سلام عليكم
معايا اوبترا 2006 اوتوماتيك
طول مانا ماشي بيها مافيش اى حاجة وزى الفل .. لكن لما اعمل يوتيرن فى الطريق بسمع صوت طأطأة فى الفردة اليمين ادام ... صوت الطأطأة مش دايما بس بقيت اسمعها لو مركز فيها اوي
عرض للطباعة
سلام عليكم
معايا اوبترا 2006 اوتوماتيك
طول مانا ماشي بيها مافيش اى حاجة وزى الفل .. لكن لما اعمل يوتيرن فى الطريق بسمع صوت طأطأة فى الفردة اليمين ادام ... صوت الطأطأة مش دايما بس بقيت اسمعها لو مركز فيها اوي
كوبلن يا باشا عايز يتغير
لو الصوت بيبان وأنت بتكسر الكاوتش والدركسيون يمين وشمال تبقي كبالن زي ما قال لك الزميل,,
أما لو صوت الطقطقة بيبان في الخط وأنت ماشي طوالي هتبقي من البطاحات أو البيض.
كوبلن
طيب ياجماعة حوار الكوبلن دا للأوبترا تكلفته عالية .. لإن روحت الورشة وقالى (( ممكن كوبلن )) بس انا متنفض اليومين دول ومأشفرة عالاخر .. فى الحوار دا غالي ولا إيه بالظبط ؟؟
اعتقد حتلاقيه في حدود من 600 الي 1000 جنيه مابين اصلي و بدايل اخري
تيواني ب 250 الجوز
ياباني 550 الجوز
انا عندي في الاوبل كان الحوز ب 800 جديد مايلي او فيبي مش فاكر
هوا انت أتاكدت أذا كان كوبلن الأول ولا من العفشة ؟
وازاي الورشة تقولك ممكن كوبلن.؟؟
هوا بيخمن وهيجرب عليك ولا مش عارف يشخص العيب عشان يقول ممكن.؟!!!
كوبلن محتاج يتغير
صح مظبوط, بس لو ماشي في طريق طوالي ومفيش حفر أو مطبات كتير مش هتسمع طقطقة,
أنا كان عندي في اللانسر لما البطاحات أتاكلت, كانت العربية بتعمل طقطقة في الملفات واليوتيرن زي ما بيوصف كدا لأن العربية كانت بتميل مع حركة الكاوتش يمين وشمال, وكانت بتعمل نفس الطقطقة في المطبات طبعاً والحفر,
فقولت له يتأكد خصوصاً أنو بيقول أن الصوت مش دايم ومش بيسمعه أوي,, لأن صوت الكوبلن بيبقي فضيحة وتحس بتكتكة عالية كدا برتم متناسق, يعني صوت التكتكة بتيجي ورا متواصلة بعدها بنفس الوقت,,
لكن العفشة بيبقي صوت طقطقة وغربلة بصوت مش متناسق, مش عارف أوصفها أحسن من كدا بس أتمني تكونو فهمتو قصدي.
الصوت لو مش دايم زي ما بيقول ومش بيسمعه غير لما بيركز فيه, هيبقي في الغالب مش كوبلن.
فعشان كدا بقوله يتأكد من العفشة الأول بيضل وطرف أسكاترة وبطاحات,