ياريس اتوماتيك و لا نيو اكسنت اتوماتيك

**mshanafi** · 17-09-2008 01:13 AM

مساء الجمال على كل الاعضاء........
-في البداية مش كل الياباني حلو ومش كل الكوري سئ ..........
-الياريس نفس سعر الاكسنت برة مصر. تقريباً 12000 $....
-فرق السعر في مصر ( 15000 ج) يقابلة 2 ايرباج و abs للياريس........ اعتقد مبالغ فيه
-انا عارف ان في مشكلة مع تقفيل غبور بس العربية استيراد كوري
-ياريت تفيدوني بخبرات عملية و كمان عن قطع الغيار و اعادة البيع.

**Eslam_A** · 17-09-2008 01:47 AM

الياريس افضل عشان توكيل محترم وعربية ياباني 100% اوسع شكلها احلي ( ازواق ) أمان اكتر قطع غيار اغلي من التانية بس قطع غيارها معمرة اكتر

مش هاتكلم عن الهيونداي عشان غبور باشا يستريح

**som3aa** · 17-09-2008 03:43 AM

الياريس افضل عشان توكيل محترم وعربية ياباني 100% اوسع شكلها احلي ( ازواق ) أمان اكتر قطع غيار اغلي من التانية بس قطع غيارها معمرة اكتر

ا رايى برده مع اعتراضى على يابانى 100% (انها ميزة يعنى) و قطع غيارها معمرة اكتر.
الصراحة انا مش شايف وجه مقارنة , الياريس احلى شكلا بكتير اوى و التابلوه الازرق جميل جدا و امان و خصوصا الABS مهم جدا و بجد كفاية الشكل.

**hazem_khidr** · 17-09-2008 05:14 AM

كنت في نفس المقارنه و انا بشتري
بس بين الياريس هاف اوبشن مانيوال
و النيو اكسنت فول اوبشن اتوماتيك!!!
و في الاخر جبت الياريس هاف اوبشن مانيوال رغم فقر الكماليات
بس معمره و اعتماديتها اعلي

**lordlato** · 17-09-2008 08:56 AM

طب الاوتوماتيك من الياريس فى أى مشاكل ؟؟؟ انا ساكن فى الزقازيق و البلد مليانة مطبات و الطرق المفتوحة فيها قليلة يعنى مفيش جرى بالغربية الا نادر و ممكن يا حازم باشا تعرفنا ايه الكماليات الى ناقصة فى الهاف اوبشن ؟؟؟

**Sharky** · 17-09-2008 10:27 AM

الإيرباج و الـABS فعلا ممكن يجيبوا الفرق دا
لإن الإيرباج الواحد تمنه تقريبا 5 الاف جنيه دا غير طبعا الجمارك على الإيرباج و الـ ABS

أنا راى الشخصى الياريس أفضل

المشاركة الأصلية كتبت بواسطة lordlato

طب الاوتوماتيك من الياريس فى أى مشاكل ؟؟؟ انا ساكن فى الزقازيق و البلد مليانة مطبات و الطرق المفتوحة فيها قليلة يعنى مفيش جرى بالغربية الا نادر و ممكن يا حازم باشا تعرفنا ايه الكماليات الى ناقصة فى الهاف اوبشن ؟؟؟

أنا عندى الأتوماتيك و ما فيهوش مشاكل نهائى

الكماليات الناقصة فى الهاف أوبشن :
1- سنتر لوك.
2- زجاج كهرباء.
3- مفتاح إيموبليزر بريموت.
4- سبويلر خلفى .
5-ABS لو مانيوال
6- مسند خلفى .

**mshanafi** · 17-09-2008 01:50 PM

طبعاً انا شايف ان الياريس افضل .... بس انا كنت بفكر استفيد بفارق السعر لو الفروقات طفيفة في الاداء و الاعتمادية........... من الاخر انا عاوز " ارخص عربية سيدان اتوماتيك يُعتمد عليها" ......

فين تجارب القيادة للنيو اكسنت ؟؟؟؟؟؟؟؟؟؟ هيه مش منتشرة ولا ايه ؟؟؟؟؟؟ ( معلش انا برة مصر و مشفتش الشوارع من فترة..... )

**mohaismail** · 17-09-2008 03:52 PM

الياريس احسن كفاية التوكيل

**Hassan Khalil** · 17-09-2008 04:24 PM

اذا كنت مستعد ان تتنازل عن بعض الكماليات و تجيب الياريس الهاف اوبشن .. او في مقدرتك زيادة الفلوس و تجيب الفل اوبشن ... هات الياريس
لو عايز كل حاجة في العربية و عايز توفر كام الف (فل اوبش و اوتوماتيك و كاملة مكملة و بالكاسيت الام بي 3 و اليو اس بي ( ماعدا المرايات ) و ب 87000 ) هات النيو اكسنت ... لكن حتتنازل عن بعض النعومة في صوت المحرك .. و بعض الراحة في العفشة .. مقابل اداء جيد للمحرك مع الفتيس الاوتوماتيك و تكييف محترم جدا .