مين من الزقازيق محافظة الشرقية(افتح الشنطة بالريموت)

**dadoonly** · 18-11-2013 03:47 PM

مين من الزقازيق يعرف حد كويس يعملي (فتح الشنطة بالريموت)

عشان ماروحش لحد يلخبطلي الكهربا ويسببلي مشكلة اكبر

احد الاصدقاء رشحلي محل اسمه (زينون ) طريق الغشام بالزقازيق

هل من ترشيحات او توصيات لحد كويس ( وسؤال (كهربائي ولا حد بتاع سنتر هو اللي يعمله)

**mastr_n** · 18-11-2013 03:52 PM

بص ياباشا
فى كهريائى عند موقف المنصورة كل الناس بتشكر فية ويقال علية انة قرد
اسمة احمد بيبو انا ماتعاملتش معاة بس صحابى علطول بيشكروا فية
انا روحتلة مرة اركب كلاكس بس ماجربتوش فى حاجة تقيلة يعنى

**michohat** · 18-11-2013 04:32 PM

هو زينون اللي ف طريق الغشام اللي هناك اسمه خالد رشاد
جربته في انه صلح لي زرار الازاز الكهربا فكه ونظف الريش وركب تاني
وظبط لي حساس جهاز الانذار
مش جربته غير في كده

وبستريح في الشغل عند واحد تاني
اسمه انوس جنب شرطه المعهد الديني في هناك اسطى اسمه سيد ركب لي الزينون وكتاوت لدراع النور و نور شبورة حسيت في شغله بالنظافة بيستخدم ترامل وعروات وغطيان للترامل وبيقفل شغله كويس

**michohat** · 18-11-2013 04:37 PM

وكمان علشان تعمل موضوع ان الشنطه تفتح بالريموت لازم جهاز الانذار او السنتر يكون فيه تحكم في الشنطه يعني علشان تفتح الشنطه محتاج امر يطلع من الريموت مخالف لامر فتح او غلق الابواب وبكده هتكون عاوز زرار اضافي او خاصيه في الانذار انه بضغطه علي زرارين مع بعض تنفذ الامر

من الاخر هتكون محتاج جهاز انذار ف ريموته زرار اضافي غير فتح وغلق العربية

**dadoonly** · 18-11-2013 05:51 PM

بالنسبة للزرار انا شاري العربية مستعملة - معاها ريموت فيه زرار مرسوم عليه شنطة مفتوحة بس لا يعمل
فتح الشنطة بالريموت بيكون يا اما بزرار منفصل او الضغط على زرار الفتح مرتين ورا بعض والله اعلم
لما اعمله هاكتب التفاصيل والتكلفة وكل حاجه ان شاء الله