تعلم طريقة تنظيف البوابة بحرفية
[justify]
اصدقاء و احبائي في قسم السيات
النهاردة حبيت اعمل موضوع مش كبير .. موضوع بسيط و لكن ذو اهمية
انا حابب ان الناس تقرا الموضوع ده اكنها بتقراه لاول مرة .. و ده علشان فايدته للي عاوز يتعلم تنظيف البوابة او throttle body و لكن بحرفية لان مغذى الموضوع مش في مجرد اننا هنضف بوابة و خلاص .. لكن هي ايه الطريقة الصحيحه في التنظيف
كلنا عارفين طبعا ان البوابة هي من الاجزاء المهمه جدا و هي احد المنظومات المهمه في جسم المحرك
الجزء ده بيحتاج مننا اهتمام شوية في الصيانه و الاهم من كدا الوقاية خير من العلاج .. هبتدي نتكلم على نقطه مهمة جدا و هي جسم البوابة نفسه و ده بيتكون من مدخل و مخرج و ووحده تحكم نصها الكتروني و و في بوابات الكترونية بالكامل يتم التحكم فيها عن طريق الكنترول .
عموما الجزء اللي بيكون محتاج تنظيف جدا هو (المدخل) اللي كلنا عارفينه اللي في البوابة الدائرية المتحركه اللي بتتحكم في دخول الهواء بنسب معينه و اللي بتدخل بامر من الكنترول الى داخل غرف الاحتراق بالتساوي عن طريق المنافولد .
بالتأكيد الجزء ده مهم لان ده مدخل الهواء الوحيد للمحرك لاتمام عملية الحرق ، لما الهواء يدخل متسخ و محمول بالاتربة بيتراكم التراب على الجسم الدائري المحيط للبوابة
عارفين يا جماعة ان البوابة دي ممكن تخرب نهائيا و تكون سبب لبرجله العربية و تخليك تقعد تلف حوالين نفسك مع انك منضفها زي الفل و مخليها تمام و العيب بيفضل موجود و انت نش عارف
كل الناس هتقولي انجز ياعم الرغي ده مش عاوزين رغي ... هقولكوا ركزو معايا جدا في الصورة اللي جاية
[/justify]http://nileup.com/up/uploads/nilemotors_13847672941.jpg
[justify]
السهم اللي بالاخضر ده الجزء الخاص للتحكم في دخول الهواء
السهم الاحمر ده بقا اللي يهمني .. دي عبارة عن اتربة و غبار و تبخير زيت
طيب لما نيجي ننضف البوابة لازم نفكها برة و اوعى تحرك البوابة الدائرية اللي مشاور عليها بالسهم الاخضر حتى من باب انك بتلعب
زي مهي كدا تفكها و ماتلعبش في اي حاجه .. تجيب اسبراي تنظيف كربريتر و تبتدي تبخ على مدخل البوابة و تاخد بالك انك تكون موجه المدخل و انت بتبخ في الارض علشان الاتساخات تنزل في الاتجاه المعاكس للمدخل يعني اكنك بتملا (كوب ماء) بس و انت مميله و كل ما هتملا المية هتتدلىء على الارض
طيب احنا بخينا عل البوابة و هي مقلوبه .. و نزلت (اتساخ و اترة و غبار) و لسه من الداخل فيه اتربة و ابخرة زيتية .. نجيب قطعه قمشا قطنية و نبتدي نمسح الهواف الملامسة للبوابة الدائرية بدون ما ادينا تحركالبوابة ملى واحد .... لحد ما نتأكد ان مافيش اتربة سوداء في المكان القريب للبواة الدائرية على الجسم المحكم ليها .
خلاص اتاكدنا انها نضيفة ... نفتح البوابه بادينا لغاية ما نشوف الناحية التانية و نبدي نرش تاني على الجسم من الداخل مع الاحتفاظ بفتح البوابة اثناء عملية الرش و التنظيف يعني افتح بايدي و افضل ماسك لحد ما انضف و امسح بالقماش و احس ان مافيش اي حصى او اتربه و بعد ما انضف تمام اريح البوابة على وضعها الاولي .
طب ليه بنعمل كدا ؟؟؟ ايواااااا هنا بقا الحرفية
عارفين ان الاتربة المتجمعة حولين البوابة الدائرية دي بتكون فيها (رمل) حصى صغير الحصى ده لو انت جيت زي ما قلتلكوا و انت بتفك البوابة و حبيت تحركها كدا من باب انك بتلعب عارفين ان ده ممكن (يخدش الجسم الدائري من الداخل اللي هو الجسم المحكم للبوابة و هيتسبب في تدفق الهواء ذاتيا بدون التحكم فيه عن الطريق الكنترول) هيعمل زي ما بنقول بالبلدي كدا سرسوب هوا غصب عن البوابة نتيجه ان جسم البوابة مخربش و هنا بقا المصيبه .. تقعد تلف حوالين نفسك العربية مش مظبوطه و مبرجله و يكون العيب انك منضف البوابة غلط .
ممكن كلنا نكون نضفنا بوابات و عملنا مواضيع كتير في تنظيفها لكن المهم اننا نفهم ازاي ننضف و نعرف احنا بنضف البوابات بالطريقة دي ليه
الموضوع بسيط و سهل و للعلم ده نتيجة مجهود و تجربه شخصية
[/justify]