مانيوال طبعا عشان محدش يشاركك فيها
فيه ناس جابت اوتوماتيك 2008 آخر دفعة ومحستش بفرق ملحوظ فى السحب.
رقم العضوية : 1380
تاريخ التسجيل : 09Jul2007
المشاركات : 41
النوع : ذكر
الاقامة : Alexandria
السيارة: 000
السيارة[2]: Golf 2
دراجة بخارية: 000
الحالة :
بسم الله الرحمن الرحيم
ـــــــــــــــــــــــــ ــــــــــــ
يا جماعه انا الحمد لله ناوى على شراء سياره جين 2 ومتابع معاكم من زماااااان اوى من سنه وشويه تقريبا
الحمد لله انا حجزت العربيه وربنا يتمم عليى خير بقى واستلم
المشكله دلوقتى انى خايف جدا من الاتوماتيك بتاعها وانا كنت ناوى على المانيوال من الاول لانى اصلا بحبه وبحب سواقه المانويال وكنت ناوى على مانويال سبورت باكيدج
بس لقيت ان امى واخواتى شبطوا فى الاتوماتيك عشان يعرفوا يستعملوها معايا طبعا
وتم الحجز على جين 2 اتوماتيك بس مش سبورت لون ارزق ميد نايت
السؤال بقى والخدمه اللى بجد واقع فى عرضكم فيها
والناس الافاضل اللى حببونى فى العربيه دى بجد
وعلى رأسهم الاستاذ توت
عايز اعرف عيوب الاتوماتيك بصراحه وحياديه
والفرق بينه وبين المانويال فى تأثيره على سحب العربيه واستهلاك البنزيين خصوصا انى سمعت ان الاتوماتيك بتاعاها بطئ فى السحب وانه بيخلى العربيه بلاعه بنزيين
انا حجزت عند الطارق الحمد لله
والراجل هناك قلى لو غيرت رآيك فى اللون او فى نوع الجير بوكس ممكن نغيرلك العربيه عند الاستلام والكلام ده هو اللى ريحنى وقلت ابقا استشيركم هنا
المانويال ولا الاتوماتيك
وايه حكايه الكيك داون اللى فى الاتوماتيك دى وهل دى ممكن تغنى عن المانويل وانى احرق بيها على الغيار وتشد معايا برضوا العربيه
علما ان والدى معاه متسوبيشى البوما سبورت باكيدج اتوماتيك 1300 سي سي وحاسس ان سحبها بطيئ وجربت اكبس بنزين عشان احرق على النقله ماحصلش حاجه الظاهر مافيهاش كيك داون
ارجوكم بجد محتاج رآيكم ضرووووووووورى
انا عارف ان الناس هنا عمرها ما بتتأخر على خدمه الاعضاء
رآيكم يهمنى اوى
ارجوكم انقذونى من الحيره اللى انا فيها دى
اخوكم احمد
رقم العضوية : 5341
تاريخ التسجيل : 07Feb2008
المشاركات : 1,054
النوع : ذكر
الاقامة : Cairo
السيارة: --
السيارة[2]: Gen2 2008
دراجة بخارية: N/A
الحالة :
مانيوال طبعا عشان محدش يشاركك فيها
فيه ناس جابت اوتوماتيك 2008 آخر دفعة ومحستش بفرق ملحوظ فى السحب.
