الموضوع: محتاج مساعدتكم فعلاً

أنا عضو جديد في المنتدي و بجد المنتدي ده تحفة و يا رب يكون الأفضل دائماً.
احنا بشتري عربية في حدود 200 ألف و مجتار أشتري ايه :
1. C180 Model 2002/03.
2.VW Jetta
3.Octavia A5
4. Golf 5

بس المشكلة ان الحاج بيهمو الشكل و انها تكون اوتوماتيك و تكييف و طبعا تكون العربية مريحة و التوكيل كويس لأن احنا لسه بايعين 307 بسبب التوكيل.

بالنسبة لي أنا أفضل الجولف 5 و لو ان لي تعليق عليها أنا روحت اتفرجت عليها في مصرية امبارح بس المفروض كانوا ينزلوها مصر بجنوط متقلش عن 16 و فتحة سقف و multi-function steering wheel بس عموما هي عربية تحفة بس المشكلة انها هاتشباك و طبعا مش هتمشي مع الحاج و مش عارف اقنعه.

فياريت تساعدوني و تقولولي رأيكم ايه.