الموضوع: يا جماعه محتاج رآيكم ضرورى بخصوص اتوماتيك الجين 2

يا جماعة بالنسبة لموضوع الفتيس الاوتوماتيك
انا منصحش خالص اى حد يشترى الفتيس الاوتوماتيك , اولا لو بتمشى جوه المدينة بالعربية يبقى كل سنة و انت طيب , هتعانى معاناة شديدة جدا و خصوصا لو ساكن فى حتة زحمة و خصوووووصا لو مشغل التكييف يبقى انسى كلمة سحب بالمرة, الاول و التانى دول اللى الواحد بيستخدمهم علطول جوه المدينة و مبيزدش عن كدا , مش معقول الواحد يشترى عربية 1600cc فيها عيب خطير فى الاوتوماتيك انها مبتسحبش نهائيا و التكييف مفتوح على الاول و التانى يعنى انت واقف فى اشارة و لا واقف على كوبرى و كل شوية توقف و تدوس بنزين و لا واقف فى حته زحمة بجد ربنا سكون فى عونك , انا سقت كذا عربية منها اللانسر ال1300 و اقدر اقولك ان على الاول و التانى (يعنى من الاخر و انت ماشى جوه المدينة) سحب العربية اقوى بكتير اوى اوى اوى من الجين2 , ناس هتقولك بعد التالت هتبقى صاروخ , انت يهمك و انت جوه المدينة تبقى مستريح , العربية بتحس مثلا انها غبية تدوس على البنزين تحس انها بتفكر اتحرك و لا لأ , اتحرك و لا لأ و بعدين طبعا انت بتتنرفز تقوم دايس بنزين جامد يقوم العداد بتاع الrpm على جامد و بعدين العربية تتحرك ببطا شديد!!!
دا عيب خطير جدا و مش موجود فى و لا عربية تانية غير الجين2!!
دا عيب الجين2 الرئيسى , غير كدا فى عيوب تانية كتير زى فراملها الضعيفة و خاماتها السيئة , جلد الباب بيطلع فى ايدك , الزراير بتبوظ و الانذار تعبان جدا
صحيح العربية فيها abs بس تحس برده ان فراملها اضعف من العربيات العادية يعنى ملوش لزمة.
طبعا العربية جميلة جداااا فى الشكل من بره و جوه و مبهرة جدا بس عيوبها كتير اوى على ان الواحد يرمى فلوسه فيها.
معلش يا جماعة بس الكلام دا عن تجربة يعنى مش فتى و تقدر تسال اى حد عنده الجين2 الاوتوماتيك , معتقدش حد يقدر يكدب الكلام دا .
كل واحد حر يختار اللى هو عايزه , للعلم العربية موديل 2007 و عاملة اكتر من 30000 كيلو , فالناس اللى عندها عربية عاملة 1000 و لا 5000 لو سمحتوا متقولوش عيوب تقفيل ازاى , مفيش حاجة من الكلام دا , اصبروا شوية و هتشوفوا كل حاجة بعنيكوا.
و كمان تجربة القيادة على الصحراوى مش مقياس , خد العربية و انزل بيها ميدان لبنان و انت تكره حياتك.
معلش يا جماعة على التعليق القاسى بس دى الحقيقة و طبعا عيب الفتيس الاوتوماتيك معتقدش انه موجود فى المانيوال بس بقية العيوب موجودة.

اوتوكاتك الجين تو بطيء من التوقف , بمعني انك لو واقف في اشاره و حبيت تتطلع العربيه بتتطلع بالراحه الا لو انت زودت بنزين, و الموضوع بيسوء قليلا لو مشغل التكييف
طيب اصحابها مشتكوش من الاوتومتك و هم كثر في المنتدي ليه؟ لأن بمجرد اكتساب العربيه لقدر بسيط من الحركه سحبها بيبقي طبيعي زائد بيشفع ليها الموتور الوهمي اللي بمجرد دوسه بسيطه زياده بيقوم العربيه بطريقه تكاد تكون مفزعه

اعتقد مفيش ناس كتير اشتكت لان معطم ملاك العربية هنا فى نايل موتورز لسه فى التليين او حتى مكملوش 5000 كيلو.

