مشكله فى الفوجات جولييت 1

**amr_adel00** · 18-11-2013 05:59 AM

عندى مشكله انى لما بشغل الفوجات فتره طويله الفيوز بتاعها بيضرب و اغيره تشتغل شويه كده حلويين و بعد كده يضرب تانى,,
فى حاجه بس احب اوضحها ان الفيش بتاعت الفوجات اللى فى الضفيره مقصوصه و متعدله ب فيش عاديه فانا اضطريت اخلى الكهربائى يقص الفيش اللى فى الفوجات و يعملها عاديه علشان تركب المهم عمل كده و حط فيوز 20 و من ساعتها و كل يوم او يومين و الفيوز يضرب و ساعات بيضرب اول ما اركبه.. المشكله فى ايه بقى ؟؟

**midooo_119** · 18-11-2013 06:17 AM

اللمبة الى انت مركبها كام وات

**amr_adel00** · 19-11-2013 05:09 AM

المشاركة الأصلية كتبت بواسطة midooo_119

اللمبة الى انت مركبها كام وات

بصراحه مش عارف كام وات
هاشوفها و اقولك

**amr_adel00** · 19-11-2013 05:15 AM

المشاركة الأصلية كتبت بواسطة engonear

1- الفيوز اللى تركبه يكون ايطالى هتلاقى البلاستيك بتاعه سميك

2- واللمبات اللى راكبه لازم تكون 55 وات وما تزيدش عن كدا علشان ما تحرقش التوصيله

3- لازم تتأكد ان التوصيلات مظبوطه وان الكهربائى شغله سليم

هو الفيوز اللى راكب فعلا البلاستيك بتاعه سميك اعتقد انه الايطالى بس بصراحه انا معرفش اللمبه اللى راكبه كام وات.. ممكن اشوف و اقولك و بصراحه انا كنت واقف و شايف الكهربائى و هو شغال و كان شغله نظيف اوى ده غير انه معرفه و بجد هو كويس..
كنت عاوز اسأل طب انا لو هركب زينون برده المشكله دى هتحصل تانى و لا ايه ؟؟
و هل بردوه انا مرتبط بوات معين لو ركبت زينون ؟؟
اشكرك و اسف على الاطاله
تحياتى :)

**a7medsh3rawi** · 19-11-2013 07:52 PM

المشاركة الأصلية كتبت بواسطة amr_adel00

هو الفيوز اللى راكب فعلا البلاستيك بتاعه سميك اعتقد انه الايطالى بس بصراحه انا معرفش اللمبه اللى راكبه كام وات.. ممكن اشوف و اقولك و بصراحه انا كنت واقف و شايف الكهربائى و هو شغال و كان شغله نظيف اوى ده غير انه معرفه و بجد هو كويس..

يبقى كدا اطمنا ان التوصيلان سليمه والفيوز تمام وتفضل عندك مشكلة ان الوات بتاع اللمبه عالى وبيعمل حمل على الفيوز فمحتاج نغير اللمبه بوات قليل.

كنت عاوز اسأل طب انا لو هركب زينون برده المشكله دى هتحصل تانى و لا ايه ؟؟
الزينون بيكون ليه توصيلات خارجيه من البطاريه لجهاز converter طالع منه وصلتين لكل لمبه بمعنى انه ما يبستخدمش الضفيره الاصليه

و هل بردوه انا مرتبط بوات معين لو ركبت زينون ؟؟
انت كدا مش محكوم بوات معين وتقدر تشغل لمبات على حسب قوة الجهاز اللى هيركب

اشكرك و اسف على الاطاله
تحياتى
تحت أمر حضرتك فى أى وقت