الموضوع: رجة (ترتيلة) فى موتور النترا هتجننى

بعد السلام عليكم ورحمة الله انا بحب اشكركم جميعا لان لوفيه اى مشكلة الواحد فعلا بيسارع ويدخل على نايل موتورز بدل مايدوخ هنا وهناك من غير فايدة انا حضرتكم معايا النترا 2009 اوتو ماشية فوق ال 100000 كم والمشكلة هى كالاتى :-

أولا انا عندى رجة (ترتيلة ) فى الموتور روحت مركز صيانة والمهندس فحص العربية بالجهاز وقاللى ان الرجة بسبب الرشاشات وخلانى شوفت بنفسى وهو موصل الجهاز بالعربية وكان بيدى امر من الجهاز ان بيفصل رشاش رشاش والموتور عمل رجة جامدة فى كل رشاش كان بيفصلة بمعنى ان الرشاش شغال تمام ولما يفصلة فالطبيعى ان الموتور يعمل رجة بس لما كان بيفصل رشاش رقم 3 العربية ما كانتش بتحس بيه خالص وقاللى العيب فى رقم 3 راح حط الرشاشات كلها على جهاز تظيف وظبط الرشاشات بالكمبيوتر (الترا سونيك )ونضفهم كلهم وظبطهم بس بعد ما مشيت بالعربية وسخنت رجعت نفس الرجة تانى (وهى فعلا كدة من الاول ان العربية وهى باردة الموتور بيبقى شبه طبيعي بس لما تسحن يبدأ يظر المستخبي) فرجعت للمهندس تانى فقاللى ان اسيب العربية له يوم كامل عالشان يعرف العيب !!!!!!!!!!!!!!!!!!!!!!! لكن فيه حاجة مهمة هحكيها لحضراتكم بالتفصيل وهى :-
ان من فترة طويلة العربية كانت بترتل جامد جدااااااااااااا اكتر من الترتيلة الموجودة حاليا ولما روحت لميكانيكى بقى يجرب (موبينات البوجيهات) موبينة -موبينة لغاية لما اكتشف ان موبينة البوجيه( رقم 3 )هى اللى فيها المشكلة لان لما كان بيفصل الموبينات الاخرى واحدة واحدة كان الموتور بيهتز جامد ويحس بيها الا الموبينة (رقم 3 )الموتور ما كانش حاسس بيها خالص(نفس قصة الجهاز اللى حكيت لحضرتك عليها بس الاختلاف ان المرة دية الرشاش رقم 3 بدل الموبينة رقم 3 ) وفعلا شريت موبينة اصلية وركبتها وراحت الترتيلة الجامدة(وكله بقى تمام ) لكن فضل الموتور بيرتل بسيط زى الاول (نفس الترتيلة اللى كانت موجودة قبل تغيير البوبينة ) بمعنى ان الموتور من فترة كبيرة كان بيرتل بسيط جداااااا لكن بعد كدة بقى يرتل جامدا لكن مع تغيير الموبينة راحت الترتيلة الجامدة وفضلت الترتيلة البسيطة الاولى(مش عارف هل فيه علاقة بين الترتيلة الاولى والتريلة التانية ؟؟؟؟) علاقة ولا ايه الحكاية !!!!!
يارب الاقى عند حضراتكم التفسير الصحيح لأن لو مشيت ورا كلام الميكانيكية مش هخلص!!!!!!!!!!!!!( اسف ان بطول على حضرتك فى الشرح بس انا بحب اشرح بالتفصيل )
عاجز جدااااااااااااااااااااااا اااااااااا عن الشكررررررررررررررررررررر ررررررر

المشاركة الأصلية كتبت بواسطة msobhy

مش عارف ليه حاسس ان فيه حاجه مش مظبوطه فى الكلام
أولا لازم حضرتك تكون عارف الفرق بين ترتيل - وهزه
ترتيله يعنى عيب احتراق وقود
هزه يعنى الموتور مش متثبت
الموتور مش متثبت يعنى قواعد وما شابه
نيجى للترتيله
البنزين عندك مش بيتحرق صح
يبقى ايه السبب
يا أما البنزين مش بيروح بالكميه الصحيحه لغرفة الاحتراق (يبقى عيب رشاشات أو فلتر بنزين أو طرمبة بنزين * طرمبة البنزين بتبان على السرعات العاليه*)
يا أما شرارة الاحتراق مش مظبوطه (يبقى عندك الموبينه فيها فرده أو فردتين ضعاف - كابلات البوجيهات تعبت وعايزه تتغير - البوجيهات عايزه تتغير)

ممكن أضم رأى لرأيك .... انا شايف ان ده كلام من الآخر