و ادى واحد بيكتب عنه بس مخفف شوية من حدة الكلام

موضوع الثقل مش موجود على طول دة بيظهر فى الزحمة وعندى مش بحس بية كتير يمكن لانى مغير بوجيهات لكن هاقوللك الحل الناس فى الاتوماتيك بتكبس جامد وعلى طول لكن فى حالة ظهور الفجوة ودة فى الزحمة الشديدة فقط فى اشارات شوراعنا وقت الذروة الشديدة جدا
يعنى لو العربية على طرق عدلة مش هانحس زى ماتقول ان الماتور بيهدااا خالص مع الزحمة الحل ..منكبسش جامد مع ظهر الفجوة اشيل رجلى واحتها تانى ساعتها العربية بتفوق وممكن ترجع لطبيعنها يعنى لو مفيش زحمة مش بحس بكدة خالص او ساعات اتعمد انى اطلع من الاشارة او الزحمة بقوة بالضغط عل الدواسة اكثر من مرة واتحدى اى حد من الثبات
مع التكيف معنديش مشاكل خالص

المشاركة الأصلية كتبت بواسطة momenhamdy

حاضر حجوبك علي كل اسئلتك لكي يطمئن قلب حضرتك ان شاء الله خصوصاً ان احنا في رمضان و ربنا يوفقك الي الخير دائماً

اولاً يا سيدي الفاضل انا مجربتش المنيوال بتاعها بصراحة و انا سبب اني اشتريت الاوتو عده اسباب
اولاً السبب الفني : الفتيس لانسر كريستالة( و تقريبا الي راكب في ال MIVEC )
ثانياً : ولدي بيركب معايا العربية و انا بصراحة كنت عايز اتفادي موضوع الزحام و الارهاق بتاعه ليا و ليه (خصوصاً انا كنت راكب فليشيا قبل كدا و انت عارف انها تقيلة شوية )
ثالثاً انا عموماً سواقتي من هادئه يعني بحب الشد و السحب و الخ و لكن اداء العربية انا راضي عنه تماماً تماماً ( بس في نقطة عند تشغيل التكيف بتتقل الطلعة الاولي شوية ) انا بكلمك بحيادية تامة

و ربنا يكرمك و اي سؤال انا تحت امرك و ان شاء الله خير

ربنا يكرمك يارب على اهتمامك يا استاذ مؤمن
طيب المعلومه دى انا كنت سمعتها قبل كده فعلا ان الفتيس هو فتيس الكرستاله
مع انى ماشوفتش كميه النقد على الفتيس الكرستاله زى النقد اللى على فتيس الجين الاتوماتيك
اما بقى بخصوص النقطه التانيه فهى نفس المشكله عندى ان امى واختى عايزيين يركبوا معايا
النقطه التالته بقى انا سواقتى زيك بالظبط وعشان كده بسأل الواحد عايز يطمن
ربنا يكرمك يا مؤمن على ردك وعلى اهتمامك

المشاركة الأصلية كتبت بواسطة tweety26980

الاوتوماتيك جامد جدا انا مارضيتش اجيب مانيوال مع اني كنت سقت الاوتوماتيك دي وجميله جدا والله انا بستمتع وانا سايق الجين2 ولابنا يبارك لنا في سياراتنا

ربنا يبراكلك فيها يا باشا ويديك خيرها ويكفيك شرها
وربنا يكرمك على ردك واهتمامك

المشاركة الأصلية كتبت بواسطة TrickyAhmed85

السلام عليكم

أخونا الفاضل صاحب الموضوع والسؤال

أنا مستلمها بالظبط بقالى اسبوعين أوتوماتيك والحمد لله زى الفل وعاجبانى بس للأمانه هقوللك انها تقيله شويه فى الأول بس , لكن بعد ما بتاخد سرعتك بتلاقيها عايزه تطير

التكيف بيزود التقل ده شويه صغيرين بس فى السرعات القليله بس

استهلاك البنزين معقول

بدون تكييف وبالليل وهواء محايد وصل معايا الكمبيوتر الى 7.3/100 كم وانا لسه فى التليين, وعلى فكره ده كان لمسافه كبيره مش قياس لحظى

فى العادى بلاقيه مابين 8 و 9 لتر لكل 100 ك

أجمل ما فيها بجد مثبت السرعه هاااااااااااااااااااااااا اايل جدا مش قادر أقوللك أد ايه

مع الأخذ فى الأعتبار انك ممكن تقابل حاجات عبيطه فى التقفيل

ربنا يكرمك يارب ريحت قلبى والله

انا زى ما قولت قبل كده لو البطئ بسيط مش هيفرق كتير بس ما يكونش بطريقه مستفذه زى ما فى اس كتير بتقول

