-
اريال كهرباء
السلام عليكم ورحمة الله
عندى عربية لانوس 99 وفيها مشكلة ان الاريال الكهربا كان شغال بس مكسور فغيرته بواحد جديد بس بطل يشتغل كل ما أوصل الاطراف ببعضها يشتغل وافكهم ينزل يعنى شغال بلدى انما المفروض يشتغل مع الكونتاك ياريت بعد اذنكوا اعرف العيب من فين؟
ولكم جزيل الشكر
-
الأخ العزيز جرب الإريال القديم مرة أخري وشوف الحركة شغالة كويس ولا لأ لو شغال كويس يبقي العيب في الجديد وإحتمال يكون العيب في التوصيل بتاع الإريال بمعني في طرف مقلوب مكان الأخر لاحظ ذلك بالقياس ولو الأطراف سليمة يبقي العيب في دائرة الإريال الداخلية ولو الإريال الجديد نفس القديم بالضبط صلح القديم من الجديد وده أحسن
-
الاريال الكهربا المفروض يكون ليه 3 اطراف (ارضى + كهربا مباشرة + كهربا متقطعة)
الارضى من الجسم
الكهربا المباشرة : جرب تاخد فردة من البطارية
الكهربا المتقطعة : من الكونتاكت او من الافضل من الكاسيت (بيبقا فيه فردة فى الكاسيت اسمها باور انتينا بيبقا لونها ازرق)
تجرب ازاى ؟؟؟؟
وصل الارضى بجسم العربية الاول
فردة من البطارية توصلها بفردة من الاريال ..... والفردة التانية للاريال تلمسها بس وتشوف بيطلع وينزل ولا لا
فى الطبيعى لو وصلت الفردتين بالكهربا المباشرة الاريال حيطلع ....
اعتقد المشكلة عندك فى تحديد انهى فردة مباشرة وانهى متقطعه
Content Relevant URLs by
vBSEO 3.6.0 PL2