الموضوع: مشكله في الدواره

اخي الكريم
ممكن تكون البطارية منتهية تماما و غير قادرة على تدوير المارش حتى لو كانت لمبات التابلوه بتنور مع فتح الكونتاكت
غالبا مشكلتك في البطارية و دة احتمال 95 %
و الله اعلم

المشاركة الأصلية كتبت بواسطة ekotta

لا المفتاح مش امولايزر ..
مفتاحها عادي
اللي يهمني اوضحه لك .. ان مفيش صوت للدواره اصلا ( مش فيه دواره مثلا بس ضعيفه او العربيه ما بتقومشي ) .. ده مفيش خالص غير صوت طرمبه البنزين لما بتقوم وصوت ايريال العربيه لما بيترفع وبعدها كان الكونتاكت بيفصل ويعيد تاني تشغيل الطرمبه والايريال .. كان المفتاح اللي اتحط في الكونتاكت مش مدي اشاره خالص

وايه في رايك ممكن يكون العيب اللي في دايره المارش ؟؟

طبعا زيى ما كله متفق انه الاحتمال الاكبر بطارية

بس انا لو مكانك حشك فى الاسهل ثم الاصعب و ترتيبهم كدا

عصاية الفتيس مبوشة و كنترول الفتيس مش لاقط p و ديى سهل تتاكد منها بزق العصاية اكتر ناحية ال P او تتاكد لو فى التابلوه مبين لوضع الفتيس انه يبقى مدى P

تانى حاجة البطارية و ديى سهلة جدا مجرد انك تجرب تدور من عربية دايرة بوصلة لو دارت تبقى اكيد بطاريتك خلاص ( او يمكن محتاجة شحن ) حتى لو نور التابلوه شغال
هى بالمناسبة بقالها اد ايه ؟

تالت حاجة دايرة المارش و ديى قائمة طويلة
بداية من الكونتاكت لارضى الاتوماتيك للاتوماتيك نفسه
و فى الكات أوت و الضفيرة نفسها و يمكن فيوزات و حاجات تانية

المشاركة الأصلية كتبت بواسطة mostafa8085

اخي الكريم
ممكن تكون البطارية منتهية تماما و غير قادرة على تدوير المارش حتى لو كانت لمبات التابلوه بتنور مع فتح الكونتاكت
غالبا مشكلتك في البطارية و دة احتمال 95 %
و الله اعلم

حتي لو كانت اللمبات بتنور بقوه ومش بتضعف خالص لما ابتدي ألف المفتاح في الكونتاكت ؟؟
الفكره كلها يا مصطفي باشا ان اول لما بفتح الكونتاكت كل حاجه بتبقي ستاند باي زي الفل
التابلوه و الساعه ونور الصالون .. كل الانوار والكهارب شغاله من غير ما تضعف .. اقصد ان البطاريه مش بتموت ولا ضعيفه

لمزيد من التوضيح اخي الكريم ..
الكونتاكت اصلا مش مديني فرصه اسمع صوت الدواره سريعه ولا بطيئه لما تحط المفتاح كل اللي بيحصل ان طرمبه البنزين بتعمل الزنه بتاعتها واول لما تحاول تكمل لفه المفتاح للآخر مفيش دواره اصلا بتتم ..
والطرمبه تعيد تشغيل نفسها من تاتي

عملت كده معايا بقي لها 4 ايام ما تلقطشي لمده دقيقتين تلاته وبعد كده تلقط وتدور من اول مره عادي خالص ولا كأن فيه حاجه

المشاركة الأصلية كتبت بواسطة ahmadaly1999

طبعا زيى ما كله متفق انه الاحتمال الاكبر بطارية

بس انا لو مكانك حشك فى الاسهل ثم الاصعب و ترتيبهم كدا

عصاية الفتيس مبوشة و كنترول الفتيس مش لاقط p و ديى سهل تتاكد منها بزق العصاية اكتر ناحية ال p او تتاكد لو فى التابلوه مبين لوضع الفتيس انه يبقى مدى p

