الموضوع: تجربة شراء سيارة مستعملة 2

المشاركة الأصلية كتبت بواسطة hugan

1000مبروك
الستجيل غالي لاءن العربيه استيراد مش تجميع محلي
التجميع المحلي رسومه اقل

كلام معقول

المشاركة الأصلية كتبت بواسطة hugan

1000بس انت كنت ممكن تنزل 1000او 1500 بسبب دهان الجنب والكابوت

و دي أعملها إزاي السجل مفيهوش فحص فني؟؟؟

المشاركة الأصلية كتبت بواسطة hugan

1000بس زي الاخوه ماوضحوا
1850 رسوم تسجيل والعربيه فوق ال 60
كنت اشتريت فيرنا زيرو

زي مقلت قبل كده العربية لأختي و هي مصره على هاتشباك

المشاركة الأصلية كتبت بواسطة شريف

الف مبروك علي العربية

الله يبارك فالجميع
و عقبال كل واحد فيكم لما يركب العربية اللي بيحلم بيها...بس ميطلعش لفوق أوي برضه لحسن الغالي خبطته بتزعل

مع آخر فصل في التجربة و أسوءها..............المرور
الصراحة والدي اللي راح مش أنا عشان كان ورايا شغل
و اللي حصل كالآتي
العربية مرور طوسون و إحنا مرور أبيس
والدي قال ينقل أحسن عشان يبقى جمبنا
لكن فوجئ أن اللوح الجديدة متتنقلش من مرور لمرور بدل في نفس المحافظة (معلرفش الكلام ده فأسكندرية بس و لا كل المحافظات)
قال خلاص أرخص سنتين كمان على السنة اللي فيها عشان مفضلش رايح جي و المرور أساسا بعيد عني
أبويا كان واخد معاه مندوب المعرض عشان هو يتعامل
و بالفعل إداله اللي فيه النصيب و سابه يعيش
ساعتين و الرخصة جت

الله أمال مالك زعلان ليه مالموضوع حلاوة أهو
زعلان عشان هناك الرشوة عيني عينك و مفيش حاجة بتخلص غير بالمعرفة أو الرشوة
الحال فمرور أبيس أحسن شوية في رشاوي و معارف اه بس مش عيني عينك
والدي قالي لو كان ينفع أجدد عشر سنين كنت جددت و إستريحت
و يمكن نعمل تمثيلية فقد لوحات عشان ننقل مرور أبيس....الله المستعان
دعواتكم بالبركة

عايز اقولك برافوو عليك ، هو دا الكشف المظبوط ، مش صنايعي يقولي حلوةة يباشا ويلعب شوية في المكنة ويخبطلة بايدية علي السقف ! وفي الاخر ياخد 100 جنية وتبقي مقلق تروح لغيرة ياخد زييهم وتسمع نفس الكلمتين !
انت جبت من الاخررررررر ، التوكيل او مركز معتمد يديلك تقرير وياريت الناس كلها تعمل كدا بالذات لو العربية غالية