تسخين الالنترا قبل ما تمشي بيها

**KamalShawqi** · 19-11-2013 04:54 PM

السلام عليكم،،،

انا متعود اتخرك بالعربية بعد ما لمبة الزيت تطفي، الانترا ٢٠١١ ما بتاهدش ثانية واللمبة تطفي، والصيح بدري في الشتا بتاخد ثانيتين او تلاتة بالكتير وتطفي

لكن في النيسان تيدا ٢٠٠٩ كانت اللمبة ممكن فعلا تاخد دقيقة بحالها علي ما تطفي

وانا قريت مقالات على ان الكلام ده صح وتقدر تمشي بالعربية بعد اللمبة ما تطفي، زي المقالة دي مثلا:

هل يهم تسخين السيارة قبل قيادتها مع الجواب المقنع والدليل - تمت الإجابة عنه - Google إجابات

لكن واحد صحبي (بيسوق من عشر سنين وكان معاه النترا الجديدة والقديمة والاكسنت وفيات واوبل وكل اللي انت عاوزه جابه)، اول ما شافني طلعت بالعربية كلمني كأني عملت جريمة في حق الموتور وان لازم استني حتى ١٠ دقايق قبل ما اتحرك

حيرني لأنه فاهم في العربيات، ايه رأيكوا؟؟؟

**Silent~Dream** · 19-11-2013 05:19 PM

10 دقايق ده مع احترامى اسمه تهريج حضرتك شوف الكتالوج بيقول فيه تسخين ولا تمشى على طول ولو هتسخن يبقى قد ايه و امشى على كلامه بالضبط لا اكثر ولا اقل و لو مش معاك الكتالوج استنى من 30 ثانيه الى دقيقه لحد ما تظبط قعدتك و تمسح تراب لو فيه على الدركسيون و تربط حزام الامان و تتوكل على الله

**Hunting_Eagle** · 19-11-2013 06:04 PM

المفروض انك تنتظر حوالي 30 ثانية لحد ما الزيت يبدأ ياخد دورته جوه الموتور و بعدها تتحرك بالعربية بسرعة متوسطة لحد ما العربية تسخن .. اساسا كده العربية هتسخن معاك بسرعة اكتر من لو سخنتها وانت واقف

كتالوجات عربيات كتير بتقول نفس الكلام .. مش كده وبس دي بتحذر من التسخين المفرط فيه

**mk3** · 19-11-2013 06:57 PM

كنت الاول بستنى اما الامبير يتحرك حوالى 5 دقائق لكن دلوقتى 1 الى 2 دقيقه وبتحرك على سلانسيه واطى وبنقل بدرى بجيب الرابع على 40 مفيش 5 دقائق والعربيه بتسخن

**hossamalsadik** · 19-11-2013 07:49 PM

أنتظر وسخن من 2 الى 3 دقائق
لأن فى الفتره ديه الزيت بيكون وصل لجميع أجزاء الماتور ورتفعت درجة حرارته نسبيا مما يساعد على اداء افضل لحركة ولزوجة الزيت داخل اجزاء الماتور وبالتالى المحافظه على التقليل من التاكل داخل الماتور مع اعطاء اداء افضل لتسارع الماتور

**mahmoud_afifi** · 19-11-2013 10:04 PM

بقعد من 3-5 دقايق ولما بكون مستعجل بستنى دقيقه وبعدين اتحرك هادي ولما العربيه بتسخن بقرص عليها.

**hugan** · 19-11-2013 10:10 PM

عربيه جديده قديمه
ب مليون جنيه او بربع جنيه
اقل واجب دقيقتين تسخين

-

-

الموضوع: تسخين الالنترا قبل ما تمشي بيها

LinkBack

أدوات الموضوع

عرض

-

-

-

-

المواضيع المتشابهه

بيسه مش راضيه تمشي

هيا البازوكا تمشي مع الفلونس

تسخين العربية قبل ما اطلع بيها

سيارة تمشي بالماء

عربية تمشي من غير بنزين

الكلمات الدلالية لهذا الموضوع

المفضلات

المفضلات

ضوابط المشاركة