عرض للطباعة
الموضوع ده تعبنى , لما السرعه تعدى ال90 احس بغربله و رجه جامده , رصصت و بعد كده جنط العربيه و طبعا رصص الجنوط و المشكله هى هى, بصيت ع العفشه و جلب المقصات لاقيت كله تمام بس لاحظت بعد ما سوجرت الدريكسيون ان فيه تكه بسيطه فى الاسكاتره مع العلم انها متغيره من سنه ونصف بس صينى, فهل ممكن انه يكون السبب فى الاسكاتره وانها تخلى العربيه تغربل كده؟
اقتباس:
المشاركة الأصلية كتبت بواسطة tito79
كويس جدا ان الاسكترا الصينى تعيش سنة ونصف دا بكد تدخل بيها موسوعة جينز....
الاسكترا الصينى زى عدمها وهى ممكن تعمل الغربلة دى ما دمت رصصت وبصيت على جلد المقصات وكله تمام يبقى اتوكل على الله واشترى اسكترا استيراد اصلى وخلى عفشجى يكشفلك عليها قبل التركيب ....*
الغربلة مالهاش علاقة بالأسكترا دى بتبقى عيب فى الجنوط او الكاوتش ولو الكاوتش والجنوط كويسين ممكن تكون فى رولمانبلى او صرة العجل او كوبلن داخلى مبوش او أكس معووج !!
الغربلة بعد 90 اول حاجة تشك فيها الجنط عندك وحالة الترصيص بتاعته وكمان بما انك بتقول العفشة مظبوطة ماعدا علبة الدريكسيون يبقى غيرها بالمرة ورصص واظبط زوايا بعدها ومن اعراض تلف علبة الدريكسيون انك فى اى طريق مكسر مش هتعرف تتحكم فالعربية وهتلاقيها بتحدف منك يمين وشمال
هو انا كنت شيكت على العفشه بانى سوجرت الدريكسيون بعد ما رفعت العربيه جنب جنب وحضنت العجله كويس و تملكتها وحركتها يمين وشمال حسيت بتكه بسيطه فى الاسكاترا فى الناحيتين, من هنا شكيت فيها, و بعدين انا لسه مغير كبالن بنفسى وحضراتكم عارفين ان الكبلن هوهو الأكس اللى بيركب فى البليه, والبليتين انا مغيرهم من 6 شهور وجلب المقصين زى الفل , وجايب فردتين كاوتش جداد من شهر مع 4 جنوط سبور مترصصين, أصبح استنتاجى ان بعد ما تعدى سرعة ال90 بيحصل خلخله فى جزيئات الهواء نتيجه اختراق اى جسم للهواء بسرعه عاليه ومن الأجسام دى العجلتين الأمامى للعربيه ولما يكون الحاجه اللى ماسكه العجلتين دول(الاسكاترا) مبوشه يبقى لازم تروح وتيجى فى نطاق بسيط جدا(البوش او التكه اللى انا حسيتها) نتيجة اختراقها لجزيئات الهواء بسرعه عاليه, وعلى فكره انا بقول الكلام ده مش فلسفه ولكن لأسباب أولها انا انا بفكر مع حضراتكم بصوت عالى واستفيد منكم, وكمان عشان عك الصنايعيه اللى كله هبل , واخيرا الكلام ده انا درسته عندنا فى الطيران, لذلك انا من رأى الأستاذ صبحى انا السبب من الاسكاترا و مستنى رأى حضراتكم برده فى الكلام ده
طيب ممكن تجيب الرابع والعربية واقفة ومش دايرة وتطلع العربية لقدام ولورا وتشوف صوت الكبالن فى طقطة ولا لا وممكن تبص على جلب المقصات برده ممكن تعمل الرعشة دىاقتباس:
المشاركة الأصلية كتبت بواسطة tito79
اخبار الكبالن الداخلى وصلايبهم ايه
لو الغربله بتيجى مع تزويد البنزين وتقل لما تسيب الدواسه يبقى احتمال كبير الكبالن الداخلى
كلامك مظبوط وعلشان كده قلتله يعمل حركة انه يجيب الغيار على الرابع ويشوفاقتباس:
المشاركة الأصلية كتبت بواسطة awaad8760
هى الرجه بتيجى متعلقه بالسرعه وليس الكبالن انا اخدت بالى من الموضوع اللى حضرتك بتتكلم فيهاقتباس:
المشاركة الأصلية كتبت بواسطة awaad8760
انا لسه مغير الكبالن وجبتهم استعمال من عزبة شلبى بصراحه كان فيه بوش فى الكبالن القديمه ملقيتش الموضوع ده بعد ما ركبتهم بس فيهم طقطقه لما اكسر العربيه قوى؟ كسلت احلهم تانى وارجعهم بصراحه قلت ياخدوا وقتهم وابقى اغيرهم بس برده لا اعتقد ان الرجه دى منهم وخصوصا ان مافهمش بوشاقتباس:
المشاركة الأصلية كتبت بواسطة المنسي
يبقى كده بنسبة كبيرة من صليبة الكوبلن نفسها وده فى حالة ان جلب المقصات سليمةاقتباس:
المشاركة الأصلية كتبت بواسطة tito79
فى الحاله دى, هحترم نفسى ويبقى سقفى فى السرعه 90 لأنى الشهرده العربيه نفضتنى وان شاء الله هغير طقم الكبالن داخلى و خارجى واجيبهم استعمال (استيراد)اقتباس:
المشاركة الأصلية كتبت بواسطة المنسي
طالما مركب جنوط اسبور يبقى اكشف على الرينجات بتاعت الجنوط ولو تمام يبقى رصص عند حد تانى وهات الجنوط اللى قدام ورا وجرب ..
لكن لو العيب فى صليبة الكردان كنت هتلاقى الرجة مع الجر على السرعات البطيئة اقل من 40 كم وتختفى مع السرعة .
فى حاجة مهمة جداً كمان لازم تكشف عليها : فيه كتلة حديد راكبه زى التقيل فى عمود الكردان الايمن لو دى اتشالت او اتفكت شوية تعمل رجرجة وقلق جامد ....