جين 2 2013 - صوت تزييق

**GBadr** · 19-11-2013 10:47 AM

الاخوه الاعضاء

انا معايا جين 2013 ماشيه 5000. ظهر فيها صوت كده من فتره هوه صوت تزييق مع المطابات العاليه. المهم انا بتعامل مع عصام وصفا فهما افتكرو انها العيب بتاع الكرسي الورا وباب الشنطه وحط شكرتون علي المفصله وقلوا كده خلاص. الصوت فضل موجود رحت تاني برضوا افتكروا نفس الموضوع وعاملوها ومحصلش حاجه

انا سامع الصوت اصلا من قدام وحاسس انه من السوست او المساعد... حد قابل المشكله ديه او ممكن يفدني؟

وشكرا

**Motarjim** · 19-11-2013 11:02 AM

الصوت صادر من الخلف؟
بيظهر لما ترجع للوراء، ولا لما تطلع لقدام؟

**GBadr** · 19-11-2013 11:20 AM

الصوت من قدام على اغلب ظني لانه مش عالي ده صوت بسيط

انا مجربتش ورا بس هو بيطلع وانا معدي على مطباتز

**hamada6050** · 19-11-2013 12:20 PM

طب ماتشيك على العفشة ؟؟

**GBadr** · 19-11-2013 01:58 PM

هما لسه مربطين العفشه في صيانه ال 5000... انا مش عايز تروح تاني غير وانا عندي فكره عن الموضوع علشان هما مش مركزين غير في الكنبه وباب الشنطه

**marieneer** · 19-11-2013 06:28 PM

الصوت ده بييجى من المساعدين الأماميين عامل زى صوت زقزقه كده ونقر خفيف بيجى على السرعات الهاديه وفى الحفر والمطبات.ده معايا من زمان اغسل العفشه وبالأخص سوست المساعدين هيروح الصوت لفتره وبيرجع تانى.عامه ريح نفسك وشغل الراديو مش هتسمع الصوت.

**mido_soliman** · 19-11-2013 11:11 PM

اغسل العفشه ورشها باسبراي سيليكون او شحم ابيض وكله حيبقي تمام

**GBadr** · 19-11-2013 11:15 PM

انا متشكر على الردود. بس رأيكم اني اكبر واغسلها بس. ده انا لسه في اول الضمان

**D . a .\ AYMAN** · 20-11-2013 09:50 PM

المشاركة الأصلية كتبت بواسطة mido_soliman

اغسل العفشه ورشها باسبراي سيليكون او شحم ابيض وكله حيبقي تمام

+1

هما في التوكيل أو حتى في عصام صفا بيحاسبوك على علبة الشحم الأبيض دي بسبعين جنيه وبيقسمها على عربيتين كل عربية تحاسب على 35 جنيه

وأصلا بيجيب العلبة الصغيرة اللى بـ 15 ... ياخد فيها 35 جينه × 2 = 70 !!!!!!!!

العفشة المفروض كل صيانة تتربط وتتغسل وتتفضى عليها علبة كاملة من الصغيرة دي .. لكن البيه يا إما مش بيعملها أصلا يا إما بيرش شوية قد النملة عشان خايف العلبة تخلص

لما عمل معايا كدة كان هاين عليا أروح أتخانق معاه وآخد باقية العلبة منه ... وفي الآخر بيبقى مش عايزك تقف تتابع العربية وتطلع تقعد في الاستراحة عشان يعمل اللى هو عايزه

دا الراجل الفني لاقيته رايح يحط مية حنفية في رادياتير العربية ولولا لحته كان حطها ... بقوله أنا مش بحط فيها غير مية خضراء فقط .. زعل قوي وبيقولي إن بق مية من الحنفية مش هايعمل حاجة ... ناس شغالة بالبركة في توكيلات مصر كلها

ممكن ترشها انت في أي بنزينة نضيفة بس هاتله انت علبة الشحم الأبيض الاسبراي ده من عند أي حد بتاع اكسسوارات أو حتى لو لافيتها عنده هاتها من عنده وخلاص

**marieneer** · 20-11-2013 10:05 PM

المشاركة الأصلية كتبت بواسطة d . A .\ ayman

+1

هما في التوكيل أو حتى في عصام صفا بيحاسبوك على علبة الشحم الأبيض دي بسبعين جنيه وبيقسمها على عربيتين كل عربية تحاسب على 35 جنيه

وأصلا بيجيب العلبة الصغيرة اللى بـ 15 ... ياخد فيها 35 جينه × 2 = 70 !!!!!!!!

العفشة المفروض كل صيانة تتربط وتتغسل وتتفضى عليها علبة كاملة من الصغيرة دي .. لكن البيه يا إما مش بيعملها أصلا يا إما بيرش شوية قد النملة عشان خايف العلبة تخلص

لما عمل معايا كدة كان هاين عليا أروح أتخانق معاه وآخد باقية العلبة منه ... وفي الآخر بيبقى مش عايزك تقف تتابع العربية وتطلع تقعد في الاستراحة عشان يعمل اللى هو عايزه

دا الراجل الفني لاقيته رايح يحط مية حنفية في رادياتير العربية ولولا لحته كان حطها ... بقوله أنا مش بحط فيها غير مية خضراء فقط .. زعل قوي وبيقولي إن بق مية من الحنفية مش هايعمل حاجة ... ناس شغالة بالبركة في توكيلات مصر كلها

ممكن ترشها انت في أي بنزينة نضيفة بس هاتله انت علبة الشحم الأبيض الاسبراي ده من عند أي حد بتاع اكسسوارات أو حتى لو لافيتها عنده هاتها من عنده وخلاص

ممتاااااااااااز قوى الكلام ده وهى دى الخلاصه مع تزييق العفشه والأصوات اللى بنسمعها.وأنا بعمل كده فى عربيتى كل فتره بس بأييدى أنا.
أنا بقى عندى سؤااااال محيرنى وياريت ألاقى رد؟؟؟؟
هو ليه فى التوكيل أو عند عصام صفا بيقولولك اطلع فى الاستراحه؟؟بالرغم من انك وانت رايح الصيانه دايما عامل حسابك وعندك استعداد تنام تحت العربيه كمان وتعرف ايه اللى بيحصل.
يا ريت ردود وشكرا