الموضوع: مواصفات و أسعار سيات ليون 2014 الجديدة

الف مبروك يا باشا ربنا يباركلك فيها ومستنين التقرير :)

أن شاء الله التقرير هنزلة يوم الاثنين بس احب اعرفكم ان 50 لتر بنزين مشيت بيهم 730 كيلو وربنا يبارك فيكم كلكم وعقبال الجميع ان شاء الله

معلش يا جماعة انا مش بقهم قوى فى العربيات بس انا كنت مهتم فعلا بالليون .. بس مش هوا دة نفس الفتيس اللى عمال يبوظ كل عربيات الفولكس ؟؟ حتى الاوكتافيا الجديدة ؟؟ !!!

المشاركة الأصلية كتبت بواسطة mostafaa1981

بسم الله الرحمن الرحيم الاخ الفاضل صاحب الموضوع انا بشكرك جدا علي المعلومات المفيدة جدا اللي وردت في الموضوع واللي استفادتها منك ومن الردود للاخوة الاعضاء واحب اشكر كل اللي شكر في ليون 2014 لاني بعد اختلافاتكم واراءكم فقررت اشتريها وبالفعل اشترتهايوم 31/12 اللي فات والحمد لله العربية ممتازة انا كنت بقارن بينها وبين الاوبل استرا ولكن لا مال للمقارنة بين السيارتين اطلاقا وان شاء الله هعمل لكم موضوع كامل عن السيارة بعد مرور 15 يوم علي قيادتها بس للعلم السيارة كلها مميزات اهمها توفير الوقود والسلاسة في قيادتها واراكم كمان كام يوم وبكرر لكم جميعا شكري

الف مبروك يا باشا ربنا يباركلك فيها و يكفيك شرها يا ريت تلحقنا بالتقرير عن العربية فى السريع بقى عشان اخوك خلاص حيشترى بس عايز اطمن منك على العربية :)

صديقي العزيز .. رغم اعجابي الشديد بكل من السيارة الابيزا والليون الا انه بعد السؤال والبحث اصبح لدي عدد من التساؤلات لا اجد عنها اجابة :

1- ندرة قطع الغيار وعدم توافر بعضها وارتفاع سعرها بشكل مبالغ فيه
2- صعوبة اعادة البيع وانخفاض السعر بشكل حاد
3- ما هو الفرق الجوهري بين الفولكس والسيات خاصة وأن بعض المكونات من شركة فولكس

انا تقريبا اول واحد استلم ليون 2014 استلمتها بتاريخ 30/11/2013 ومقدرش اقول اكتر من انها عربية خيال فى كل حاجة وفى نفس الوقت مش هنكر خوفى من ظهور اى مشكلة فى الفتيس هو دة قلقى الوحيد وحتى الان معايا بقالها شهرين ونصف ولا يوجد بها ادنى مشكلة الحمد لله
الثبات : 10/10 بأخد بيها غرز على سرعة 170 على المحور
التسارع : ولا حد يعرف يعمل معاك حاجة على الطريق
العفشة : ما شاء الله نعمة بفضل الجنوط 16
البنزين : مش بستخدم غير بنزين 95 للاسف هو نادر وغالى بس الحمدلله العربية موفرة جدا وبيخلى العربية عاملة زى الرصاصة على الطريق ما شاء الله
الخامات : لا غبار عليها
السوند سيستم بتاعها : حدث ولا حرج مش هتسمع نقاء صوت بالارتفاع دة فى اى عربية ودى اكتر حاجة عجبانى فى العربية مع كل مميزاتها ان فيها صوت جبااااااااااااااااااااااا ار على رأى حليم
اقدر اقول عليها افضل سيارة فى الفئة السعرية دى
العربية اعلى فئة : لا تحتوى على الاوتو هولد , سنسور بارك , مرايات ضم كهرباء