عملت عمرة شمبر من سنتين ومشيت 25 الف كويس ...بدأت تاكل زيت تاني بس لسة خفيف ....الميكانيكي قالي مينفعش عمرة شمبر تاني !!!! مع ان العربية ماشية كويس اوي والموتور منتظم والحرارة عادية .....قالي سقط موتور احسن ؟؟؟؟
عرض للطباعة
عملت عمرة شمبر من سنتين ومشيت 25 الف كويس ...بدأت تاكل زيت تاني بس لسة خفيف ....الميكانيكي قالي مينفعش عمرة شمبر تاني !!!! مع ان العربية ماشية كويس اوي والموتور منتظم والحرارة عادية .....قالي سقط موتور احسن ؟؟؟؟
صديقي المواطن
قولا واحدا أي ميكانيكي ينطق حروف كلمة سقط مكنة إستيراد فدي ترجمتها في قاموسنا إنه فاشل وكفته وضعيف في الصنعة مفيش حاجة إسمها مش ينفع يتعمل عمره شوف غيره والمكنة تتفتح والصح يتعمل
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
صديقي المواطن
ومع إحترامي اﻷكبر لحضرتك وإعتزازي كمان
تقدر تقول لي لو الميكانيكي ركب مكنة إستيراد وطلعت وحشة وشالها عشان ترجعها وتجيب غيرها تاتي هل حياخد منك أجر عمل ولا متبرع لله ثم للوطن وكمان حتروح تهين نفسك في مشوار المرور التاريخي ﻹثبات المكنة في الرخصة ده لو مطلعش فيه أي غلطة في البصمة أو الورق ثم من المعروف إن المكن اﻹستيراد كله متروك سنوات عاﻷرض ولو إشتغلت فمن سوء التخزين قولا واحدا حتفتح بعد 6 شهور أو سنة لعمل طقم شنبر
ثم من قال لك أن تكلفة العمرة أغلى.من اﻹستيراد أنا كل كام شهر بعمل عمرة.لوحده من عربياتي وأنا على مدى حياتي بالعربيات أشرفت على عمل عمرات عشرات المرات لن تقل عن 90 مرة بأي حال من اﻷحوال وركبت كمان مكن إستيراد ولكن بركب إستيراد في حال فقط أركب مكن أكبر
وأنا شايف إن معظم مكن اﻷستيراد يبدأ من 3500 ويصل إلى 6 آلاف
أنا اﻷسبوعين الماضيين فاتح مكنه 6 سلندر ضخمة وقطع غيار بتنقرض ومغير بساتم وشنبر وشغل خراطة وتنظيف وزيوت وكل ده مش حيوصل 2500 فأغلى منين
ولكن أنا معك المصيبة في مصر في اﻷسطة المحترف النظيف وده تتعب وحتلاقيه وتسأل كتير وأنا عن نفسي أبص في عين اﻷسطة وأكلمه 3 دقايق أعرف إنه كفتة ولا لحمة راس ولا كافيار بالجنبري
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
أخي صدام
ليس كل الناس عندهم نفس خبرتك
وكثير من الناس قليلي الخبرة (وأنا منهم طبعا) وقعوا ضحايا للصنايعية الكفتجية
أقسم بالله ان إحدى السيارات التي كنت امتلكها في الماضي احترقت جزئيا
والكهربائي اكتشف ان الباشا الميكانيكي اللي عمل العمرة نسي يوصل أحد الاسلاك
تقبل تحياتي وشكرا للرد