الموضوع: يا جماعه محتاج رآيكم ضرورى بخصوص اتوماتيك الجين 2

المشاركة الأصلية كتبت بواسطة amir

اسف نسيت اعلق علي موضوع الكيك داون, ده موجود في الجير الاوتوماتك عموما و كل هدفه في الحياه انك لما تدوس دواسه البنزين جامد العربيه تفهم انك عايز تتطلع بسرعه جامد فاللي بيحصل انها تقعد ثانيتين كده تفكر انت فعلا عايز كيك داون و بعدين تلاقي العربيه نزلت للغيار الاقل و الار بي ام يطلع جامد لحد بسيط قبل الشرط الحمرا, و ده في الصني عندي بيعني ان راسي بتلزق في المسند بس مجربتوش في الجين اللي سوقتها اخر مره لأنها كانت لسه بتليين بس لما دوست دوسه بسيطه خالص خالص حسيت بعزم و تسارع فعلا رهييييييييييب
http://www.nilemotors.net/Nile/showthread.php?t=24613

ربنا يكرمك يا دكتور يا رب على اهتمامك

والله الكيك دون ده طلع تمام يعنى الواحد لما يحب يشد لقى ليها سكه اهو

وشكرا يا دكتور امير على اللينكات جزاك الله كل خير

المشاركة الأصلية كتبت بواسطة amir

شكلك جديد في المنتدي يا ابو حميد احنا من زمان في المنتدي كلنا اخوات بنهتم بمنفعه بعض و هي دي الروح السائده بينا و الحمد لله
ان شاء الله باقي الاعضاء من اصحاب الجين الاوتوماتك يفتوك بردو بس نصيحه حاول تقرا عنها كل حاجه في قسم البروتون قبل ما تروح تستلم
و ربنا يباركلك فيها مقدما و متنساش تأمن عليها علي طول و تبقي افتكر اخواتك بتقييمات جامده كده زي الاخ توت

والله يا دكتور انا مش جديد ولا حاجه انا مشترك من سنه كده ومتابع معاكم هنا كل المواضيع وعارف معظم الناس شخص شخص
وعارف لروح اللى بين الناس هنا

انا يمكن مشاركاتى قليله
فعشان كده لما الواحد يحس بالاهتمام من الناس والمشاركات دى معاه هو بيبقى ليها طعم تانى وفرحه بجد

انا تقريبا يا دكتور دخلت الارشيف وقريت تلات ارباع المواضيع وفعلا الواحد بيستفيد كتير اوى من خبره الناس اللى هنا

شكرا يا دكتور على اهتمام حضرتك وربنا يجازيك كل خير على كل حرف بتكتبه تساعد بيه حد هنا

المشاركة الأصلية كتبت بواسطة momenhamdy

ربنا يبارك لك و توكل علي الله و هات الاتوماتيك .... و انا علي فكرة معايا الاوتوماتيك 2008 و برده من عند الطارق

مؤمن باشا مبروك على العربيه وربنا يباركلك فيها يارب

بس ارجو منك تجاوبنى على اسئلتى ربنا يكرمك يارب

انا طبعا عارف مدام ما انت قولت توكل على الله وهات الاتوماتك انها نالت اعجابك ورضاك
بس كى يستريح قلبى يا زعيم

معلش هتقل عليك

وياريت لو حضرتك كنت جربت واحده مانيوال تقولنا الفرق بينهم

وربنا يجازيك كل خير يا مؤمن باشا

المشاركة الأصلية كتبت بواسطة khpopo

اتوماتيك ربنا يوفق

استاذ كبو ربنا يكرمك يارب على مشاركتك

بس انا عارف ان حضرتك معاك واحده جين 2
ياريت تقولنا انطباعك عنها وعن ادائها بكل حياديه
ورآيك فى الاتوماتيك بتعاها وتجاوب على استفسراتى معلش يا استاذى العزيز هتقل عليك

بس عشم الاخوه هنا قاتلنى شويه

ربنا يكرمك يارب

الاوتوماتيك جامد جدا انا مارضيتش اجيب مانيوال مع اني كنت سقت الاوتوماتيك دي وجميله جدا والله انا بستمتع وانا سايق الجين2 ولابنا يبارك لنا في سياراتنا

الأصدقاء الأعزاء

كل عام وانتم جميعا بخير ورمضان كريم

أمس كنت بتفرج على سيارة جين 2 2007
اتوماتيك سبورت باكيدج

وسوقت العربية ومشيت بيها على الصحراوى والحق يقال.. انبهرت
من السحب والإتزان المحترم جدا جدا جدا

بس انا محتاج المشورة فى السعر .. او بمعنى اصح السعر السوقى المناسب للسيارة وخصوصا ان حالتها كويسة جدا جدا جدا
وهى عاملة 32 الف كيلو فقط !!

والرخصة تنتهى فى يونيو القادم ..

فهى بالفعل تساوى كام ؟؟؟


ولكم جزيل الشكر

السلام عليكم

أخونا الفاضل صاحب الموضوع والسؤال

أنا مستلمها بالظبط بقالى اسبوعين أوتوماتيك والحمد لله زى الفل وعاجبانى بس للأمانه هقوللك انها تقيله شويه فى الأول بس , لكن بعد ما بتاخد سرعتك بتلاقيها عايزه تطير

التكيف بيزود التقل ده شويه صغيرين بس فى السرعات القليله بس

استهلاك البنزين معقول

بدون تكييف وبالليل وهواء محايد وصل معايا الكمبيوتر الى 7.3/100 كم وانا لسه فى التليين, وعلى فكره ده كان لمسافه كبيره مش قياس لحظى

فى العادى بلاقيه مابين 8 و 9 لتر لكل 100 ك

أجمل ما فيها بجد مثبت السرعه هاااااااااااااااااااااااا اايل جدا مش قادر أقوللك أد ايه

مع الأخذ فى الأعتبار انك ممكن تقابل حاجات عبيطه فى التقفيل