لشراء شقة في التجمع - ابتدي منين؟؟؟

**abdoumahros** · 20-11-2013 01:11 PM

المشاركة الأصلية كتبت بواسطة joe_techno

الموضوع باختصار اني عندي شقة في عين شمس و حالف يمين طلاق من قبل متجوز اني مش هتجوز فيها و نفسي اسكن في منطقة هادية من اللي انا بشوفه كل يوم و بصراحة عاجباني التجمع و عايز ادور علي حاجة كويسة ياريت تفيدوني ابتدي منين ؟؟
انا امكانياتي من 200000 - 250000 (سعر شقتي في عين شمس) و ممكن اكمل اقساط هل ده مناسب و لا قليل علي التجمع؟؟

للاسف الشديد اسعار التجمع ولعت نار
انا من حوالي اسبوعين عملت دراسه علشان اشتري شقه لاختي
اسعار اسكان شباب مبارك ال 100 متر وصل سعرها كاش 370 الف موقعها حلو وخدماتها متوفره كلها والمواصلات قريبه منها
اسعار حي البنفسج والنرجس الشقه 165 متر ب 650 -700 الف كاش والمعروض قليل جدا
حي اللوتس اسعاره من 3800 - 4000 للمتر بس ده الاستلام بعد 18 شهر حتي 24 شهر
وبالتقسيط
الحمد لله اشتريت لها شقه في حي البنفسج باعجوبه طبعا كاش 600 الف علشان مساحتها 155 متر
انا بفكر اشتري لنفسي في مدينه الشروق سعر المتر هناك موقع مميز 2500 جنيه وبالتقسيط علي 3-4 سنوات
وبالتوفيق

**hamdy** · 20-11-2013 01:15 PM

بص هي الاسعار اترحكت شوية في القاهرة الجديدة مبدئيا سعر المتر مفيش حاجة اسمها الفين و وشوية كل تلاتة و انت طالع دا بالنسبة لاسعار شقق لاراضي القرعة في النرجس و البنفسج وابو الهول في القاهرة الجديدة
اما الشباب فمعلوماتي ان السعبن متر ام قسط 70 جنيه في الشهر بتبدي من 200000 وام 350 في الشهر بتبتدي من 18000 و ام قس طكبير ممكن تلاقي حاجات بتبتدي من 160000 الف والله اعلم

**kar!m** · 20-11-2013 02:17 PM

انت أفضل حاجة تشوف مشروع هيفتح بعد فترة .. تحط المقدم اللي معاك و تستنى 4 أو 5 سنين لحد ما يخلص.

**abdoumahros** · 20-11-2013 03:35 PM

المشاركة الأصلية كتبت بواسطة hamdy

بص هي الاسعار اترحكت شوية في القاهرة الجديدة مبدئيا سعر المتر مفيش حاجة اسمها الفين و وشوية كل تلاتة و انت طالع دا بالنسبة لاسعار شقق لاراضي القرعة في النرجس و البنفسج وابو الهول في القاهرة الجديدة
اما الشباب فمعلوماتي ان السعبن متر ام قسط 70 جنيه في الشهر بتبدي من 200000 وام 350 في الشهر بتبتدي من 18000 و ام قس طكبير ممكن تلاقي حاجات بتبتدي من 160000 الف والله اعلم

الاسعار دي كانت من حوالي سنه
اسكان الشباب 100 متر من 350 -370 الف وعليها اقساط اجماليها حوالي 7-12 الف
بس دول بيتسددوا شهريا في حدود 70-140 جنيه
والاختلاف بسبب انه كان يوجد اكتر من نظام تقسيط

**أبو آسر** · 20-11-2013 04:08 PM

المشاركة الأصلية كتبت بواسطة joe_techno

متشكر جدا بس انا العبور كنت حاببها في الاول بعدين قفلت منها واحد صاحبي عنده فيلا في الحي السادس اللي هو حي الفيلات حاجة كدة ملهاش معالم و الحي الاول بقي الصين الشعبية و فعلا انك تلاقي شقة كويسة ده حمادة و انك تبيع شقة ده حمادة تاني خالص