هل ينفع الواحد يركب مرايات كهرباء للبيجو 301 في التوكيل ؟؟؟؟
ولو ينفع تكلف كام ؟؟؟
أصل بصراحه ده أكبر عيب في الفئه الأولى للعربيه دي
عرض للطباعة
هل ينفع الواحد يركب مرايات كهرباء للبيجو 301 في التوكيل ؟؟؟؟
ولو ينفع تكلف كام ؟؟؟
أصل بصراحه ده أكبر عيب في الفئه الأولى للعربيه دي
المرايتين اعتقد هيدخلوا في 1400-1500 بعد الضريبة ، ويبقى لسة مصنعية التركيب والرش ، هيبقى حوار كبير
هو مش عيب اوى ولا حاجة في العربية انهم مانيوال ، انا كدة كدة بظبط مراياتى ظبطة واحدة وبخليها لبرة الى اقصى حاجة عشان تكشف المنطقة العمياء ومش بحب العب في ظبطة المراية كل شوية ، المشكلة الوحيدة انى بقيت اكسل اقفل المرايات عشان الظبطة بتتغير لما المراية بتتقفل وتتفتح تانى
ولكن عموما دول مش عاملينلى ازمة في العربية خالص ، ولما يبقى عندى مثلا تحريك النور لفوق وتحت كهربا يبقى احسن من المرايات الكهربا ، يعنى اوبشن بيسند اوبشن :d
حالة واحدة بس المرايات الكهربا ضرورية جدا فيها ، ان يكون اكتر من شخص بيسوقوا نفس العربية او تكون من النوع اللى كل شوية تغير ظبطة المراية وانت بتركن ووانت ع الطريق ووانت في شوارع جانبية ( وانا مش بعمل كدة )
أهو أنا بقى عندي الحالتين دول عشان كده بسأل على تركيب المرايات الكهرباء
أنا كنت سألت عليهم وأتقال لي كلام غريب كده ان الموضوع ممكن يدخل في 10.000 جنيه وزياده عشان بيغيروا ضفيره الكهرباء ومش عارف ايه وايه وحوار طويل عريض بس مش عارف الكلام ده صح ولا غلط عشان كده قلت أسأل يمكن حد يكون عملها أو حتى سأل عليها في الوكيل يفيدني
من الاخر ال واضح لحد دلوقتى
و ده يعتبر الفكره الضمنيه ال التوكيل عايز يوصلها للناس
ان دى عربيه اقتصاديه و نازله الضفيره بتاعتها فى نص العربيه
يعنى من الاخر منعرفش نلعب فى الكهرباء بأى شكل
بدليل انهم مش راضيين يركبوا سماعات ولا وحدات رفع
بعكس الكروز كنترول و الفوجات ال هما اصلا سلوكهم ممدوده و جاهزه ع التركيب
ارجو تكونوا فهمتوا قصدى ..!!
انا سالت على المريات و وحده الرفع من شهر تقريبا فى توكيل غمره و تكلفه التركيب المهندس قالى ان معندهمش فكره عن التكلفه لان الحاجات دى لسه مش موجوده او موصلتش من فرنسا مش فاكر بالظبط الحاجه الوحيده اللى كانت موجوده مثبت السرعه و سالت على الجنط سمعت رقم مش عارف ده طبيعي ولا ايه الجنط الواحد ب2000 جنيه
يا باشا انا معنديش ادني فكره عن الاسعار و اول مره اتعامل مع الاسد الفرنسي و قولت اعرف منكم يا اهل الخبره السعر ده طبيعي ولا لا