عايز ستائر كبس للفيكترا ومش لاقى , حد يعرف الاقى فين؟؟!!
عرض للطباعة
عايز ستائر كبس للفيكترا ومش لاقى , حد يعرف الاقى فين؟؟!!
دورت في التوفيقية؟؟
هناك عموماً في ستائر كبس لمعظم انواع السيارات
ولو مش موجودة ممكن تطلب طلب مخصوص من
البائع ويعملهالك.
انا سألت فى شارع دمشق وسألت فى الماركت بتاع بنزينة موبيل اللى فى شارع الطيران اللى فييها توكيل منصور قالو انها بتنزل جاهزة ومفيش منها للفكترا
هي بتنزل جاهزة فعلاً لكتير من ماركات السيارات
بس بتتصنع هنا في مصر لاني "سمعت" انك لو
مش لاقي لعربيتك ممكن تعمل طقم تفصيل.
عموماً لو انت نازل التوفيقية او تعرف حد نازل خلية
يشوف لك نظام التفصيل عند البياعين.
دور في قسم الاكسسوارات هتلاقي موضوع عن الستائر
الكبس للاستاذ اسلام شاهين.
وانا كمان معاك يا احمد. اصل انا نفسي اركب ستاير اوي خصوصا ورا. بس الستائر الكبس ديه ما بتحتاجشي تخريم صح. لأني ما بحبش اخرم في العربية خاااااااالص
شوف لو لاقيت حاجة كويسة بلغني وننزل نركبهم سوا ان شاء الله
اشوف اشال على حوار التفصيل دة وربنا يسهل .. شكرا
تخريم ميين !!!! لا من الناحية دى اطمن انا اخر واحد ممكن تتكلم فى الموضوع دة معايا , دا ان لاقيت الشماسة الى بتتفرد على الزجاج الخلفى فى منها بتتثبت بلزق دوبل فيس مرضيتش اجيبها علشان اللزق ميوسخش مكانة لو شيلتها :) ويوم مبغير سماعات يجب نفس مقاس اللى فى العربية علشان اشيل واحط من غير اى حوارات ولا تخريم ...اقتباس:
وانا كمان معاك يا احمد. اصل انا نفسي اركب ستاير اوي خصوصا ورا. بس الستائر الكبس ديه ما بتحتاجشي تخريم صح. لأني ما بحبش اخرم في العربية خاااااااالص
شوف لو لاقيت حاجة كويسة بلغني وننزل نركبهم سوا ان شاء الله
هي فعلاً مش بتحتاج تخريم ولا اي حاجة للتركيب.
بس لو عندك لمبة استوب على الزجاج الخلفي لازم
تعدي الستارة من امامها.
انا فعلا عندي لمبة استوب ورا على الزجاج تحت. كويس اوي يا نادوور انك لفت نظرنا للموضوع ده
وده رابط موضوع استاذ اسلام شاهين
الستائر الجديدة للاسنر
ابن خالي كان شاريها للفيرنا..
و الفيرنا في منها فها ستوب خلفي..
و بيتعمل حسابها وهو بيفصل الستارة..
انه بيعمل السلك بتاع الفريم علي شكل الفانوس و بتعدي من فوقيه..
عادي خالص.. مفيهاش مشاكل.. طالما كده كده هتتفصل..
shkly kda h3mlha m3ako
3rfony eah el-a7'bar
wanna kamman m3ako
ممكن تعملها عند اي سروجي محترم
بياخد مقاسات الزجاج بتاعك و يعملهالك
شوفوا يا جماعه الخير..
ابن خالي كان شاريهم من سبير كار.. و كان في موجود منها لماركات كتير..
ادي لينك للسايت بتاعهم.. و فيه ارقام تليفونات كمان
ممكن تتصلوا بيهم تسألوهم موجوده ولا لأ..
ولو مش موجوده دول ممكن يفصلوها مخصوص..
عشان بتتعمل في المصنع بتاعهم..
http://www.sparecar.net/
اي خدعة يا رجالة.. :)
طب و ايه نظامها مع المرور يا جماعة
المهم بس تاخدوا بالكم من لمبة الاستوب اللي على
الزجاج الخلفي وانتوا بتفصلوا علشان تبقى مظبوطة.
بالنسبة للستارتين بتوع زجاج الاجناب الخلفي فدول مفيش
فيهم مشكلة ان شاء الله.
انا اتصلت ب سبير كار وللاسفمافيش عندهم ستائر كبس للفيكترا
سألته على امكانية التفصيل قاللي ان حتى الاسطمبة اللي بيفصل عليها مش موجودة
مش عارف بصراحة ايه الحل
ممممم
بيتهيألي مفيش غير الحرفيين بقي..
بس للأسف ماعرفش حد هناك سروجي نضيف..
ممكن تسأل ف قسم التعديل.. الناس هناك حافظين الحرفيين و الصنايعيه الجامدين اللي هناك..
انا سألت على التفصيل قالولى المصنع فى الاسكندرية ! جبت الستارة اللى بتتشد على الزجاج الخلفى وليها عامودين يمسكوها وشكلة هرميها هتبوظ فرش القف
لو ملفتش الستاير شكلى كدة هغير الفامية وخلاص لأن الفامية عندى بقالو سنين باظ من الشمس مبقاش فامية