اتفرجت على العربية النهاردة في بي أوتو فرع شارع اللاسلكي
إجمالاً العربية حلوة و فيها شوية حاجات مبهرة...
الفئة المعروضة كانت أعلى فئة ..
فتحة سقف بانوراما جميلة تغطي نصف السيارة الامامي
http://content.worldcarfans.co/2012/...9857998442.jpg
الفوانيس الأمامية أكثر من رائعة و هي مش زينون...هي FULL LED و دي أول عربية إقتصادية يتم تزويدها بالتقنية دي
http://content.worldcarfans.co/2012/...1045561939.jpg
الفوانيس الخلفية رائعة باليل و تشبة الاودي إلى حد كبير
http://content.worldcarfans.co/2012/...1693199174.jpg
من الداخل ظريفة مش مبهرة قوي...كخامات و نظافة كويسة جداً...لكن تصميمها بسيط جداً بشكل ممل...
http://content.worldcarfans.co/2012/...1496707111.jpg
الموتور انا متحمسلة جدأ...هو ده الإتجاه الجديد...عزم كبير على لفات قليلة.. توفير بنزين ...و انا متأكد ان قوته هاتبقى مناسبة جداً بالنسبة لأي موتور 1600 في السوق
التعليق الخلفي تورشن بيم ..و ده لكل المواتير الأقل من 140 حصان..
توكيلها الجديد كيان هو أصلاً توكيل فولكس بس بإسم جديد علشان التسويق.. و حاليا الصيانة مشتركة معاهم في مراكز فولكس لحد ما يفتحوا مراكز جديدة خاصة بسيات
العربية إجمالاً عاجباني بس من جوه مبهرتنيش...الأسترا مثلاً تتفوق عليها بمراحل من حيث الشياكة و التصميم و الإهتمام بالتفاصيل