الموضوع: علاقه الزوج بزوجته ومشكلات الحياه اليوميه

المشاركة الأصلية كتبت بواسطة zarif

عادى ياباشا فهمت قصدك

على العموم هو الموضوع بسيط
وهجاوبك من خبرة 9 سنين جواز

هتستخدم خطة روميل ثعلب الصحراء فى حرب العلمين
1 - اخلق جيوش وهمية
2 - شتت العدو

تحصل على انسحاب امن وناعم
......................
وصلت ياباشا ولا افصصلك الخطة واقولك على الاستراتيجية

شكرًا ياباشا بس انا متدين وهي عرفه كده وعرفه ان انا مش بتاع الوهمي حقيقي بس مفيش سيستم تاني اقوي

المشاركة الأصلية كتبت بواسطة amrelsaqqa

طب ما تقوللها بحبك وتشتري دماغك ههههههههههه

لا بجد طب لو بتقوللها لا ، ليه ما فكرتش ليه مش بتحبها ؟ انت شايف ان كدة عادى ومش مستاهل حتى تفكر مش بتحبها ليه ؟ ، ماهو انت كدة اللى عندك مشكلة مش هى !
وبعدين ايه المشكلة لما كل شوية تقوللك بتحبنى ولا لا ، وتكون بتحبها وتقوللها اه حتى لو سألتك 200 مرة في اليوم

مش احسن ما تبقى نكدية على طول الوقت

يا باشا ان مش قصدي ان هي ديه المشكلة الوحيده ان بدي مثل لعقل المراه ال بتكبر اصغر شيء تافه لحد ميكون جبل لا تستطيع حمله وتتخنق منها

المشاركة الأصلية كتبت بواسطة hugan

بالنسبه لشنطه الهدوم اللي مترتبه وجاهزه للرحيل
اختبار ومن اول مره ومالوش تاني
لو مشيت وبدون سبب او مشكله تافهه
وحنيت وجريت وراها علي بيت ابوها تصالحها
يبقي احب اهتيك واقولك انسي

ايو كده ياباشا خش عليه وسمعني كلامك
اطمأن ان شارب برييل ومجمد قلبي وعلطول بكسر القله بعد مالباب بيتقفل
المهم بعد كده
هفضل أعد النجوم فالبيت ول ايه

يا صديقي ...... أسمحلي اشارك معك بتجربتي .......بعد خبرة 16 سنة جواز من اهم نقط او شروط ليلة الدخلة بعد ما صلينا ركعتين قلتلها انا اهلك وحبيبك وجوزك هكون جنبك واخلي بالي منك وارعاكي ومش هظلمك علشان انتي عارفة انا بحبك قد اية وبعدين قلتلها وبمنتهي الجدية وانا باصص في عينيها البيت ده بيتك انتي مهما يحصل من مشاكل او خلافات من اي شكل ونوع اوعي تسيبي البيت ولو لازم حد يخرج يبقي انا اللي اخرج لغاية ما نهدي ونتفاهم والاهم ركزي معايا لو خرجتي مش هترجعيه تاني ....خلصت.
عملت كدة علشان بحبها قوي لكن برضو بحب كرامتي وعلشان اتخلص من اول يوم من اي تدخل في بيتي من اي نوع من العيلتين وعلشان نقفل بابنا ونعيش بما يرضي الله وعلشان تتأكد انها خلاص بقت صاحبة بيت ومش محتاجة من اهلها غير صلة الرحم ويدعولها بالخير ومتفكرش تستقوي بيهم وتجري عليهم لما تحس بالضعف او لما تعمل غلط يعني اولا اديتها الامان قولا من اول يوم وفعلا مع العشرة والمواقف اللي بنمر بيها في حياتنا ولله الحمد قد كان.... لدرجة انها وهي حامل كنت بتحايل عليها تبات عند اهلها علشان احيانا بضطر اشتغل شفت ليل ولا كانت بترضي وكانت تسهر معايا علي التليفون ولما اروح نفطر سوا وننام زي ما تكون كانت شغالة معايا.....علشان تعرفوا بحبها قد اية (:
انا مش بقول ان الوقت فات بالنسبة لك ....بالعكس انت محتاج وقفة لكن قبلها تبدء بالثقة والتواصل الصريح انتم الاتنين عليكم مسؤولية انت بأنك تغنيها عن المرواح لأهلها وتعرف منها هي ليه بتروح مثلا عايزة تشتكي منك ؟ طيب خليها تجرب تشكيلك انت حتي لو منك يمكن انت محتاج تفسر ......ولا يمكن عايزة حد يسمعلها ؟ حاورها واتناقشوا وخالفها وبعدين راضيها ....... ويمكن عايزه تحس انها غالية عندك ؟ قدرها وهاديها من وقت للتاني بحاجة بتحبها هي حتي ولو قطعة شوكولاته يا أخي...... وشورها في امورك علشان تحسسها بأهميتها في حياتك علمها حاجة انت بتحبها زي هواية او اكلة واتعلم منها بالعكس شاركها الوقت اللي هي بتحبة زي مسلسل ولا فيلم ولا طبيخ وروح معاها عند اهلها رجلك علي رجلها زيارة خفيفة تروحو وتمشو مع بعض وسلامو عليكم متحسسهاش ان الزيارة تقيلة علي قلبك حتي لو كان (:..... واشركها في وقتك واحكيلها عن يومك حتي ولو باختصار ....وبعدين لما تعمل كل دة لازم نقطة ومن اول السطر واستمتع بحياتك في بيتك مع انسانة انت مش هتتخيل تعيش من غيرها....متنساش انت خلاص اخترتها شريكة لحياتك و في بداية الموضوع انت اللي اشتكيت يعني من طرف واحد .....دلوقتي بعد المكتوب انت محتاج تحط نفسك مكانها ......يمكن تعذرها !!!!.....ربنا يهدي سركم ويراضيكم بالخير.......تحياتي من مكة (:

........تحياتي من مكة (: