نقص الزيت فى الفيرنا

**anwarnono** · 20-11-2013 05:42 PM

السلام عليكم

عندى مشكله فى نقص زيت الموتور بمعدل 1 ك كل شهر، فى فيرنا 1600 موديل 2007

جربت فيسكو 5000، وجربت فيسكو 3000، نفس المشكله، فى الاول غسلت المتور غسله تمام، ولقيت تسريب فى جوان السلندر وعند مكان الفلتر، وروحت للميكانيكى وظبط ورحت غسلت المتور تانى وبالفعل مالقتش اى تسريب تانى خالص ظاهر.

وحتى الان بينقص الزيت وروحت امبارح المياكانيكى قالى الماتور زى الفل ومافهوش دخنه ولا اى حاجه !!!

**megadeath** · 20-11-2013 07:01 PM

هل فيه دخنة ؟ و هل هى عند الدوارة بس و لا علطول ؟

**samihanwar** · 20-11-2013 07:51 PM

معالى الباشا
أخبار استهلاك البنزين؟
ممكن تقولى؟
عشان خلى بالك ان فى ميكانيكيه بيفتو كتير اوى!

**lanos2004** · 20-11-2013 08:03 PM

شوف الزيت ينقص من التسريب او الاحتراق
التسريب حضرتك عالجته خلاص
شوف لو الشنبر خفيف وفيه زيت بيتحرق مش هيتحرق الا على 5000 الى 6500 قبل كدة مش هتشوف دخان نهائى
خلى اى حد من اصحابك يدوس بنزين على الاخر متخفش عادى خالص
وانته بص على الشكمان لو لقيت دخان ابيض يبقه الشنبر خفيف لو ما فيش دخان وكله تمام يبقه لسه عندك تسريب وافحص الماتور كويس

**ayam7** · 20-11-2013 09:02 PM

العربية لما تحرق زيت يبقى اما بتحرقه من فوق او من تحت بمعنى ان لو عندك كاوتش صباب بايظ العربية هتحرق زيت وهتدخن ابيض ولو عندك طقم شنبر بايظ العربية هتحرق زيت وفايظ الماكينة هيبقى فيه بخر وهتدخن على السرعات العالية طب لا دة ولا دة يبقى نبص على جسم الماكينة كويس يمكن يكون فيه حاجة بتسرب وحاول تبدأ من تحت من بداية طبه الزيت

**anwarnono** · 21-11-2013 11:44 AM

المشاركة الأصلية كتبت بواسطة samihanwar

معالى الباشا
أخبار استهلاك البنزين؟
ممكن تقولى؟
عشان خلى بالك ان فى ميكانيكيه بيفتو كتير اوى!

ال 10 لتر 92 بيعملوا 110 كيلو، علشان كده قولت اسال اهل الخبره.

المشاركة الأصلية كتبت بواسطة lanos2004

شوف الزيت ينقص من التسريب او الاحتراق
التسريب حضرتك عالجته خلاص
شوف لو الشنبر خفيف وفيه زيت بيتحرق مش هيتحرق الا على 5000 الى 6500 قبل كدة مش هتشوف دخان نهائى
خلى اى حد من اصحابك يدوس بنزين على الاخر متخفش عادى خالص
وانته بص على الشكمان لو لقيت دخان ابيض يبقه الشنبر خفيف لو ما فيش دخان وكله تمام يبقه لسه عندك تسريب وافحص الماتور كويس

بالفعل عملت كده ومالقتش دخنه بيضه خالص الحمد لله،هفحصه تانى حتى لو هبات تحت الماتور واشوف بيجى منين

المشاركة الأصلية كتبت بواسطة ayam7

العربية لما تحرق زيت يبقى اما بتحرقه من فوق او من تحت بمعنى ان لو عندك كاوتش صباب بايظ العربية هتحرق زيت وهتدخن ابيض ولو عندك طقم شنبر بايظ العربية هتحرق زيت وفايظ الماكينة هيبقى فيه بخر وهتدخن على السرعات العالية طب لا دة ولا دة يبقى نبص على جسم الماكينة كويس يمكن يكون فيه حاجة بتسرب وحاول تبدأ من تحت من بداية طبه الزيت

بالفعل هعمل كده ان شاء الله

المشاركة الأصلية كتبت بواسطة megadeath

هل فيه دخنة ؟ و هل هى عند الدوارة بس و لا علطول ؟

لا مافيش دخنه خالص.

شكرااخواتى لنصايحكم جداااااا، ويارب الاقى التسريب وهقولكم عالطول