مواصفات و أسعار سيات ليون 2014 الجديدة

**corolladestroyer** · 08-12-2013 10:33 PM

المشاركة الأصلية كتبت بواسطة mr_revenger

الله ينور يا باشا تقرير محترم وخلانى اعيد تفكيرى بصراحه بعد ما كنت نويت العزم على الاسترا كوزمو هاتشباك،،،فرق سعر بينها وبين اعلى فئه فى السيات ٢٠٠٠٠ مش قليلين،،،،بس كنت عاوز اعرف بامانه كده،،قوه المحرك والثبات والتجهيزات والامان فى مصلحه الاوبل ولا السيات،،،وبعدين هى السيات كام سي سى لانى مش فاهم يعنى ايه ١.٢ tsi ده

وشكرا

بص يا باشا للامانه الكامله والمعلومات اللي متاكد منها
قوة المحرك:-السيات تكسب اكييد ودي معلومه اكيده من واقع تجربه وتقريبا والله اعلم انا الوحيد في المنتدى اللي جربت الموتور ده عمليا على الجولف المانيوال وبقولك وبالفم المليان لو اشتريت العربيه دي الموتور هيبهرك وهتتخض ......
الثبات:- مفتيش في الحوار ده بس الاتنين فيهم esp والاتنين حاجه الماني معتبره....
الامان:-السيات 6 ايرباج معرفش الكوزمو كام وطبعا السيات فيها كل انظمة الفرامل والثبات الحديثه من absو ebd و asr
بالنسبه لسؤالك على الموتور هو 1200 تربو بيطلع 105 حصان و 175 نيوتن على 1400 rpm ف الموتور ممتاز جدا توفير بنزين رائع وفي نفس الوقت اداء محترم جدا افضل تقريبا من كل العربيات ال 1.6 ال na في مصر.....رايي توكل على الله مش هتندم عربيه تحفه بالذات لو غاوي هاتش باك....

**Marwan yahya** · 11-12-2013 11:04 PM

العربية وهم وشكلها تحفة بس للاسف الخوف من ال dsg اللي عقد الناس من فولكس وسيات انا كنت ناوي عليها بس حوار ال dsg خلاني ارجع افكر تاني

**ramykandeel** · 13-12-2013 09:01 PM

المشاركة الأصلية كتبت بواسطة Marwan yahya

العربية وهم وشكلها تحفة بس للاسف الخوف من ال dsg اللي عقد الناس من فولكس وسيات انا كنت ناوي عليها بس حوار ال dsg خلاني ارجع افكر تاني

أنا معاك يا باشا el-DSG هو المشكلة ...وكل مرة بيقولوا خلاص المشكلة اتحلت لكن ده طبعا كلام بايعين ...يعني لو عايز يقولك إنها بطير هيقولك علشان تشتري ...

أنا كمان شايف مشكلة البنزين في كل الجديد ..95 !!!!!!
وفي حاجة مهمة اخرى ..الأكتفيآه الجديدة .... ضمان شامل 5 سنوات لي العربية بدون حد اقصى للكيلومترات ... وضمان الفتيس 2 سنة !!!!!DSG.... ده أكيد معناه انهم حللو

المشكلة لي سنتين بس

ده راي الشخصي .. وشكرا

**A.Adel** · 13-12-2013 09:26 PM

ضمان ال octavia ده هنا في مصر ؟
اللي أعرفه إن ضمان سكودا سنتين بس

**corolladestroyer** · 13-12-2013 10:12 PM

المشاركة الأصلية كتبت بواسطة ramykandeel

أنا معاك يا باشا el-DSG هو المشكلة ...وكل مرة بيقولوا خلاص المشكلة اتحلت لكن ده طبعا كلام بايعين ...يعني لو عايز يقولك إنها بطير هيقولك علشان تشتري ...

أنا كمان شايف مشكلة البنزين في كل الجديد ..95 !!!!!!
وفي حاجة مهمة اخرى ..الأكتفيآه الجديدة .... ضمان شامل 5 سنوات لي العربية بدون حد اقصى للكيلومترات ... وضمان الفتيس 2 سنة !!!!!DSG.... ده أكيد معناه انهم حللو

المشكلة لي سنتين بس

ده راي الشخصي .. وشكرا

شوفو ياجماعه ال dsg مشكلته الاساسيه مشكله نفسيه بحته اللي بيجيب عربيه اوتوماتيك عايزها اوتوماتيك والسلام مش بيجي في دماغه ان ده اوتوماتيك مش عادي وان العربيه نقلتها مختلفه ف بيرجع يضايق من العربيه وبيبدا يحس بحجات غريبه هو مش متعود عليها وهيا normal جدا وانا نفسي اللي كنت مسيستم نفسي على ال DSG فوجئت ببعض الحجات الغرييه ومع ذلك بحب ال dsg جدا ثانيا موضوع البنزين 95 ده كلام شركات ومصانع عشان قال ايه توصل لافضل حاجه من استهلاك بنزين و جري والهري ده كله بس على ارض الواقع العربيه بحطلها بنزين 92 و بسم الله ماشاء الله استهلاك رائع وسحب فوق الممتاز العربيه جابت 100 في 7.9 وكتالوج 8.4 ف معناها مفيش اي مشكله خالص والفنتازيا والجولف 6 مكتوب على التنك 95 برضو والناس كلها بتحط 92 ومفيش اي مشاكل نهائي ف موضوع 95 فككو منه خالص ده كلام عملي العربيه زي الفل مع 92 العربيه الوحيده فعلا اللي بتتعب من 92 هيا الباسات ال FSI فقط....غير كده من اساس تجارب عمليه كله شغال حرير ما شاء الله....

