شكرًا ياباشا بس انا متدين وهي عرفه كده وعرفه ان انا مش بتاع الوهمي حقيقي بس مفيد سيستم تاني اقوي
عرض للطباعة
بالنسبه لشنطه الهدوم اللي مترتبه وجاهزه للرحيل
اختبار ومن اول مره ومالوش تاني
لو مشيت وبدون سبب او مشكله تافهه
وحنيت وجريت وراها علي بيت ابوها تصالحها
يبقي احب اهتيك واقولك انسي
ببساطة ياباشا لازم تبقى عارف هيا اية المشكلة عشان تعرف تحلها
المشكلة على وصفك ان الزوجة عاطفية جدا او رومانسية بشكل مبالغ
وفى الحالة دى بتبقى الزوجة هيا محور احداث نفسها وفى نفس الوقت بتتوقع انها تكون محور احداث حياتك كلها
فبدل ما تحاول التاقلم والتعايش على الوضع دة
بتخلق لها تهديدات خارجية ومخاطر وهمية
فبدل ما تبقى مستنية منك انك تقيد صوابعك العشرة شمع ليها
هيا اللى هتقيد صوابعها العشرة شمع ليك
وبالتالى الحالة الاول اللى هيا الذاتية فى التفكير هتختفى
يا عزيزى
المراة هى المراة فى كل الازمنة
مهما كان مستواها الثقافى او التعليمى او الاجتماعى
الكلام ة كلة عن خبرة وممارسة مش كلام كتب يعنى
يا صديقي ...... أسمحلي اشارك معك بتجربتي .......بعد خبرة 16 سنة جواز من اهم نقط او شروط ليلة الدخلة بعد ما صلينا ركعتين قلتلها انا اهلك وحبيبك وجوزك هكون جنبك واخلي بالي منك وارعاكي ومش هظلمك علشان انتي عارفة انا بحبك قد اية وبعدين قلتلها وبمنتهي الجدية وانا باصص في عينيها البيت ده بيتك انتي مهما يحصل من مشاكل او خلافات من اي شكل ونوع اوعي تسيبي البيت ولو لازم حد يخرج يبقي انا اللي اخرج لغاية ما نهدي ونتفاهم والاهم ركزي معايا لو خرجتي مش هترجعيه تاني ....خلصت.
عملت كدة علشان بحبها قوي لكن برضو بحب كرامتي وعلشان اتخلص من اول يوم من اي تدخل في بيتي من اي نوع من العيلتين وعلشان نقفل بابنا ونعيش بما يرضي الله وعلشان تتأكد انها خلاص بقت صاحبة بيت ومش محتاجة من اهلها غير صلة الرحم ويدعولها بالخير ومتفكرش تستقوي بيهم وتجري عليهم لما تحس بالضعف او لما تعمل غلط يعني اولا اديتها الامان قولا من اول يوم وفعلا مع العشرة والمواقف اللي بنمر بيها في حياتنا ولله الحمد قد كان.... لدرجة انها وهي حامل كنت بتحايل عليها تبات عند اهلها علشان احيانا بضطر اشتغل شفت ليل ولا كانت بترضي وكانت تسهر معايا علي التليفون ولما اروح نفطر سوا وننام زي ما تكون كانت شغالة معايا.....علشان تعرفوا بحبها قد اية (:
انا مش بقول ان الوقت فات بالنسبة لك ....بالعكس انت محتاج وقفة لكن قبلها تبدء بالثقة والتواصل الصريح انتم الاتنين عليكم مسؤولية انت بأنك تغنيها عن المرواح لأهلها وتعرف منها هي ليه بتروح مثلا عايزة تشتكي منك ؟ طيب خليها تجرب تشكيلك انت حتي لو منك يمكن انت محتاج تفسر ......ولا يمكن عايزة حد يسمعلها ؟ حاورها واتناقشوا وخالفها وبعدين راضيها ....... ويمكن عايزه تحس انها غالية عندك ؟ قدرها وهاديها من وقت للتاني بحاجة بتحبها هي حتي ولو قطعة شوكولاته يا أخي...... وشورها في امورك علشان تحسسها بأهميتها في حياتك علمها حاجة انت بتحبها زي هواية او اكلة واتعلم منها بالعكس شاركها الوقت اللي هي بتحبة زي مسلسل ولا فيلم ولا طبيخ وروح معاها عند اهلها رجلك علي رجلها زيارة خفيفة تروحو وتمشو مع بعض وسلامو عليكم متحسسهاش ان الزيارة تقيلة علي قلبك حتي لو كان (:..... واشركها في وقتك واحكيلها عن يومك حتي ولو باختصار ....وبعدين لما تعمل كل دة لازم نقطة ومن اول السطر واستمتع بحياتك في بيتك مع انسانة انت مش هتتخيل تعيش من غيرها....متنساش انت خلاص اخترتها شريكة لحياتك و في بداية الموضوع انت اللي اشتكيت يعني من طرف واحد .....دلوقتي بعد المكتوب انت محتاج تحط نفسك مكانها ......يمكن تعذرها !!!!.....ربنا يهدي سركم ويراضيكم بالخير.......تحياتي من مكة (:
........تحياتي من مكة (:
بالعكس ها تقعد مرتاح البال
ومستمتع بحياتك بدون ازعاج
لكن لكن
الست اللي متعدوه علي الغضب وترك البيت لاءي مشكله
لازم تتروض وتتعاقب لعدم التكرار
لاء ن اول معول في هدم البيوت وخرابها
ترك بيت الزوجيه
لاءن ممهما حصل مهما حصل بين الزوجين ماينفعش الست تسيب بيت جوزها لاءي سبب
بعد 15 سنه زواج
لما كانت تحصل مشكله بينا
وفي قمه غضبي اقولها سيبي البيت وامشي
الكلام ده ايام كان الطيش والشباب
كانت تقولي البيت بيتي وبيت ولادي
عايز تمشي انت امشي
انا مش ممكن اسيب بيتي وبيت ولادي
بصراحه الموضوع شيق وانا حابب استفيد من تجارب وخبرات الاعضاء
شكرًا اخي الفاضل لوقتك الذي شاركت به وتجربتك التي قمت بسردها ونصيحتك التي قدمتها ولكني كما ذكرت ان المشكلة تكمن في انك تتعامل مع عقليه طفوليه غير ناضجة وغير مستشعره لمسؤليه بيت وزوج وأطفال في مراحل تعليمية فمن الصعب ان تواصل في العطاء وانت مدرك ان الذي أمامك لا يتغير ويفكر في نفسه فقط