رقم العضوية : 5226
تاريخ التسجيل : 04Feb2008
المشاركات : 1,428
النوع : ذكر
الاقامة : الاسكندريه
السيارة: Gen 2 \A\2011
السيارة[2]: Gen2/A/2008 سابقا
الحالة :
أنا معايا الاتوماتيك ولسه مستلمها من حوالي أسبوع وكنت زيك محتار بين المانويل والاتوماتيك واتكلت علي الله وجبت الاتوماتيك مش عايز اقولك مافيش فرق بينها وبين المانيويل في السحب جميله جدا ومعروف ان الاتوماتيك في اي عربية بتكون تقيله شويه في اول طلعة دة في جميع العربيات الاتوماتيك لكن بعد كدة مش عايز اقولك العربية بتكون عايزة تطير من الارض ودة يرجع ليك انت وشكرا
رقم العضوية : 1380
تاريخ التسجيل : 09Jul2007
المشاركات : 41
النوع : ذكر
الاقامة : Alexandria
السيارة: 000
السيارة[2]: Golf 2
دراجة بخارية: 000
الحالة :
ههههههههههههههههههههههههه ه
فعلا انا كنت بفكر فى كده
بس حكم الزنان على المصدع بقى
عارف كلام حضرتك ده قالهولى الراجل بتاع المبيعات هناك بالنص
اقصد فرق السحب بين الاتنين قالى مش ملحوظ اوى يعنى فرق بسيط
وقالى ان مابيعات الاتوماتيك بتعاها اعلى بكتير تقريبا 60% من العربيات اللى بتطلع بتكون اتوماتيك
الف شكر ليك يا باشا على ردك وربنا يجازيك كل خير
كل سنه وانت طيب
رقم العضوية : 1380
تاريخ التسجيل : 09Jul2007
المشاركات : 41
النوع : ذكر
الاقامة : Alexandria
السيارة: 000
السيارة[2]: Golf 2
دراجة بخارية: 000
الحالة :
ربنا يكرمك يارب على اهتمامك ومشاركتك
طبعا حكايه التقل فى اول الطلعه دى اكيد والبنسبالى هينه انا قصدى بعد كده على الطريق فعلا مافيش فرق ملحوظ خصوصا انها 4 غيارات بس
وهل بتضايقك فى الاشارات او المطالع العاليه بسبب التقل اللى فى الاول
واستهلاكها للبنزين اعلى بفرق ملحوظ من المانويال ولا بسيط
معلش انا متقل على حضرتك بس انت عارف رآيى الناس اللى معاهم العربيه اكتر حاجه تهمنى
ربنا يبارك فى حضرتك يارب ويجازيك كل خير
رقم العضوية : 1365
تاريخ التسجيل : 08Jul2007
المشاركات : 3,408
النوع : ذكر
الاقامة : القاهره, مدينه نصر
السيارة: SUNNY 2007
السيارة[2]: FELECIA 1998
دراجة بخارية: لا
الحالة :
اول حاجه اتطمن انت احسنت الاختيار
الجين 2 عربيه ممتازه بأمكاناتها و كماليتها و سعرها
انا كنت لسه شاري صني 2007 اوتوماتك و كنت عايز ابيعها و اشتري الجين اوتوماتك بس محصلش نصيب و مجابتش السعر اللي كنت مش هخسر فيه, المهم
نصيحه اخويه انسي المانيوال لأن في ناس اشترت عربيات مانيوال موديلات عربيات مختلفه و بعدين ركبها الندم انهم ماجابوش اوتوماتك
احساسك بالمشوار و ارهاق السواقه في الزحمه هيتلاشي و هتحس بمتعه الراحه التامه
اوتوماتك الجين مش سفاح بنزين زي ما انت بتقول بص الصني بتعمل 200 كيلو في الصفيحه جوه البلد في المتوسط يعني حوالي 100 كيلو ب10 لتر
اوتوماتك الجين بيعمل اكتر من كده بشويه, يبقي الصني اوتوماتك هي اللي سفاحه بنزين( مع العلم ان عربيتي القديمه فيليشيا 98 1300 سي سي كانت بتعمل نفس المعدل بالظبط لاء و ايه مانيوال!!) يبقي نفس معدل الاستهلاك اللي انا متعود عليه بس في عربيه 1600 سي سي و اوتوماتك و تكييف شغال علي طول تقريبا يبقي كده رضا
اوتوكاتك الجين تو بطيء من التوقف , بمعني انك لو واقف في اشاره و حبيت تتطلع العربيه بتتطلع بالراحه الا لو انت زودت بنزين, و الموضوع بيسوء قليلا لو مشغل التكييف
طيب اصحابها مشتكوش من الاوتومتك و هم كثر في المنتدي ليه؟ لأن بمجرد اكتساب العربيه لقدر بسيط من الحركه سحبها بيبقي طبيعي زائد بيشفع ليها الموتور الوهمي اللي بمجرد دوسه بسيطه زياده بيقوم العربيه بطريقه تكاد تكون مفزعه
ادي موضوع احبك تقراه
و لو يا سيدي مش مستريح بردو للاوتوماتك بتاعها حاول تشوف حد يخليك تجرب العربيه من اصحابك او اخواتك هنا في المنتدي
