مساء الخير
أأتمنى الاقى حد يدلنى .... فين لالقى الجنط ده 15 للانوس ؟
http://img818.imageshack.us/img818/8751/expn.jpg
عرض للطباعة
مساء الخير
أأتمنى الاقى حد يدلنى .... فين لالقى الجنط ده 15 للانوس ؟
http://img818.imageshack.us/img818/8751/expn.jpg
دي جنوط تويوتا ياريس 15...نفسي اركبهم أوي بس مش عارف يركبوا علي اللانوس ولا لا
عموما هتلاقيهم في الحرفيين بس أعتقد هتلاقي سعرهم عالي عشان ياباني...أعلي من الجديد الأسبور
بس أحسن حاجة فيهم إن الأوفست بتاعهم مظبوط هتلاقيه 49 يعني زي الأصلي فبالتالي غالبا مش هيحك في شفة الرفرف بس هيدي ثبات أقل من الأسبور العادي لأن الأسبور العادي بيكون خارج لبرا أكتر
المفروض إنهم 4*100 بس بردو خلي بالك لازم تتاكد من حاجة مهمة
لازم تتاكد إنهم يركبوا في اللانوس قبل ما تشتري لحسن يحكوا في حاجة وخصوصا قدام
لازم تتاكد انه لما يركبلهم كاوتش 195/50 (الصح) او 205/50 (الأعرض بس مش مقاس أصلي) ميحكش في المساعد جوا (بس أعتقد مش هيحك)
والله أعلم
إسال في الحرفيين...بس عادي لما تيجي تسأل ويبصولك بقرف ويقلولك لانوس ايه يا باشا دول ياباني دول حاجة تانية خالص ميركبوش طبعا
هم نظريا يركبوا لأنهم نفس مقاسات الصرة ولكن العبرة بالتجربة عشان ميحكوش في الكالبرات ولا المساعدين ولا الكارتيرات لأنك هتركب كاوتش عريض علي جنط الأوفست بتاعه اعلي من الأسبور بس في إعتقادي الفرق مش كبير
الجنوط الإسبور فيه غير الصيني أندونيسي وتايواني بيبدأ من 1700 تقريبا وشغالين تمام بس أكيد مش زي الياباني الأصلي
ممكن تسمع أرقام غريبة زي 3000 جنيه بس روح بنفسك وإتأكد