الموضوع: مواصفات و أسعار سيات ليون 2014 الجديدة

المشاركة الأصلية كتبت بواسطة ehab_mansour

رائع و سعرها حكايه و محركها زي الفل الواحد يشتريه و ينسي استهلاك البنزين و خاصة مع القيادة الهادئة ممكن يوصل بتاع 500 كيلومتر لكل 20 لتر

فيه ناس كتيييير بتقلك عيبها هو محركها الضعيف و انا شايف ان احنا بنحب الفشخرة بس زي الفل محرك 103 حصان و استهلاكه كده و تسارعه رائع جدا جدا بالنسبة ليه كقوة و عزم و استهلاك
رأيي هي سيارة العام مع قليل من التسويق الصحيح و خاصة انها جودة و تقنية و شكل حكاية

يعني عربية بتعمل استهلاك داخل المدينة فوق 360 كيلومتر ل 20 لتر و الطرق السريعه فوق ال 450 كيلومتر ل 20 لتر و مشتريهاش و اروح اشتري كوري و ياباني غوووووووووووووووووووووول بنزين !!!!!!!!!!! ابقي لمؤاخذ @#$%^&

فعلاً السعر دا ضربة معلم لكل اللي في السوق في الفئة السعرية دي

والمحرك مش ضعيف ولا حاجة هو المحرك اي نعم 105 حصان بس التسارع بتاعه للـ100 في 10.2 ثواني يعني بتشد جامد وتقريباً زي الاسترا GTC

- وعلى فكرة يا شباب اداء العربية مش بيكون حسب قوة المحرك وبس طيب ما في عربيات في نفس الفئة بمحرك 130 حصان بس ثبات العربية معدوم على السرعات العالية يبقى ايه فايدة الزيادة الحصانية ؟

المشاركة الأصلية كتبت بواسطة elmkaneeki

Dsg !!!!

يا باشا مشكلة الـDSG دي مش مشكلة دي مجرد سمعة من قديم الاذل وكله حسب استخدام السائق وهو مش حيبوظ مع نفسه واي فتيس غيره محتاج لعناية مش DSG بس

المشاركة الأصلية كتبت بواسطة ahmedk7

معلش سؤال هى الليون دى حد شفها اصل انا قريت ان الخامات بلاستيك و رديئة مش حلوة و كان برده فى ناس كاتبين ان العربية unreliable فهل ده صح ولا لأ
اصل انا معرفش حاجة عن السيات بس الى عرفته انها زى الجولف بس على رخيص

شكرا

لا لا الكلام دا مش مظبوط دي من جروب فولكس يعني الماني والخامات الضعيفة دي تلاقيها في الكيا والهايونداي والشيفروليه مش في الالماني الحديث

المشاركة الأصلية كتبت بواسطة Mzeid

التوكيل دة علشان لسة ماسك الماركة جديد اللي هو كيان مصر فعايز يعمل شغل احسن من التوكيل السابق خصوصا ان الليون بالذات عربية محترمة بس مأخدتش حظها في السوق

Sent from my GT-I9505 using Forum Runner

ربنا يستر وبعد كدا ميغليش :)

بس بسم الله ما شاء الله العربية حاصلة على اقوى التقييمات من اشهر المواقع

توب جير 8\10 على الطرق : SEAT Leon FR TDI driven full road test car review - BBC Top Gear - BBC Top Gear

وات كار 4\5 على الطرق : "seat leon hatchback" - Search Results - What Car?

وفي كار باير بيفضلوها على الاودي A3 سبورت باك تصور ؟

تقرير ممتااز وسياره رائعه :)

دى بنزين 92 ولا 95 ؟؟؟
و لو اتقارنت مع السيتروين سى فور اللى الهاى لاين بتاعها بـ 168 يبقى مين الاحسن ؟؟

جميع الكماليات جيدة وجميلة بس الخوف من transmission DSG