اللي بيسأل عن المكان و رقم التليفون .. المكان في طنطا على الطريق السريع الزراعي فيه واحد مشهور جدا في طنطا اسمه البهي لقطع الغيار الاستيراد .. لكن للأسف رقم التليفون مش معايا
الفروق بين العفشة الأمامية الاستيراد دي و العفشة بتاعتنا مش فاكرها كويس بصراحه لإن اللي كان بيشرحلي نفسه مش فاهم هو حافظ كده و خلاص فحاولت أسأله ماعرف يرد عليا كويس و قالي ده اللي انا عارفه و خلاص ..
بالنسبة للأسعار فأنا قولت اللي شوفته و سمعته .. غير كده مش عارف تفاصيل .. لسه زيي زي حضراتكم بسأل
بالنسبة للحمل بتاع العفشة دي على العربية .. لما سألت و شوفتها اتأكدت إنها مش هتكون حمل كبير على الموتور ولا حاجة ( بتكلم عن العفشة الخلفية ) لإني شوفت عربيات استيراد عند الراجل ده 2000 و عربيات تانيه 1600 و هي هي نفس العفشة تقريبا حسب رؤيتي
اللي بيقول إن الصح إننا لما نيجي نلعب نسقط موتور 2400 بالفيتيس بالعفشه .. فعلا الكلام ده صح من وجهة نظري ... لو كده كده هنكلف و هنلعب و نعدل يبقى هي عطله بعطله و فلوس بفلوس .. غير كده الفروق مش هتكون كبيرة فعلا ..
و شوفت وحدة الـ آي بس إس .. الأصلية اللي بتيجي استيراد برضه للبومه .. لكن كل الناس و الكهربائية و الصنايعية بيقولوا بلاش لإن تحويل العربية آي بي إس إحتمالية نجاحه قليل غير إنه متعب جدا ...
لكن أنا سؤالي بقى للأستاذ
mamd_3000 عن الشدادات ... منين يا باشا الله يكرمك جيبت طقم الشدادات الأصلي بتاع البومه ؟ علشان ده عندي أهم بصراحه من تغيير العفشه ..
* المهم إني في النهاية قررت إني حتى لو هعمل أبجريد للعفشة مش هكلفها كتير .. ممكن آخري أركب طقم مساعدين و يايات رياضي يكون متناسب مع البومه .. و هنا برضه ياريت حد يفيدني بحاجة مناسبه يكون مجربها تحسن الأداء ... و هبيع الطقم اللي عندي لغنه برضه أصلي بالتالي فرق السعر هيكون حاجات بسيطه .. و أنا أصلا كده كده مركب جنوط 16 و الكاوتش 50 على 205 و العفشة الأصلية بتاعتي مش تعبانه في حاجة قد كده بس لازم اهتمام شوية بيها ..