الموضوع: عرفت تفسير سبب من اسباب "الطلاق المبكر"

المشاركة الأصلية كتبت بواسطة timtim

أول سبب للطلاق عموما هو:
الزواج
:)

ههههههههههههههههههههههههه ههههه منطقى جدا

المشاركة الأصلية كتبت بواسطة أبو آسر

عندك حق والله
لما اليوم اللي المفروض إنه بداية حياتهم بدل ما يشكروا ربنا عليه يقوموا يعصوه بالمنكرات دي زائد أذى الناس والجيران يبقى المفروض إن ربنا يباركلهم في حياتهم وإن الناس تدعيلهم ولا تدعي عليهم ؟!
أنا الحمد لله يوم فرحي مكنش في حتى أناشيد ! وبالرغم من بساطته الشديدة إلا إن كل المعازيم كانوا مبهورين بجماله وهدوئه ولحد دلوقتي بيضربوا بيه المثل ولله الحمد والمنة

فعلا ربنا يبارك لك

المشاركة الأصلية كتبت بواسطة khaled_sabry

هو موضوع الفرح ده من الموروثات الاجتماعيه المتخلفه
انا كنت ضده من قبل ما اخطب المدام
و عقبال ماجهه معاد الفرخ كنت دفعت اللى ورايا و اللى قدامى فى توضيب الشقه و خلافه - و اللى فاضل كان يادوب على قد مصاريف اسبوع فى الاقصر و اسوان
فقولت لأهل المدام مش معايا فلوس للفرح و بلاش منه - انا كده كده كنت ماكنتش عاوز بس لاقيتها حجه و خلاص و ماكنتش عاوز اتخانق على دى

لاقيت حماتى بقى قعدت تقول اهل البلد و مش البلد و فى الاخر هى اللى دفعت حق قاعه الافراح
بس ماكنشى فيه ازعاج لحد لأن ماكنشى فيه تخميس و ضرب نار و الحركات دى
بعد كده بقيت اقول للمدام بقى لو كنا اخدنا فلوس قاعه الفرح دى كان زمنا قضينا اسبوعين فى تركيا بدل الاقصر و اسوان
بس نقول ايه بقى فى مخ الستات

مخهم زيى العسل

المشاركة الأصلية كتبت بواسطة sameh_fouad

بلا فرح بلا كلام فاضى , انا الحمد لله اتجوزت وعملت كتب الكتاب فى مسجد الرحمن الرحيم فى صلاح سالم , حاجة ممتازة ونظيفة ومحترمة وفى نفس الوقت سعر غير مبالغ فية , وعلى الاقل الواحد مش هياخد زنوب ولا هيشيل ذنب حد

لكن اروح ادفع فوق ال 30 الف جنية , فى ساعتين ولا ثلاثة , دة ربنا يحاسبنى والله على التبذير دة

عين العقل و الله

اسمحلي ارد رد مباشر علي عنوان حضرتك للموضوع

من اسباب الطلاق السريه اللي الاغلب بيقولو "احنا مش طايقين بعض" وطبعا مش بيكون صحيح
<<<الخلافات الجنسية بين الزوجين>>>
سامحوني علي الصراحه بس انا اكيد من كلامي

المشاركة الأصلية كتبت بواسطة alshahba

اسمحلي ارد رد مباشر علي عنوان حضرتك للموضوع

من اسباب الطلاق السريه اللي الاغلب بيقولو "احنا مش طايقين بعض" وطبعا مش بيكون صحيح
<<<الخلافات الجنسية بين الزوجين>>>
سامحوني علي الصراحه بس انا اكيد من كلامي

تمام جدا
ما هو يمكن برضه من أثار الدعا اللى بيخدوه بسبب الدوشة
يمكن واحد دعا عليه و قاله روح يا شيخ ربنا ما يقوملك قومة ........ هوب و بس يا معلم

لان الطبيعى ان الواحد يدعيلهم و يقول : " بارك الله لكما و بارك عليكما و جمع بينكما فى خير "
شوف بقا هو و عروسته لما صحوا على الاقل 200 بنى ادم مفزوعين و يمكن الف و الله شوف بقى نوعية الدعا