عندى صيانة العشرين فقلت اسئل فى التوكيل قبل ما اروح فؤجت بانهم عيزين 900 جينة :facebowling: فقلت ليييييييييييييييه:11: فرد عليه حضرتك احنا هنغير زيت وفلتر زيت وفلتر هواء وبوجيهات فردتيت بس
فانا قررت اهرب منهم فى صيانة العشرين وهعمل عبيط فقلت اسئل بره لقيت غيار الزيت بالفتر توتال 10000 320جنيه وفلتر الهواء الاصلى 50جنيه وطقم بوجيه KNG الاصلى 2شامعة من االوكيل 70جنيه يعنى 320+50+70=440جنيه واطرح من 900 يعنى النص بالنص بالله عليكم حلال ده ولا حرام . ((:beated:ماذا تفعل اذ كمنت مكانى))
أنا لسه عاملها برة ... لوجان اوتوماتيك 2013، زيت ولف 5 لتر 337.5 بعد الخصم
فلتر زيت 45 ج
و غيرت تيل رمسا 125 ج
مصنعية تيل 25 ج
يبقي كله 532.5 ج ، و ماغيرتش فلتر هو ولا بوجيهات ... حرام اوي يتغيرو دلوقتي مش قبل 30000
السؤال هنا .. عايز في صيانة 25 ا ستعبط و اروح التوكيل اعمل الصيانة عادي ! يا تري ايه اللي هايحصل ؟
اعتقد بالنسبة للصيانة عادي لكن المشكلة في الضمان
يعني ممكن التوكيل يخرج العربية من الضمان في حالة عدم الصيانة مرة واحدة او مرتين مثلا
واعتقد ان المهم هو قطع الغيار في الصيانة وليس الزيت والفلتر لانك ممكن تعملهم بره او تجبيبهم للتوكيل وهو يركبهم وياخد مصنعيته بس
مش هيعملوها إلا لو الصيانة المدفوعة السابقة كانت معمولة عندهم.اقتباس:
المشاركة الأصلية كتبت بواسطة dark_smoky
اقتباس:
المشاركة الأصلية كتبت بواسطة egyzizo
حضرتك المعلومة دي اكيدة ؟؟؟ يعني لو حصل اي ظروف ومعمتش صيانة مرة في التوكيل ، يكون العقاب اخراجها من الضمان نهائيا ؟؟؟
يعني ابقه دافع في اي عربية 100 الف مثلا او اكتر . وعلشان خاطر صيانة يضيع عليه الضمان ؟؟
ارجو الافادة بمعلومات أكيده حتي تعم الفائدة للجميع .
الكلام ده مظبوط
لو عملت الصيانة بره تخرج بره الضمان
وده انا شايفه حقهم ...لماذا
لانه بيكون متابع حالة العربية اول باول ..ومتسجل عنده اى ملاحظات ....بخصوص العربية ...
تنا مثلا عملت حادثة وصلحتها داخل مركز معتمد ...واى حاجة تحصل فى ألعربية بعد كده بيكونوا مسئولين عنها ....بالرغم انى صرفت حوالى 10000 جنيه بس اى حاجة بتحصل فيها
برجع لهم
لسه الان بغير بلى العجل الامامى على حساب الضمان مع العلم انى بقالى سنتين شارى العربية موديل 2012
بالرغم انى دبرت الفلوس ده بطلوع الروح بس مش نادم
انى باعمل فى الوكيل
مع أتجربة اثبتت لى انى عاى حق
انا قربت علي صيانة الـ 20 الف
وسألت في فرع القطامية قالي حوالي 1150 جم
طبعا كلام فارغ :
(زيت + فلتر + بوجيهات + فلتر هواء او بنزين مش فاكر)
أنا حأعمل صيانة السنتين و لسه ماكملتش 9000 كيلو و حأروح لهم بيها و ربنا يستر
المعلومة الأكيدة كما يلى :اقتباس:
المشاركة الأصلية كتبت بواسطة عمر علاء
لو ما عملتش صيانة مدفوعة (صيانات العشرات) فى أى من فروع eim ، مش هتقدر تعمل الصيانة المجانية التالية (الخمسات) عندهم .. هيقولك روح اعملها عند اللى عملت عنه الصيانة المدفوعة ، أو هيقولك نعملها لك وتدفع تمنها (حوالى 150 جنيه أو يزيد قليلاً).
ده لأن فى الواقع الصيانة المدفوعة بيحملوا علي تكلفتها مصاريف الصيانة المجانية التالية لها .. فهو مش هيعمل لك حاجة انت مش دافع تمنها.
وكلمة "مجانية" دى كلمة دعائية بينما فى الواقع "الحسابة بتحسب".
المعلومة أكيدة بناءاً على تجربة شخصية.
----------------
أما بالنسبة للخروج من الضمان من عدمه ، فالمعلومة الأكيدة عندى بناءا على تجربة شخصية برضه ، ان حضرتك لو احتجت تغير حاجة فى الضمان (طارة ، دراع دركسيون ، بوابة مثلاً) .. فموظف الاستقبال هياخد منك دفتر الصيانات ويصور الصفحات المختوم فيها الصيانات المدفوعة منذ شراء العربية قبل أن يستطيع صرف القطعة من المخزن تحت بند الضمان.
أنا كان عندى عربية شاهين و الله شاهين و كنت بأروح بيها التوكيل اللى في غمرة لحد ما أتقفل هو والشركة المهم ان أنا كنت بأبقى خارج مطمن ليه لأن صنايعى بيشتغل في عربية واحدة و في جزء وااحد عارف أزاى يفك و أزاى يركب مهم كانت درجة أتقانه حيبقى أحسن من أحسن صنايعى شغال بره في كذا عربية و كذا موديل
لدرجة أن في مرة في التوكيل اللى في غمرة روحت أقسم بالله غيرت العفشة بالكامل سوست و مساعدين الأربع و سكاترا و مقصين و بارتين و غيرت الشدادين اللى ماسكين الكورونة و ظبط الزوايا كل ده في ساعتين
صحيح انى كنت بأراضى الميكانيكى اللى شغال فيها لكن ده لا يمنع ان الشغل ده كله يتعمل في ساعتين عند أي عفشجى بره و يطلع كويس جدا زى ما طلع كده أعتقد لأ المهم خلاصة الكلام التوكيل التوكيل التوكيل التوكيل بيب بيب التوكيل
خلاص انا قررت اروح التوكيل وادفع الصيانه وحسبي الله ونعم الوكيل فى التوكيل
هو ينفع اغير الزيت والفلتر بره التوكيل او اجيب الزيت والفلتر للتوكيل يركبه ؟؟
واعمل الكهرباء وقطع الغيار في التوكيل في صيانة العشرين ؟؟
ولا لازم كل حاجة تتعمل في التوكيل ؟؟
مع العلم إن ف توكيل نيسان ممكن تاخد الزيت والفلتر هما يركبوه مش لازم من عندهم يعني ؟؟
ارجو اللي عنده معلومه اكيده يفيدنا بيها .