الموضوع: سر خطير فى دورة تبريد الفليشيا

المشاركة الأصلية كتبت بواسطة mohamed abd el shafy

السلام عليكم يا جماعة
انا هقولكم ان شاء الله عن سر جديد من اسرار الفليشيا عرفته بقدر الله رغم ان السيارة معايا منذ 2007 ولم اعرف هذا السر الخطير.
منذ فترة وانا الاقى الميه بتنقص من دورة التبريد ومش عارف بتنقص منين ورحت للميكانيكى ومعرفش بتنقص منين وعمال ادور وابص ومش شايف اى تسريب
وبقيت ابص تحت العربية ومبلاقيش ميه بتنقط منها
وطبعا العربية بقت بتاخد هوا من هذا التسريب وبقت بتسخن وبتاكل ميه كتير
وايضا بلاقى صدى فى القربة على الرغم ان الريداتير المونيوم وطبعا الموتور الومنيوم
المهم كنت فى يوم فى مشوار والدنيا كانت حر شوية ولقيت العربية سخنت قمت نزلت ازود الميه كالعادة لقيت ميه عمالة تنقط من تحتها

الغريبة ان الميه لقيتها جاية عند سدر العربية

روحت للميكانيكى واتارى ان فيه وصلة بتدخل للساخن فى سربنتينه نحاس عشان تدفى العربية
وهذه السربنتينه موجوده فى علبه سودة تحت هواية الكبوت وهذه السربنتينة اتخرمت من عامل الزمن وكانت السبب فى وجود الصدء فى القربة اللى هو من النحاس بتاع السربنتينه

قمنا لغينا هذه الوصلة ونظفت الريداتير وحطيت ميه والحمد لله بقت بتنقص بمعدل معقول

قولت افيدكم عشان تاخدوا بالكم وتدعوا لى
شكرا لكم

هل انت بتستعمل مية الحنفية ؟
لو بتستعمل مية الحنفية الصداء اللى فى دورة التبريد ده مش من الدفاية علشان هى مصنعة من الألومنيوم الصداء ده نتيجة تأكل طرمبة المية وماسورة الشجرة الحديد اللى تحت الطرمبة بتبقى متأكلة ومهرية من الداخل وهى اللى بوظت رادياتير الدفاية وخرمته وده سبب نقص المية عندك المفروض فى الفليشيا لو فيه مية حمراء نوع محترم فى دورة التبريد مع احكام الخراطيم ماتنقصش الا بمعدل حوالى 1/4 لتر كل كام شهر تحياتى !!