكن من 4 سنين باعته وقررت أغير رقم المكنة وأعمل ورق جديد وعارف إنو مش حيكون واصل لملف العربية فلا تقلق إثبت عند الفحص ولكن أنا لست من هواة تأجيل عمل اليوم إلى الغد إثبته دلوأتي وكمل حياتك عشان لو حصل مشكلة في الورق تبتدي رحلة المشاكل بدري مع التاجر
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**Khaled Lanos** · 18-11-2013 07:27 AM

عادي ياباشا انا لسا مجدد الرخص اهو ومغير المتور ولسا مثبتوش..لو عندك فحص استنى لما تفحص بمتورك وبعد كدا غيره..لكن لو هتجدد بس إنشالله تروحلهم من غير متور أصلا ههههه