(تحذير) قبل الانطلاق بسيارتك لا تنسى ان .....

**RAPID** · 20-11-2013 06:08 PM

تذكير هام ...

فصل الشتاء فى بدايته ... والقطط تبحث عن مأوى لها تحت السيارات ..
لا تنسى أن تلقى نظره تحت سيارتك وفوق العجلات قبل الإنطلاق بها ..

جزاكم الله خيراً ..

**RAPID** · 20-11-2013 06:12 PM

عجبنى جدا التعليق ده على الصورة
ـــــــــــــــــــــــــ ـــــــــــــــــــــــــ ــــــــــ

انا كل يوم وانا رايح الكلية الصبح اقعد احدف طوب صغنن اوى تحت العربيات وانا ماشى مسافة ربع ساعة كدة لحد ما اركب المشروع

اللى بيشوفنى ممكن بل اكيد بيفتكر انى واحد اهبل بلعب لعب عيال صغيرة
بس الحقيقة عشان اصحى القطط اللى نايمة تحت العربيات

لأن مش كلو بيبص تحت عربيتو كله اصلا بيصحى من النوم مسقط وممكن يروح يركب عربية مش بتاعتو اساسا

**DODGE2013** · 20-11-2013 07:00 PM

بدل ما تقعد تبص انا بشغل واسخن وقبل ما امشي شوية ريس حلوين كده على المور بيصحي القطط الي تحت العربيه

**Imhotep** · 20-11-2013 07:03 PM

مرة قطة سافرت معايا من وسط البلد لاكتوبر بعد ما دوخت اعرف هى فى اى حتة تحت العربية و معرفتش و سامع نونوة و خلاص لما كنت هتجنن . . . فسلمت امرى لله و مشيت و مشوارى 40 كيلو و لقيتها تانى يوم جنب العربية و كانت قطة صغيرة مش كبيرة. . . سبحان الله فعلا ب7 ارواح

**مصطفى-حسن** · 20-11-2013 07:11 PM

وانا مرة مشيت بقطة مسافة 10 كيلو
وكنت هتجنن واعرف صوت النونوة دة جاى منين وانا سايق
وفى الاخر وقفت وطلعت مستخبية بين الكارتيرة الفبر اللى بتبقى فوق العجل الامامى وبين الصاج بتاع رفرف العربية
وبردو كانت قطة صغيرة

**swimmer25** · 21-11-2013 10:26 AM

أحتمال كبير لما تدور العربية تصحي وتنزل من فوق الكاوتش
المشكة الأكبر إنها تدخل جوا الكبوت وتنام عند سير من السيور ومتصحاش غير لما يكون السير اتحرك مع الدوارة
او تنام ناحية مساعد او فوق كارتيرة زي ما قال مصطفي وتقع مع الحركة والمطبات