تانى حاجة البطارية و ديى سهلة جدا مجرد انك تجرب تدور من عربية دايرة بوصلة لو دارت تبقى اكيد بطاريتك خلاص ( او يمكن محتاجة شحن ) حتى لو نور التابلوه شغال
هى بالمناسبة بقالها اد ايه ؟

تالت حاجة دايرة المارش و ديى قائمة طويلة
بداية من الكونتاكت لارضى الاتوماتيك للاتوماتيك نفسه
و فى الكات أوت و الضفيرة نفسها و يمكن فيوزات و حاجات تانية

كلامك منطقي استاذ احمد .. هجرب واشوف قواطيش البطاريه زي ما الشباب كلها اجمعت هنا ..

والبطاريه بقي لها سنه .. من شهر 10 السنه اللي فاتت .. وشحنتها من 10 ايام تقريبا عند الكهربائي كانت بتغيب شويه في الدواره انما عمرها ما عملت كده ان الدواره اصلا ما بتبديش خالص مع وجود الانوار عاليه وقويه جوه وبره العربيه من غير ما تضعف ولا تموت ..

طيب تفتكر لو مش البطاريه ..
ويمكن المارش محتاج ( شربون ) ده ممكن يكون سبب يخللي العربيه تعمل كده ؟

المشاركة الأصلية كتبت بواسطة ekotta

حتي لو كانت اللمبات بتنور بقوه ومش بتضعف خالص لما ابتدي ألف المفتاح في الكونتاكت ؟؟
الفكره كلها يا مصطفي باشا ان اول لما بفتح الكونتاكت كل حاجه بتبقي ستاند باي زي الفل
التابلوه و الساعه ونور الصالون .. كل الانوار والكهارب شغاله من غير ما تضعف .. اقصد ان البطاريه مش بتموت ولا ضعيفه

لمزيد من التوضيح اخي الكريم ..
الكونتاكت اصلا مش مديني فرصه اسمع صوت الدواره سريعه ولا بطيئه لما تحط المفتاح كل اللي بيحصل ان طرمبه البنزين بتعمل الزنه بتاعتها واول لما تحاول تكمل لفه المفتاح للآخر مفيش دواره اصلا بتتم ..
والطرمبه تعيد تشغيل نفسها من تاتي

عملت كده معايا بقي لها 4 ايام ما تلقطشي لمده دقيقتين تلاته وبعد كده تلقط وتدور من اول مره عادي خالص ولا كأن فيه حاجه

أنا بتكلم عن تجربة شخصية في النوبيرا
كنت بسمع زنة طلمبة البنزين و كل الانوار شغالة و الكلاكس صوته عالي لكن بدور المفتاح في الكونتاكت مفيش اي حاجة بتحصل و مفيش مارش نهائيا
و العربية كانت بتدور زق او بوصلة من عربية تانية
اعتقد دي نفس الاعراض اللي عندك
و لما غيرت البطارية كله بقى تمام و العربية بتدور من اول تكة
ممكن تجرب تشيل بطاريتك و تحط بطارية من عربية تانية لو دارت علطول يبقى تتوكل على الله و تشتري بطارية جديدة

المشاركة الأصلية كتبت بواسطة ekotta

كلامك منطقي استاذ احمد .. هجرب واشوف قواطيش البطاريه زي ما الشباب كلها اجمعت هنا ..

والبطاريه بقي لها سنه .. من شهر 10 السنه اللي فاتت .. وشحنتها من 10 ايام تقريبا عند الكهربائي كانت بتغيب شويه في الدواره انما عمرها ما عملت كده ان الدواره اصلا ما بتبديش خالص مع وجود الانوار عاليه وقويه جوه وبره العربيه من غير ما تضعف ولا تموت ..

طيب تفتكر لو مش البطاريه ..
ويمكن المارش محتاج ( شربون ) ده ممكن يكون سبب يخللي العربيه تعمل كده ؟

لا مش شاربون
لو السبب مش عصايا الفتيس و لا البطارية
حيبقى غالبا كات أوت او اتوماتيك مارش بيعلق