الموضوع: مطلوب عربية فحدود ١٧ الف وتكون مكيفة وباور

المشاركة الأصلية كتبت بواسطة saddam

صديقي المواطن
لا داعي للتندر على طلب زميلنا المواطن وجعل طلبه موضع سخرية وضحك فهذه قدرته وهذه إمكانياته
بص يا راجل يا طيب حتلاقي عشرات العربيات ب 17 ألف ولغاية 20 ألف فيها تكييف وبور ولكن كله محتاج شغل يعني مش حتركب وتمشي وتدوس زرار تلاقي التكييف شغال ﻷ ده إنت حتصرف عليها عشان تشتغل
إنت ممكن نجيب خنزيرة وسط ب 12 ألف وتشد بيها ب 3 آلاف وتركب تكييف ياباني ب 3 آلاف
تجيب كورونا 81 فيها تكييف عالمي وبور
أو ميتسوبيشي جالانت 82 فيها تكييف وبور
أو باسات من 83 وحتى 88 فيها نص بور وتكييف
أو برضو كورونا دي إكس 83 برضو تكييف وبور
وعندك هوندا 80
اﻹختيارات كثير لكن مش حتلاقي حاجه جاهزة بالرقم ده لازم نصرف عليها
وأنا أنصح تشوف عربية عجباك ثم تركبلها بور ب 2000 جنيه عالمي وتركبلها تكييف ياباني ثلاجة ب 3200 جنيه
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

الاستاذ الفاضل صدام
انا لا اتندر على طلب زميلنا
ولا اجعل طلبه موضع سخريه
ولا اقلل من امكانياته
بس كتبت المشاركه من احساسى اننى اداعب اخى فى المنتدى
ثانيا اننى اجد ان مايطلبه الاخ المحترم
من طلبات فى السياره غير واقعى مع المبلغ الذى رصده لها
وخصوصا فى ظل غلاء السيارات الان
ثالثا مع احترامى لك ولخبرتك
انت سهلتله الموضوع وقلت له انك ممكن تلاقى كذا وكذا بالسعر ده
وزودت المبلغ الى20الف
ورجعت تقول لكن مش حتلاقى حاجه جاهزه بالرقم ده !!!!!!!!!!!
يعنى رجعنا تانى لان المبلغ مش كفايه للطلبات الى عايزها
يعنى عايز فوقهم 5200جنيه تانى حسب كلامك
وده الاخوه الاعضاء عايزين يقولوه ولو باسلوب ساخر
واخيرا انا اسف لو اعتقد الاخ صاحب الموضوع اننى باسخر منه او من ظروفه
وشكرا
ودمتم......بالف صحه وعافيه

بلاش احسن
استنى لما يكون معاك مبلغ كويس