واستهلاك البنزيين لو كده بجد يبقى كويس جدا بالنسبه ليا

ربنا يكرمك يارب والله مشاركت حضرتك ريحتنى كتير جدا

المشاركة الأصلية كتبت بواسطة zacklat

الف مبرووك على العربية وطبعا الاتوماتيك لا يعلى عليه

ليا سؤال ياريت تجاوبنى عليه
انا كنت عايز اجيب لانسر 1600 سبورت بس بعد ما دخلت منتدى الجين ولاقيت راى الاعضاء فيها غيرت رأيى وقلت حجيب جين2

ممكن اعرف بس انت حجزتها بكام وموديل كام
لانى سئلت فى المعرض اللى فى ذاكر حسين قالى ان دفعات 2009 لسه مش حتنزل دلوقتى ومحدش عارف تمنها

بس على حسب ما قريت ان 2009 تلاشوا فيها بعض عيوب التقفيل اللى فى الموديلات القديمة

انا نفسى اجيب موديل 2009 بس لو كان حيتاخر اوى حجيب موديل 2008 لانى مش حقدر استنى كتير

الله يبارك فى حضرتك يا باشا

بس ده لسه قدامى وقت مع ان العربيات موجوده اصلا بس حجزت على ما ابيع عربيتى اللى معايا ويامسهل يارب

بص حضرتك هى 2009 لسه مافيش اى حد يعرف عنها اى معلومه ولا فى التوكيل نفسه لانى سالت بس الاكيد انها هتنزل ميديم لاين يعنى من غير ebd وبكيس هواء واحد فنا شايف ان الحاليه احسن

انا حجزتها ياباشا بالف جنيه والاتوماتيك عامله 89.900
بس انا فاصلت معاه شويه ووصلت 89 بس
من عند الطارق فى الاسكندريه

وربنا يوفقك للى فيه الخير اللهم امين يارب اللعالمين

المشاركة الأصلية كتبت بواسطة khpopo

اوتماتيك جين2 الجميلة
ياستاذى الفاضل تحت امرك بحيادية تامة لان الاوتماتيك معايا منذ اكثر من سنتين وكانت عربياتى كلها مانيوال ميمنعش انى سقت اوتماتيك كتير وقليل
وجربتها قبل ماشتريها لانى كنت زيك عاوز مانيوال والكل يقولى اتوماتيك احسن
طبعا العربية الى جربتها بهرتنى بالسحب ومحستش انى راكب اتوماتيك فقلت خلاص طالما بتسحب زى المالنيوال ودة حقيقى
موضوع الثقل مش موجود على طول دة بيظهر فى الزحمة وعندى مش بحس بية كتير يمكن لانى مغير بوجيهات لكن هاقوللك الحل الناس فى الاتوماتيك بتكبس جامد وعلى طول لكن فى حالة ظهور الفجوة ودة فى الزحمة الشديدة فقط فى اشارات شوراعنا وقت الذروة الشديدة جدا
يعنى لو العربية على طرق عدلة مش هانحس زى ماتقول ان الماتور بيهدااا خالص مع الزحمة الحل ..منكبسش جامد مع ظهر الفجوة اشيل رجلى واحتها تانى ساعتها العربية بتفوق وممكن ترجع لطبيعنها يعنى لو مفيش زحمة مش بحس بكدة خالص او ساعات اتعمد انى اطلع من الاشارة او الزحمة بقوة بالضغط عل الدواسة اكثر من مرة واتحدى اى حد من الثبات
مع التكيف معنديش مشاكل خالص
صدقنى لم اندم على الاتوماتيك والجين2 الجميلة بدليل انها معايا ومش بفكر اغيرها
يكفينى الفخر عندما اجرى بها وصوتها يقطع العقل وعزمها وثباتها الذى يعطوك الثقة وانها من دولة اسلامية ربنا يوفقهم
تحت امرك فى استفسار

ربنا يكرمك يارب ريحت قلبى والله
وشكرا جزيلا على الحل اللى انت قولته ده اكيد ده ناتج خبره سنتين مع العربيه

لان فعلا انا زيك بالظبط عايز المانويال وكل الناس بترشحلى الاتوماتيك وتنصحنى بيها

شكرا يا استاذ كابوبو على رد حضرتك المطول وشرحك المفصل ونقل خبرتك مع العربيه لينا

ربنا يباركلك فيها يارب ويجعلها عند حسن ظنك دايما