عملت عمرة شمبر من حوالي تلات سنين والعربية ماشية فل حوالي 25 الف كيلو ..بدأت تاكل زيت تاني ...الميكانيكي قالي مينفعش عمرة شمبر تاني سقط موتور احسن ...مع العلم العربية زي الفل ما عدا نقص الزيت .....رأي الخبراء ايه ؟؟؟؟؟
عرض للطباعة
عملت عمرة شمبر من حوالي تلات سنين والعربية ماشية فل حوالي 25 الف كيلو ..بدأت تاكل زيت تاني ...الميكانيكي قالي مينفعش عمرة شمبر تاني سقط موتور احسن ...مع العلم العربية زي الفل ما عدا نقص الزيت .....رأي الخبراء ايه ؟؟؟؟؟
مبدايا مش هتنفع عمره ولا طقم شنبر تاني لانك هتدخل في خرط بساتم وفي الاخر هتتكلف عليك تمن موتور استيراد
يبقي تسقط موتور افضل بس لو الزيت اللي بينقص عن طريق الشنابر انما لو كاوتش صباب مثلا , سهله افتح غيره
وخلاص ..هو الموتور ده عامل كام كيلو متر؟؟
150 الف بس
افتح غيرة تعني ايه ؟؟؟ واعرف موضوع الصباب ازاي
تقصد يا استاذ / فادى يغير كوتش الصباب بنفسه ؟
متابع
بصراحة هو ميكانيكي كويس وأمين .....احسن موتور تسقيط ايه ؟؟
لو اتاكدت من اكتر من ميكانيكي ان الشنابر هي اللي بايظه مش كاوتش الصباب يبقي هتسقط موتور ايكوتك
اما 1600 او 2000 سي سي . بس بلاش موتور دواسته كهرباء لان كونتروله احيانا بيعيب زي الموتور
اللي كوده z16xe - x16xe خليك في x16xel ده بالنسبه لل1600 سي سي وهو الاكثر انتشار خصوصا بعد
موضوع دعم البنزين مفيش اقبال علي المواتير الكبيره
بصراحة انا بفضل العمرة
وفي جميع انواع المحركات تم عمل الشنابر والسبايك والشمايز سهلة التغيير
بس المشكلة في الي يشتغل صح والي معاه ادوات القياس الصحيحة
يعني بتلاقي واحد ممكن يغير شنبر نفس المقاس وخلاص من غير مايعرف نسبة التاكل هل محتاجة خرط شميز
ولا تغيرة او مقاس الشنبر المناسب
او يقوم بتغير السبايك وخلاص من غير مايعرف نسبة التاكل او هل الكرنك محتاج خراطة
صدقني لو العمرة اتعملت صح كل حاجة بالمقاس مش فك وتركيب اعتقد مش قبل 150000 ك عقبال ما تعمل عمرة تاني
ياريت تقولنا عمل العمرة ازاي الي بعد 25000 تحتاج عمرة تاني لاني اشك في صنعتة