**corolladestroyer** · 13-12-2013 10:14 PM

المشاركة الأصلية كتبت بواسطة a.adel

ضمان ال octavia ده هنا في مصر ؟
اللي أعرفه إن ضمان سكودا سنتين بس

والله ده اللي انا اعرفه برضه سنتين بدون حد اقصى للكيلو....

**Mzeid** · 14-12-2013 01:42 AM

المشاركة الأصلية كتبت بواسطة corolladestroyer

شوفو ياجماعه ال dsg مشكلته الاساسيه مشكله نفسيه بحته اللي بيجيب عربيه اوتوماتيك عايزها اوتوماتيك والسلام مش بيجي في دماغه ان ده اوتوماتيك مش عادي وان العربيه نقلتها مختلفه ف بيرجع يضايق من العربيه وبيبدا يحس بحجات غريبه هو مش متعود عليها وهيا normal جدا وانا نفسي اللي كنت مسيستم نفسي على ال dsg فوجئت ببعض الحجات الغرييه ومع ذلك بحب ال dsg جدا ثانيا موضوع البنزين 95 ده كلام شركات ومصانع عشان قال ايه توصل لافضل حاجه من استهلاك بنزين و جري والهري ده كله بس على ارض الواقع العربيه بحطلها بنزين 92 و بسم الله ماشاء الله استهلاك رائع وسحب فوق الممتاز العربيه جابت 100 في 7.9 وكتالوج 8.4 ف معناها مفيش اي مشكله خالص والفنتازيا والجولف 6 مكتوب على التنك 95 برضو والناس كلها بتحط 92 ومفيش اي مشاكل نهائي ف موضوع 95 فككو منه خالص ده كلام عملي العربيه زي الفل مع 92 العربيه الوحيده فعلا اللي بتتعب من 92 هيا الباسات ال fsi فقط....غير كده من اساس تجارب عمليه كله شغال حرير ما شاء الله....

هو كان فيه حد من الأعضاء هنا ذكر في موضوع تاني انه سأل في مركز صيانة لفولكس عن الجيربوكس دة و قالوله انه لازم يستخدم بطريقة معينة
اكيد دة السبب في اعطاله الشائعة

**amgomaa** · 14-12-2013 01:45 AM

سيارة رائعه بالفعل بس التوكيل يشد حيله شويه فى الدعايا

**tata12001** · 14-12-2013 10:24 PM

المشاركة الأصلية كتبت بواسطة corolladestroyer

شوفو ياجماعه ال dsg مشكلته الاساسيه مشكله نفسيه بحته اللي بيجيب عربيه اوتوماتيك عايزها اوتوماتيك والسلام مش بيجي في دماغه ان ده اوتوماتيك مش عادي وان العربيه نقلتها مختلفه ف بيرجع يضايق من العربيه وبيبدا يحس بحجات غريبه هو مش متعود عليها وهيا normal جدا وانا نفسي اللي كنت مسيستم نفسي على ال dsg فوجئت ببعض الحجات الغرييه ومع ذلك بحب ال dsg جدا ثانيا موضوع البنزين 95 ده كلام شركات ومصانع عشان قال ايه توصل لافضل حاجه من استهلاك بنزين و جري والهري ده كله بس على ارض الواقع العربيه بحطلها بنزين 92 و بسم الله ماشاء الله استهلاك رائع وسحب فوق الممتاز العربيه جابت 100 في 7.9 وكتالوج 8.4 ف معناها مفيش اي مشكله خالص والفنتازيا والجولف 6 مكتوب على التنك 95 برضو والناس كلها بتحط 92 ومفيش اي مشاكل نهائي ف موضوع 95 فككو منه خالص ده كلام عملي العربيه زي الفل مع 92 العربيه الوحيده فعلا اللي بتتعب من 92 هيا الباسات ال fsi فقط....غير كده من اساس تجارب عمليه كله شغال حرير ما شاء الله....

طيب عند حضرتك طريقة التعامل مع الـ dsg ؟

**corolladestroyer** · 14-12-2013 10:35 PM

المشاركة الأصلية كتبت بواسطة tata12001

طيب عند حضرتك طريقة التعامل مع الـ dsg ؟

بص من طبيعة عمل الفتيس هيا حاجه واحده مهمه جداا في سواقة الفتيس كنت قريتها كتير في منتديات اجنبيه وهيا اني اهم حاجه متدوسش نص دوسه على الفرامل لان ال RPM هتلاقي بيعلى حاجه بسيطه والعربيه مش بتتحرك ده بالضبط اكنك سايق عربيه مانيوال ومثبتها على مطلع بالدبرياج فلك ان تتخيل العربيه ماشي بيها كده على طول طبعا هتقصف عمر الفتيس حجات تانيه وانت في الزحمه حط في تيب ترونيك او اس عشان العربيه بتنقل مابين الاول والتاني بطريقه مجنونه ودي اهم نقط بالذات موضوع الفرامل ده لازم توقف العربيه كويس عشان الفتيس يفصل وتلاقي ال rpm نازل مكانه الطبيعي والعربيه ميتقره مش يفضل الفتيس رافع حاجه بسيطه وانت موقفه بالفرامل.....