محتاجة مساعدة لـ هيونداى اكسنت2002..؟

**Mona Samy** · 18-11-2013 10:20 PM

مساء الخير ..
المشكلة تتلخص فى الاتى .. انا وجاية اشغل عربيتى الصبح بدورها إشتغلت اقل من نص دقيقة ووقفت ..! قولت عادى الدنيا سقعة ومحتمل اخدت شوية برد قولت ادورها تانى حلفت متدور مع العلم عند التشغيل كل المؤشرات تحت العدادات بتنور احمر بس الماتور مش بيدور ..؟

مع العلم من شهر ونص وقفت برضو وجالى ميكانيكى وقالى بوجيهات فطلعها وحرقها ودخلها تانى مع ان مغيراها قبلها بعشر ايام بنوع الـ ngk المهم اشتغلت بعدها ,,

و البطارية جديدة ومكملتش 3 شهور ,,

اتصلت بمكانيكى وبصوت مرتفع كالعادة قالى دى كهربااااا ياهاااانم وغالبا مارش

نقطة جايز تفيد ان قبل الموال دا كلة لما وقفت منى وجالى ميكانيكى وحرق الوجيهات وقتها مع انها جديدة قالى ع فكرة ياهانم الكربراتير لازم يروح ويتظبط لان عربيتك بدخن اسود من ورا بكثافة وكمان اكيد بتهرب بنزين كتير وبالفعل كلامة صحيح (بحط بنزين 90 مش بتكمل اسبوع مع ان مشى محدود جدا ) قومت كالعادة مكبرة دماغى وأجلتها ..

ارجو الافادة مش عارفة العمل ايه دلوقتى ع قكرة انا بحب اعرف كل حاجة لان مش بحب حد يستغلنى وانتم عرفين النصبه كتير ويجعلو عامر ..
شكرا ولو امكن اى حد عندة خبرة يرسلى إيميل ياهو للمساعدة السريعة ولكم جزيل الشكر .. العربية موديل 2006 اكسنت .

**ahmedalaahosny** · 18-11-2013 11:14 PM

أعتقد إن المشكلة طبعاً في حرق الموتور عندك غير مظبوط خالص و الكربراتير شكله تعبان لإن الحرق غير مظبوط فطبيعي انه يكون كربون على البوجيه فكل اللي بيعمله انه بينضفه ويركبه بس !!!!
لكن لو الموتور تعبان ممكن يحصل تعريق زيت عليها يخليها تفصل بس ده مستبعد شوية بس عامة خلي الميكانيكي لما ييجي يفكهم يبص هل في تعريق زيت عليهم ولا لا وياريت ماتكبريش دماغك برده ف حاجة متعلقة بالكربراتير لانه مهم بالنسبه للعربية كلها
و إن شاء الله تطلع حاجة بسيطة والزملاء الأكثر دراية مني ف المواضيع دي ممكن كمان يفيدوكي أحسن مني.‎

**amr011111** · 18-11-2013 11:28 PM

هتلاقى المشكله الكربراتير ممكن يكون بك السلانسيه مسدود
روحى لمتخصص كربراتير

**Mona Samy** · 18-11-2013 11:42 PM

متشكرة خالص بس معنى كدة ان المشكلة الكبيرة فى الكربراتير ودى اثرت على البوجيهات معنى كدة ان لو طلعنا البوجيهات وتنضفت او حرقها تانى ومسحها كويس العربية هتدور تمام ..؟ ولا ؟؟؟

والدى سأل قالوله تصليح الكربراتير 150 ل200 وهغير حاجة اسمها اكس وحاجة تانية مش فاكرة اسمها الحقيقة ..؟

ايه رأيكم الافضل اننا نجيب كربراتير جديد استيراد ..؟؟ دا اقتراح صديقة حاشرة نفسها زى ى كدة ..؟

**mahmoud_ali** · 19-11-2013 01:58 AM

المشاكل دى بتواجه اى عربيه كربراتير لكن الفكره ان لو الميكانيكى كويس يبقى مش هتحتاجى تجيبى كربراتير جديد

**ahmedalaahosny** · 19-11-2013 01:02 PM

الموضوع مش مستاهل كربراتير جديد ضبطي القديم وطقم بوجيهات جديد وخليه يبص علي سلوك البوجيهات بالمرة وان شاء الله بسيطة

**ahmedalaahosny** · 19-11-2013 01:17 PM

يظهر ان انا كنت غلطان لان مشكلة اصلاح الكربراتير ان مافيش صنايعي بيعرف يرجعه للوضع الاصلي فبيضطر يعلي انه يعلي السلانسية عشان يتفادي اي مشكلة زي الرجة لما تشغل التكيف فالعربية هتستهلك بنزين اعلي وصوت العربية هيعلي جامد الافضل كربراتير استيراد ب 550 احسن لان معظم مواضيع اصلاح الكربراتير اكدت ان الافضل واحد جديد وده احد الاعضاء معاه اكسيل وصلح الكربراتير وماضبطش معاه http://www.nilemotors.net/Nile/74516-a.html

**Mona Samy** · 19-11-2013 06:27 PM

متشكرة خالص لك من ساهم بالرد لايجاد حل ..

مساء الخير انا جبت شاب صغير جارنا بس ذكى وفاهم قولت ليه تعرف تفك بوجيهات وكدة قالى هاتى مفتاح ياأبلة وانا افكلك الماتور نفسه ...هه ابتسمت قولت تب خير ,
وبالفعل فك وقولت ليه يعمل ايه من صنفرة وحرق ع البوتجاز وكدة والحمد الله تمت واشتغلت العربية.

وللعلم الوجيهات كان عليها كاربون او هباب كتير خالص ومش عارفة غرقانه او عرقانه زى مبتقولوا المهم زى مصديقة سألت زوجها وقالها خليها تعمل كذا وكذا عملت بالحرف دا وسعيدة انى نجحت لاول اصلاح لعربيتى ولا طلع مارش زى مالكهربائى النصاب قالى وكان هيعملو وهوا كويس ..

عامة ياريت تقولولى العربية بعد نضافة الوجيهات دى هتستحمل شوية وكدة ولا هتعملها تانى وع فكرة كمان مقتنعه بأن الكربراتير لازم يتغير بس اتأكدوا من الاسعار رجائى من اذنكم ولكم جزيل الشكر ..

**casper11eg** · 28-11-2013 08:24 AM

طبعا كده انتى معملتيش حاجه على فكره انتى عملتى زى اللى اخد مسكن ....عموما عشان تبقى عارفه ومش تتفاجئى هى كده هتعمل الحوار ده تانى وعلى فكره انتى قلتى ان البوجيهات مهببه اوكى كان عليها زيت ولا لأ......ومش لازم يكون الكربرتير بايظ يعنى هديكى مثال ممكن يكون الزرار اللى بيظبط نسبه غلط الهواء مع البنزين مش مظبوط وبالتالى عمليه الحرق مش مزبوطه والبتالى ظهور الهباب من الشكمان وكمان يهبب البوجيهات ....بلاش مسكنات الانتى بيوتك احسن :-)