و ان لقيت نفسك مش ميال ليه بردو تعالي خد مني الصني اللي معايا و انا استلم بدالك الجين لأني بصراحه عيني لسه بتتطلع عليها كل ما اشوفها و نفسي فيها بس النصيب ان الصني متباعتش
بس خد بالك اوعي تتنازل عن الاوتوماتك في العربيه اللي هتجيبها مادام قادر علي تمنها لأنه ميزه ليك انت اللي سايق في وسط شوارعنا العريضه الفاضيه علي طول, و سيب المانيوال للي مازال بيحب يرمح في شوارعنا العزيزه
تحياتي
http://www.nilemotors.net/Nile/showthread.php?t=24613
http://www.nilemotors.net/Nile/showthread.php?t=37024
رقم العضوية : 1365
تاريخ التسجيل : 08Jul2007
المشاركات : 3,408
النوع : ذكر
الاقامة : القاهره, مدينه نصر
السيارة: SUNNY 2007
السيارة[2]: FELECIA 1998
دراجة بخارية: لا
الحالة :
اسف نسيت اعلق علي موضوع الكيك داون, ده موجود في الجير الاوتوماتك عموما و كل هدفه في الحياه انك لما تدوس دواسه البنزين جامد العربيه تفهم انك عايز تتطلع بسرعه جامد فاللي بيحصل انها تقعد ثانيتين كده تفكر انت فعلا عايز كيك داون و بعدين تلاقي العربيه نزلت للغيار الاقل و الار بي ام يطلع جامد لحد بسيط قبل الشرط الحمرا, و ده في الصني عندي بيعني ان راسي بتلزق في المسند بس مجربتوش في الجين اللي سوقتها اخر مره لأنها كانت لسه بتليين بس لما دوست دوسه بسيطه خالص خالص حسيت بعزم و تسارع فعلا رهييييييييييب
http://www.nilemotors.net/Nile/showthread.php?t=24613
رقم العضوية : 1380
تاريخ التسجيل : 09Jul2007
المشاركات : 41
النوع : ذكر
الاقامة : Alexandria
السيارة: 000
السيارة[2]: Golf 2
دراجة بخارية: 000
الحالة :
يااااااااااااااااااااااه ربنا يكرمك يارب على ردك الجميل ده
بجد والله ونعم الاخوات هنا
ربنا يكرمك يارب يا دكتور امير وينولك اللى فى بالك ويباركلك فى عربيتك الحاليه
والله طمنت قلبى بجد وكلامك حسسنى ان الاتوماتيك نعمه
هو بينى وبينك راحه طبعا وكمان لو استهلاكها كده فعلا فى البنزيين تبقى معقوله جدا
بجد ربنا يبارك فى حضرتك
على مشركتك الجميله دى
وبصراحه بعد كلام حضرتك انا بقيت ميال اكتر للاتوماتيك
لان حضرتك بتتكلم عن تجربه
نفس كلام حضرتك ده والدى قالهولى لانه مجرب الاتنين هو اللى نصحنى بالاتوماتيك
شكرا مره اخرى يا دكتور ولو انى عارف ان بجد مايكفيش مشاركه حضرتك الف كلمه شكر
ـــــــــــــــــــــــــ ـــــــــــــــ
انا هستنى رد باقى الناس فى حكايه السحب وياريت يكون حد جرب الاتنين عشان يقولنا القول الفصل
وعايز اعرف تأثير التكيف على سحبها
وايه نظام التكيف بتاعها سمعت انه كويس ومن الجيل التالت وبصراحه مش فاهم يعنى ايه الجيل التالت دى
معلش يا جماعه شكلى هتعبكم معايا بجد
ربنا يصبركم عليا ويجازيكم عنى كل خير
رقم العضوية : 1365
تاريخ التسجيل : 08Jul2007
المشاركات : 3,408
النوع : ذكر
الاقامة : القاهره, مدينه نصر
السيارة: SUNNY 2007
السيارة[2]: FELECIA 1998
دراجة بخارية: لا
الحالة :
شكلك جديد في المنتدي يا ابو حميد احنا من زمان في المنتدي كلنا اخوات بنهتم بمنفعه بعض و هي دي الروح السائده بينا و الحمد لله
ان شاء الله باقي الاعضاء من اصحاب الجين الاوتوماتك يفتوك بردو بس نصيحه حاول تقرا عنها كل حاجه في قسم البروتون قبل ما تروح تستلم
و ربنا يباركلك فيها مقدما و متنساش تأمن عليها علي طول و تبقي افتكر اخواتك بتقييمات جامده كده زي الاخ توت
رقم العضوية : 10752
تاريخ التسجيل : 15May2008
المشاركات : 1,825
النوع : ذكر
الاقامة : Alexandria
السيارة: HYUNDAI Verna 2014 M/T
السيارة[2]: Proton GEN2 A/T 2008
دراجة بخارية: no
الحالة :
ربنا يبارك لك و توكل علي الله و هات الاتوماتيك .... و انا علي فكرة معايا الاوتوماتيك 2008 و برده من عند الطارق
Eng.Mo'men Hamdy Fahmy
المفضلات